ಗ್ರಂಥರತ್ನಮಾಲಾ

ನಾರದೀಯಮಹಾಪುರಾಣ – ಭಾಗ – ೧೦

ಆರಂಭಿಕ ಪುಟ ಅನುವಾದಕರು: ಶ್ರೀ ದೊಡ್ಡಬಳ್ಳಾಪುರಂ ವಾಸುದೇವಾಚಾರ್ಯ

ವಿಷಯಾನುಕ್ರಮಣಿಕೆ

ಅರವತ್ತೊಂದನೆಯ ಅಧ್ಯಾಯ
- ಶ್ರೀಒಉರುಷೋತ್ತಮಕ್ಷೇತ್ರದಲ್ಲಿ ದೇವತೆಗಳು ಮಾಡಿದ ಬಲರಾಮ, ಕೃಷ್ಣ, ಸುಭದ್ರೆಯರ ಸ್ತೋತ್ರ. ಆ ಕ್ಷೇತ್ರಯಾತ್ರೆಯ ಫಲವರ್ಣನೆ
ಅರವತ್ತೆರಡನೆಯ ಅಧ್ಯಾಯ
- ಪ್ರಯಾಗಕ್ಷೇತ್ರದ ಮಹಿಮೆ. — ಅಲ್ಲಿ ಆಚರಿಸಬೇಕಾದ ತೀರ್ಥವಿಧಾನ
ಅರವತ್ತುಮೂರನೆಯ ಅಧ್ಯಾಯ
- ಪ್ರಯಾಗದಲ್ಲಿನ ತ್ರಿವೇಣೀಸಂಗಮಸ್ನಾನವಿಧಾನ ಮತ್ತು ಅದರ ಮಹಿಮೆ. ಮಾಘಮಾಸಾದಿ ವಿಶೇಷ ಪುಣ್ಯಕಾಲದಲ್ಲಿ ಸಂಗಮ ಸ್ನಾನದ ಫಲಾದಿಗಳು. ಆ ಕ್ಷೇತ್ರದಲ್ಲಿರುವ ಇತರ ತೀರ್ಥಗಳ ವಿವಣೆ. ಅಲ್ಲಿ ಆಚರಿಸಬೇಕಾದ ವಿಧಾನ, ಫಲ ಮುಂತಾದುವು
ಅರವತ್ತುನಾಲ್ಕನೆಯ ಅಧ್ಯಾಯ
- ಕುರುಕ್ಷೇತ್ರದ ಮಹಿಮೆ — ಅದರ ವಿಸ್ತಾರ, ವೈಶಿಷ್ಟ್ಯ, ಬ್ರಹ್ಮಾವರ್ತ ಮುಂತಾದ ಪವಿತ್ರ ಸ್ಥಳಗಳು, ಅವುಗಳ ಪರಿಮಿತಿ, ಆಲ್ಲಲ್ಲಿ ಆಚರಿಸಬೇಕಾದ ವಿಧಾನ, ಫಲ ಮುಂತಾದುವು
ಅರವತ್ತೈದನೆಯ ಅಧ್ಯಾಯ
- ಕುರುಕ್ಷೇತ್ರದಲ್ಲಿರುವ ವನಗಳು, ನದಿಗಳು, ತೀರ್ಥಗಳು, ದೇವಾಲಯಗಳು, ಅವುಗಳಲ್ಲಿ ಒಂದೊಂದು ಸ್ಥಳದಲ್ಲಿಯೂ ಮಾಡಬೇಕಾದ ಸ್ನಾನ, ಪೂಜೆ, ದಾನ ಮುಂತಾದುವುಗಳ ವಿಧಾನ ಮತ್ತು ಅವುಗಳ ವಿಶೇಷ ಫಲವಿವರಣೆ
ಅರವತ್ತಾರನೆಯ ಅಧ್ಯಾಯ
- ಹರಿದ್ವಾರ ಮಹಿಮೆ — ದಕ್ಷಪ್ರಜೇಶ್ವರನು ಮಾಡಿದ ಯಜ್ಞನ ವಿವರಣೆ. ಸತೀದೇವಿಯು ಪತಿನಿಂದೆಯನ್ನು ಕೇಳಲಾರದೆ ದಕ್ಷಯಜ್ಞಕುಂಡದಲ್ಲಿ ಮಾಡಿದ ದೇಹತ್ಯಾಗ. ವೀರಭದ್ರನ ಅವತಾರ ಮತ್ತು ದಕ್ಷಯಜ್ಞನಾಶನ. ಗಂಗಾದ್ವಾರದಲ್ಲಿರುವ ಜಹ್ನುತೀರ್ಥಾದಿಗಳು ಮತ್ತು ಅವುಗಳ ಮಹಿಮಾವರ್ಣನೆ
ಅರವತ್ತೇಳನೆಯ ಅಧ್ಯಾಯ
- ಬದರಿಕಾಶ್ರಮದ ಮಹಿಮೆ — ಧರ್ಮರಾಜನಿಂದ ಮೂರ್ತಿದೇವಿಯಲ್ಲಿ ನರನಾರಾಯಣರ ಅವತಾರ ಕಥನೆ. ಅವರಿಬ್ಬರೂ ಗಂಧಮಾದನಪರ್ವತದಲ್ಲಿರುವ ಬದರಿಕಾಶ್ರಮಕ್ಕೆ ಬಂದು ತಪಸ್ಸುಮಾಡುತ್ತ ನೆಲೆಸಿರುವುದು. ಅಲ್ಲಿರುವ ತೀರ್ಥಗಳ ವರ್ಣನೆ ಮುಂತಾದುವು. ಬ್ರಹ್ಮಾದಿದೇವತೆಗಳು ಕಾರ್ತಿಕಮಾಸದಿಂದ ವೈಶಾಖಮಾಸದವರೆಗೆ ಆರುತಿಂಗಳು ಕಾಲ ಸ್ವತಃ ಅಲ್ಲಿರುವ ನಾರಾಯಣ ದೇವನನ್ನು ಪೂಜಿಸುವುದೇ ಮೊದಲಾದ ಮಹಿಮೆಗಳು
ಅರವತ್ತೆಂಟನೆಯ ಅಧ್ಯಾಯ
- ಕಾಮೋದಾದೇವಿಯ ಮಹಿಮೆ — ಕಾಮೋದಾದೇವಿಯ ಅವತಾರ ಪ್ರಸಂಗ. ದೇವತೆಗಳು ಕಾಮೋದೆಯೆಂಬ ಪಟ್ಟಣದಲ್ಲಿ ಮಾಡುವ ಕಾಮೋದಾದೇವಿಯ ಪೂಜೆ ಮತ್ತು ಆ ದೇವಿಯ ಭಕ್ತಿಗೆ ಮೆಚ್ಚಿ ಹರಿಯು ಅನುಗ್ರಹಿಸಿದ ವಿವರಣೆ
ಅರವತ್ತೊಂಬತ್ತನೆಯ ಅಧ್ಯಾಯ
- ಕಾಮಾಕ್ಷಾದೇವಿಯ ಮಹಿಮೆ — ಕಾಮಾಕ್ಷೆಯು ಕಲಿಯುಗದಲ್ಲಿ ಪ್ರಸಿದ್ಧಳಾಗಿ, ತನ್ನನ್ನು ಸೇವಿಸುವವರಿಗೆ ಮಾಡುವ ಅನುಗ್ರಹದ ವಿವರ. ಸಿದ್ಧನಾಥನ ಚರಿತ್ರೆ. ವಿಪ್ರಪುತ್ರನಾದ ಅವನು ಸಮುದ್ರದಲ್ಲಿ ಒಗೆಯಲ್ಪಟ್ಟು, ಮಿನಿನ ಹೊಟ್ಟೆಯೊಳಗೆ ಬೆಳೆದು ಶಿವನ ಅನುಗ್ರಹದಿಂದ ಸಿದ್ಧನಾಥ ನೆನಿಸಿದ ವಿವರ
ಎಪ್ಪತ್ತನೆಯ ಅಧ್ಯಾಯ
- ಪ್ರಭಾಸಕ್ಷೇತ್ರ ಮಾಹಾತ್ಮ್ಯೆ — ಪ್ರಭಾಸಕ್ಷೇತ್ರದ ಪರಿಮಾಣ, ಅಲ್ಲಿರುವ ತೀರ್ಥಗಳ ವಿವರಣೆ. ಆಯಾ ತೀರ್ಥದಲ್ಲಿರುವ ದೇವತೆಗಳ ಪೂಜಾವಿಧಾನ, ಫಲ ಕಥನೆ
ಎಪ್ಪತ್ತೊಂದನೆಯ ಅಧ್ಯಾಯ
- ಪುಷ್ಕರಕ್ಷೇತ್ರ ಮಾಹಾತ್ಮ್ಯೆ. ಪುಷ್ಕರದಲ್ಲಿ ನೆಲೆಸಿರುವ ದೇವತೆಗಳ ಹೆಸರುಗಳು. ಪುಷ್ಕರದಲ್ಲಿ ವಾಸಿಸುವುದರ ಫಲ. ಪುಷ್ಕರದಲ್ಲಿ ಹರಿಯುವ ಸರಸ್ವತೀನದಿಯ ನಾಮಾಂತರಗಳು. ಪುಷ್ಕರದಲ್ಲಿರುವ ಸರೋವರಗಳ ಮತ್ತು ಇತರ ತೀರ್ಥಗಳ ವಿವಣೆ. ಆಯಾ ತೀರ್ಥಗಳಲ್ಲಿ ಮಾಡುವ ಸ್ನಾನದಾನಫಲಗಳ ವಿವರಣೆ
ಎಪ್ಪತ್ತೆರಡನೆಯ ಅಧ್ಯಾಯ
- ಗೌತಮಾಶ್ರಮ ಮಹಿಮೆ — ವೀರಕ್ಷಾಮನಿಮಿತ್ತವಾಗಿ ಗೌತಮರು ತಮ್ಮಾಶ್ರಮಕ್ಕೆ ಬಂದು ನೆಲೆಸಿದ ಮುನಿಗಳಿಗೆ ಅನ್ನೋದಕಗಳನ್ನು ಕೊಡಲು, ಗಂಗೆಯನ್ನು ಪ್ರಾರ್ಥಿಸಿದಾಗ, ಅವಳು ಗೋದಾವರಿಯಾದ ವಿವರಣೆ. ಪ್ರತಿದಿನವೂ ಬತ್ತವನ್ನು ಬೆಳೆದು ಮುನಿಗಳಿಗೆ ಭೋಜನಮಾಡಿಸಿದ ಗೌತಮರ ಮಹಿಮೆ. ಗೌತಮರಿಗೊಲಿದ ಶಿವನ ನೆಲೆಸಿದ ತ್ರ್ಯಂಬಕಾಚಲದ ಮಹಿಮೆ. ಗೋದಾವರಿಯು ಪ್ರವಹಿಸುವ ಪಂಚವಟೀಕ್ಷೇತ್ರದ ಮಹಿಮೆ
ಎಪ್ಪತ್ತುಮೂರನೆಯ ಅಧ್ಯಾಯ
- ಪುಂಡರೀಕಕ್ಷೇತ್ರ ಮಹಿಮೆ — ಜೈಮಿನಿಗಳು ಪುಂಡರೀಕಕ್ಷೇತ್ರಕ್ಕೆ ಬಂದು, ಅಲ್ಲಿನ ಸರೋವರದಲ್ಲಿ ಸ್ನಾನಮಾಡಿ, ಮರಳುಲಿಂಗವನ್ನು ಮಾಡಿ ಪೂಜಿಸಿದಾಗ ಪ್ರತ್ಯಕ್ಷನಾದ ಶಿವನು ಅವರಿಗೆ ಕೊಟ್ಟ ವರದ ವಿವರ. ಶಿವನು ಮಾಡಿದ ತಾಂಡವನರ್ತನದ ವೈಭವ. ಆಗ ಜೈಮಿನಿಗಳು ಮಾಡಿದ ಶಿವಸ್ತುತಿ. ಶಿವನು ಅವರಿಗೆ ತೋರಿದ ಕಾರುಣ್ಯ. ಜೈಮಿನಿಕೃತ ಶಿವಸ್ತುತಿಯ ಶ್ರವಣಪಠನೆಗಳಿಂದ ಬರುವ ಫಲಕಥನೆ. ಶಿವನು ತಾಂಡವನೃತ್ಯಮಾಡಿದ ಸ್ಥಳದಲ್ಲಿ ತೀರ್ಥಸ್ನಾನ ಫಲ ಕಥನೆ.
ಎಪ್ಪತ್ತುನಾಲ್ಕನೆಯ ಅಧ್ಯಾಯ
- ಗೋಕರ್ಣ ಮಹಿಮೆ — ಗೋಕರ್ಣವಿರುವ ಸ್ಥಳ ಮತ್ತು ಅದರ ಪರಿಮಾಣಗಳ ವಿವರಣೆ. ಋಷಿಗಳು ಕ್ಷೇತ್ರವನ್ನು ಸಂಪಾದಿಸಿಕೊಡಬೇಕೆಂದು ಪರಶುರಾಮ ದೇವರಲ್ಲಿ ಬೇಡಿದಾಗ ಅವರು ತೋರಿಸಿದ ಸಾಹಸ. ವರುಣನು ಪರಶುರಾಮರಿಗೆ ಶರಣಾಗತನಾಗಿ ತನ್ನ ಜಲವನ್ನು ಹಿಂದಕ್ಕೊತ್ತಿಕೊಂಡುದರಿಂದ ಗೋಕರ್ಣಕ್ಷೇತ್ರವು ಕಾಣಿಸಿದಾಗ ಗೋಕರ್ಣೇಶ್ವರನನ್ನು ಮುನಿಗಳು ಪೂಜಿಸಿ ಫಲವನ್ನು ಹೊಂದಿದ ವಿವರಣೆ. ಗೋಕರ್ಣಕ್ಷೇತ್ರಯಾತ್ರೆ, ಅಲ್ಲಿರುವ ತೀರ್ಥಗಳ ಸ್ನಾನ, ಶಿವನ ದರ್ಶನಗಳಿಂದ ದೊರೆಯುವ ಫಲಕಥನೆ
ಎಪ್ಪತ್ತೈದನೆಯ ಅಧ್ಯಾಯ
- ಲಕ್ಷ್ಮಣಾಚಲ ಮಹಿಮೆ — ನಾರಾಯಣನು ರಾಮನಾಗಿಯೂ, ಶೇಷನು ಲಕ್ಷ್ಮಣನಾಗಿಯೂ ಅವತರಿಸಿದರೆಂದಾರಂಭಿಸಿ ಸೀತಾದೇವಿಯು ಭೂಮಿಯೊಳಗೆ ಪ್ರವೇಶಿಸಿದುದರ ಪೊರ್ತಿಯಾಗಿ ರಾಮಾಯಣದ ಸಂಗ್ರಹ ಕಥನೆ. ಧರ್ಮರಾಜನು ರಾಮನಲ್ಲಿಗೆ ಬಂದು ರಹಸ್ಯವಾಗಿ ಮಾತಾಡುವಾಗ ಮಾಡಿದ ನಿಯಮ. ಲಕ್ಷ್ಮಣನು ದುರ್ವಾಸರ ಕೋಪಕ್ಕೆ ಹೆದರಿ ಆ ನಿಯಮವನ್ನುಲ್ಲಂಘಿಸಿ, ರಾಮನ ಅಪ್ಪಣೆಯಂತೆ ದಕ್ಷಿಣದಿಕ್ಕಿನಲ್ಲಿರುವ ಪರ್ವತಕ್ಕೆ ಹೋಗಿ ಅಲ್ಲಿ ತಪಸ್ಸನ್ನಾಚರಿಸಿದ ವಿವರಣೆ. ತನ್ನನ್ನು ಹಿಂಬಾಲಿಸಿದವರೊಡನೆ ರಾಮನು ಪರಂಧಾಮ ಪ್ರಯಾಣ. ಲಕ್ಷ್ಮಣನ ಸನ್ನಿಧಾನದಿಂದ ಕೂಡಿರುವ, ಆ ಪರ್ವತದ ದರ್ಶನ, ಅಲ್ಲಿ ಮಾಡುವ ದಾನಾದಿಗಳು ಇವುಗಳ ಫಲಕಥನೆ
ಎಪ್ಪತ್ತಾರನೆಯ ಅಧ್ಯಾಯ
- ಸೇತು ಮಹಿಮೆ — ಸೇತುದರ್ಶನ ಮತ್ತು ರಾಮೇಶ್ವರ ಪೂಜೆಗಳಿಂದ ಬರುವ ಫಲ ಕಥನೆ. ಅಲ್ಲಿರುವ ತೀರ್ಥಗಳ ವರ್ಣನೆ ಮತ್ತು ಆಯಾ ತೀರ್ಥಸ್ನಾನಫಲ ಕಥನೆ
ಎಪ್ಪತ್ತೇಳನೆಯ ಅಧ್ಯಾಯ
- ನರ್ಮದಾತೀರ್ಥ ಮಾಹಾತ್ಮ್ಯೆ — ನರ್ಮದಾನದಿಯ ಉಭಯ ತೀರಗಳಲ್ಲಿಯೂ ಇರುವ ತೀರ್ಥಗಳ ಸಂಖ್ಯಾ ವಿವರಣೆ. ಓಂಕಾರ ಮೊದಲಾದ ಕ್ಷೇತ್ರಗಳಲ್ಲಿರುವ ತೀರ್ಥಗಳ ಕಥನೆ. ನರ್ಮದೆಯಲ್ಲಿ ಮಾಡಿದ ಸ್ನಾನ ಮುಂತಾದುವುಗಳ ಫಲಕಥನೆ. ನರ್ಮದಾಮಹಿಮೆಯ ಪುಸ್ತಕವನ್ನು ಪೂಜಿಸುವುದರಿಂದಾಗುವ ಫಲಗಳ ವಿವರ
ಎಪ್ಪತ್ತೆಂಟನೆಯ ಅಧ್ಯಾಯ
- ಅವಂತಿಯ ಮಹಿಮೆ — ಅವಂತೀಕ್ಷೇತ್ರದಲ್ಲಿರುವ ತೀರ್ಥಗಳ ಹೆಸರು, ಅವುಗಳಲ್ಲಿ ಮಾಡುವ ಸ್ನಾನದಾನಾದಿಗಳ ಫಲಕಥನೆ
ಎಪ್ಪತ್ತೊಂಬತ್ತನೆಯ ಅಧ್ಯಾಯ
- ಮಥುರಾ ಮಾಹಾತ್ಮ್ಯೆ — ನಾರಾಯಣನು ಮಥುರೆಯಲ್ಲಿ ಅವತರಿಸಿ ಗೋಕುಲಕ್ಕೆ ಬಂದು ಪೂತನೆ ಮೊದಲಾದ ದುಷ್ಟರನ್ನು ಸಂಹರಿಸಿದುದರ ಅತ್ಯಂತ ಸಂಗ್ರಹ ನಿರೂಪಣೆ. ಮಥುರಾಕ್ಷೇತ್ರದಲ್ಲಿರುವ ತೀರ್ಥಗಳ ಸಂಕೀರ್ತನೆ ಮತ್ತು ಆಯಾ ತೀರ್ಥಸ್ನಾನಾದಿಗಳ ಫಲಕಥನೆ
ಎಂಬತ್ತನೆಯ ಅಧ್ಯಾಯ
- ವೃಂದಾವನ ಮಾಹಾತ್ಮ್ಯೆ — ನಾರದರಿಗೆ ವೃಂದಾದೇವಿಯು ಮಾಡಿದ ಸತ್ಕಾರವಿವರಣೆ. ನಾರದರ ಅಪೇಕ್ಷೆಯಂತೆ ಮಾಧವಿಯು ಅವರನ್ನು ಸರೋವರದಲ್ಲಿ ಸ್ನಾನಮಾಡೆಂದು ಹೇಳಿದಳು. ಅದರಂತೆ ನಾರದರು ನೀರಿನಲ್ಲಿ ಮುಳುಗಿ ಎದ್ದಾಗ ಸ್ತ್ರೀಯಳಾಗಿ, ಕೃಷ್ಣನ ಸಮಾಗಮ ಸುಖವನ್ನು ಹೊಂದಿ ತಿರುಗಿ ಪುರುಷರಾದ ಕಥೆ. ಕುಬ್ಜೆಯನ್ನು ಕೃಷ್ಣನು ಆದರಿಸುವ, ಗೋಪಬಾಲರೊಡನೆ ಕ್ರೀಡಿಸುವ, ರಾಧೆಯಿಂದ ಸೇವಿಸಲ್ಪಡುವ ಶ್ರೀಕೃಷ್ಣನ ವೈಭವ ವರ್ಣನೆ. ವೃಂದಾವನದಲ್ಲಿರುವ ಬ್ರಹ್ಮಕುಂಡ ಮುಂತಾದ ಕುಂಡಗಳ ಮಹಿಮಾವರ್ಣನೆ. ಗೋವರ್ಧನನೆಂಬ ವಿಪ್ರನಿಗೆ ಶ್ರೀಕೃಷ್ಣನು ಮಾಡಿದ ಅನುಗ್ರಹದ ಕಥೆ. ಶ್ರೀಕೃಷ್ಣನ ಕೊಳಲು ಧ್ವನಿಯು ಬ್ರಹ್ಮಾದಿದೇವತೆಗಳನ್ನು ಮರುಳುಗೊಳಿಸಿದ ವಿವರ. ವೃಂದಾವನ ಮಹಿಮಾಶ್ರವಣಪಠನೆಗಳ ಫಲಕಥನೆ
ಎಂಬತ್ತೊಂದನೆಯ ಅಧ್ಯಾಯ
- ವಸುವು ಮೋಹಿನಿಗೆ ತೀರ್ಥಯಾತ್ರೆಗಳ ಮಹಿಮೆಯನ್ನು ವರ್ಣಿಸಿ ಬಳಿಕ ಬ್ರಹ್ಮದೇವರ ಬಳಿಗೆ ಹೋಗಿ ಸಕಲ ಸಂಗತಿಗಳನ್ನೂ ತಿಳಿಸಿ, ಅವರಿಂದ ವರವನ್ನು ಪಡೆದು ವೃಂದಾವನಕ್ಕೆ ಬಂದು ತಪಸ್ಸುಮಾಡಿದ ವಿವರ. ಕೃಷ್ಣದರ್ಶನಮಾಡಿದ ವಸುವಿನ ಬಳಿಗೆ ನಾರದರು ಬಂದು ಶಿವನಿಗೆ ಸುರಭಿಯು ತಿಳಿಸಿದ, ಭವಿಷ್ಯವಾದ ಕೃಷ್ಣನ ಕಥೆಯನ್ನು ಸಂಗ್ರಹವಾಗಿ ತಿಳಿಸಿದ ವಿಷಯ
ಎಂಬತ್ತೆರಡನೆಯ ಅಧ್ಯಾಯ
- ಮೋಹಿನಿಯು ಮಾಡಿದ ತೀರ್ಥಯಾತ್ರಾ ವರ್ಣನೆ. ಮೋಹಿನಿಯು ಕೊನೆಗೆ ಕಾಳಿಂದಿಯಲ್ಲಿ ಮುಳುಗಿ, ಸೂಕ್ಷ್ಮರೂಪದಿಂದ ಇದ್ದು ವ್ರತಗಳನ್ನು ದೂಷ್ಯವಾಗುವಂತೆ ಮಾಡುವ ಬಗೆ. ಶ್ರೀನಾರದೀಯಪುರಾಣವು ಒಬ್ಬರಿಂದೊಬ್ಬರಿಗೆ ಬಂದ ಕ್ರಮ. ಪುರಾಣಶ್ರವಣ ಪಠನೆಯಿಂದಾಗುವ ಫಲಕಥನೆ. ಋಷ್ಯಾದಿಗಳ ನಮನಕ್ರಮದಿಂದ ಕೊನೆಯಲ್ಲಿ ವಾಸುದೇವನ ಮಹಿಮಾಪೂರ್ವಕ ನಮಸ್ಕಾರ ಕಥನೆ. ಈ ಪುರಾಣವನ್ನು ಹೇಳಿ, ಕೇಳಿದ ಸೂತ ಶೌನಕಾದಿಗಳ ಧನ್ಯ ವಾದಗಳು