ಗ್ರಂಥರತ್ನಮಾಲಾ

ಶ್ರೀ ಶಿವರಹಸ್ಯ – ಸಂಪುಟ ೮

ಆರಂಭಿಕ ಪುಟ ಅನುವಾದಕರು: ಶ್ರೀ ಗಂಗಾಧರ ಶಾಸ್ತ್ರಿ ಹೆಚ್.

ವಿಷಯಾನುಕ್ರಮಣಿಕೆ

ಹದಿನೇಳನೆಯ ಅಧ್ಯಾಯ
- ಅಯೋ ನಿಜ ಸ್ತ್ರೀಪುರುಷರಿಗೆ ನಡೆಯುವ ವಿವಾಹಮಹೋತ್ಸವವರ್ಣನೆ, ಅಯೋನಿಜರಾದ ಆ ದಂಪತಿಗಳ ವರ್ಣನೆ ಮತ್ತು ಅವರಿಬ್ಬರಿಗೂ ಲಭಿಸುವ ಪುತ್ರಸಂಪತ್ತುಗಳ ವಿವರ ಮತ್ತು ಅದರ ವರ್ಣನೆ.
ಹದಿನೆಂಟನೆಯ ಅಧ್ಯಾಯ
- ರಾಜ ಮತ್ತು ಗಂಧರ್ವ ಇವರಿಬ್ಬರ ಸಂವಾದ. ನೂರು ಮತ್ತು ಲಕ್ಷ ಸಂಖ್ಯೆಯ ಗಂಧರ್ವಕನ್ಯೆಯರ ವಿವಾಹವರ್ಣನೆ. ಸೌಂದರ್ಯನಿಧಿಯೆಂಬ ರಾಜನು ಒಂದೇ ಸಾರಿ ಆ ಗಂಧರ್ವಸ್ತ್ರೀಯರನ್ನೆಲ್ಲಾ ಮದುವೆಮಾಡಿಕೊಂಡು, ಶಿವಭಕ್ತಿಯ ಮಹಿಮೆಯಿಂದಲೂ, ಪ್ರದೋಷಕಾಲದ ಶಿವಾರ್ಚನೆಯ ಪ್ರಭಾವದಿಂದಲೂ, ನೂರು ಲಕ್ಷ ದೇಹಗಳನ್ನು ಸಂಪಾದಿಸಿ, ಅವರೆಲ್ಲರಲ್ಲಿಯೂ ಶಿವಭಕ್ತಿಯುತರಾದ ಪುತ್ರರನ್ನು ಸಂಪಾದಿಸಿಕೊಳ್ಳುವಿಕೆ.
ಹತ್ತೊಂಬತ್ತನೆಯ ಅಧ್ಯಾಯ
- ವಿಶ್ವಾವಸು ನಂದಿಕೇಶ್ವರರ ಸಂವಾದ. ಹರಗೌರೀ ಸಂವಾದ. ಈಶ್ವರಪೂಜೆ ಮಾಡದವರಿಗೆ ಲಭಿಸುವ ನರಕಯಾತನೆಯ ವಿವರ.
ಇಪ್ಪತ್ತನೆಯ ಅಧ್ಯಾಯ
- ವಿಂಧ್ಯಾಚಲಪ್ರಾಂತದಲ್ಲಿ ಬ್ರಾಹ್ಮಣವೇಷಧರನಾದ ಮಹಾಪಾಪಿ ಶೂದ್ರನೊಬ್ಬನ ವಿಚಾರ. ಆದರೆ ಮರಣಕಾಲದಲ್ಲಿ ಶಿವಶಬ್ದಸ್ಮರಣೆಮಾಡಿದುದರಿಂದ, ಯಮನಿಗೆ ಚಿತ್ರಗುಪ್ತನು ಆತನು ನರಕಿಯಲ್ಲವೆಂದು ಬೋಧಿಸುವುದು. ಅವನನ್ನು ದರ್ಶನಮಾಡಲು ವಿಷ್ಣುಬ್ರಹ್ಮಾದಿಗಳು ಬರುವಿಕೆ. ಆಗ ವಿಷ್ಣುವು ಶಿವನಾಮ ಮಹಿಮೆಯನ್ನು ಯಮನಿಗೆ ತಿಳಿಸುವುದು. ಒಡನೆಯೇ ಶಿವದೂತರು ಕೈಲಾಸಕ್ಕೆ ಕರೆದೊಯ್ಯುವುದು.
ಇಪ್ಪತ್ತೊಂದನೆಯ ಅಧ್ಯಾಯ
- ಭಿಲ್ಲರರಾಣಿಯ ಶಿವಭಕ್ತಿ ಮತ್ತು ವೈರಾಗ್ಯವರ್ಣನೆ.
ಇಪ್ಪತ್ತೆರಡನೆಯ ಅಧ್ಯಾಯ
- ಚಿತ್ರಕೇತುನಾಮಕನಾದ ರಾಜನ ಇತಿಹಾಸ
ಇಪ್ಪತ್ತುಮೂರನೆಯ ಅಧ್ಯಾಯ
- ಚಿತ್ರಕೇತುರಾಜನಿಗೂ, ಚತುರ್ಮುಖಬ್ರಹ್ಮನಿಗೂ ನಡೆದ ಸಂಭಾಷಣೆ.
ಇಪ್ಪತ್ತುನಾಲ್ಕನೆಯ ಅಧ್ಯಾಯ
- ಬಿಲ್ವಗ್ರಹಣವಿಧಿ, ಬಿಲ್ವಪೂಜಾವಿಧಿ, ಹರಿದಿರುವ, ಒಡೆದಿರುವ, ಒಣಗಿರುವ, ಅಥವಾ ಚೂರ್ಣವಾಗಿರುವ ಎಲ್ಲಾ ಬಿಲ್ವಗಳನ್ನು ಶಿವನಿಗೆ ಅರ್ಪಿಸಬಹುದೆಂಬ ವಿಚಾರ. ಅನೇಕವಿಧವಾದ ಪುಷ್ಪಾರ್ಚನಕ್ರಮ. ಕರವೀರಪುಷ್ಪಗಳ ಪೂಜೆಯಿಲ್ಲದುದರಿಂದ ಜನ್ಮಜನ್ಮಂತರಗಳಲ್ಲಿಯೂ ದಾರಿದ್ರವು ತಪ್ಪುವುದಿಲ್ಲ ಎಂಬ ವಿಚಾರ. ನವಧಾನ್ಯ ಪೂಜಾವಿಷಯ. ಪಂಚಾಮೃತಾಭಿಷೇಕವಿಧಿ. ಜಲಧಾರಾಪ್ರದಾನದ ವಿವರಣೆ.
ಇಪ್ಪತ್ತೈದನೆಯ ಅಧ್ಯಾಯ
- ದೇವತೆಗಳು ಮಾಡಿದ ಶಿವಪೂಜೆ, ಶಿವಸ್ತುತಿ, ಶಿವಪ್ರಸಾದ ಇವುಗಳ ವರ್ಣನೆ.
ಇಪ್ಪತ್ತಾರನೆಯ ಅಧ್ಯಾಯ
- ಶೇಷ ಮತ್ತು ರಾಜ ಇವರಿಬ್ಬರ ಸಂವಾದ. ಶಿವಭಕ್ತಿವರ್ಣನೆ. ವಿಷ್ಣುವಿನ ಆಗಮನ. ಆಗ ದ್ವಾರಪಾಲಕರು ವಿಷ್ಣುವನ್ನು ತಡೆಯುವುದು. ವಿಷ್ಣುವು ಪಶ್ಚಾತ್ತಾಪ ಪಡುವುದು. ಶನಿಪ್ರದೋಷಮಹಿಮೆ. ವಿಷ್ಣು ಮತ್ತು ಸನಂದ ಇವರಿಬ್ಬರ ಸಂವಾದ. ಸನಂದನನು ವಿಷ್ಣುವನ್ನು ಕುರಿತು ಶೈವಧರ್ಮವನ್ನು ಉಪದೇಶಿಸುವುದು.
ಇಪ್ಪತ್ತೇಳನೆಯ ಅಧ್ಯಾಯ
- ವಿಷ್ಣು ಮತ್ತು ಸನಕಋಷಿ ಇವರಿಬ್ಬರ ಸಂವಾದ. ವಿಷ್ಣುವಿಗೆ ಶೈವಧರ್ಮೋ ಪದೇಶ. ಶಿವಾಲಯಕ್ಕೆ ವಿಷ್ಣುವಿನ ಪ್ರವೇಶ. ವಿಷ್ಣುವು ಮದ್ದಲೆಯನ್ನು ಬಾರಿಸುತ್ತಾ ನಾಟ್ಯ ಮಾಡುವಿಕೆ. ರಾಜನು ಶಿವನಿಗೆ ನೈವೇದ್ಯವನ್ನರ್ಫಿಸುವುದು. ನೈವೇದ್ಯದ ಮಹಿಮೆ. ವಿಷ್ಣು ಮತ್ತು ರಾಜ ಇವರಿಬ್ಬರ ಸಂವಾದ.