ಗ್ರಂಥರತ್ನಮಾಲಾ

ಶಿವಮಹಾಪುರಾಣಂ – ಭಾಗ – ೪, ರುದ್ರಸಂಹಿತಾ – ಪಾರ್ವತೀಖಂಡ

ಆರಂಭಿಕ ಪುಟ ಅನುವಾದಕರು: ಶ್ರೀ ಹಾಸನದ ಪಂಡಿತ ವೆಂಕಟರಾವ್

ವಿಷಯಾನುಕ್ರಮಣಿಕೆ

ಮುನ್ನುಡಿ
ಮೊದಲನೆಯ ಅಧ್ಯಾಯ
- ಸತೀದೇವಿಯ ಹಿಮವತ್ಪುತ್ರಿಯಾಗಿ ಜನಿಸಲು ಕಾರಣ. ನಾರದಮುನಿಯ ಉಪದೇಶದಿಂದ ಪಾರ್ವತಿಯು ಪುನಃ ಶಿವನನ್ನು ಪತಿಯನ್ನಾಗಿ ಪಡೆಯುವ ಕಥಾವರ್ಣನ. ಹಿಮವಂತನಿಗೂ ಪಿತೃಕನ್ಯೆಯಾದ ಮೇನಕೆಗೂ ನಡೆದ ವಿವಾಹಕಥನವು.
ಎರಡನೆಯ ಅಧ್ಯಾಯ
- ಮೇನೋತ್ಪತ್ತಿಕಥನ. ಮೇನಕೆಯೇ ಮೊದಲಾದ ಮೂರುಮಂದಿ ಪಿತೃಕನ್ಯೆಯರಿಗೆ ಸನಕಾದಿಮುನಿಗಳ ಶಾಪವು. ಮತ್ತು ಆ ಶಾಪನಿವೃತ್ತಿಕಥನವು.
ಮೂರನೆಯ ಅಧ್ಯಾಯ
- ಹಿಮವಂತನ ಗೃಹಕ್ಕೆ ವಿಷ್ಣ್ವಾದಿದೇವತೆಗಳ ಆಗಮನ ಮತ್ತು ಅವರು ಶಿವನನ್ನು ಸ್ತೋತ್ರಮಾಡುವುದು.
ನಾಲ್ಕನೆಯ ಅಧಾಯ್ಯ
- ಸತೀ ವಿರಹದಿಂದ ದುಃಖಿಸುತ್ತಿರುವ ರುದ್ರನ ದುಃಖನಿವಾರಣೆಗಾಗಿ ದೇವತೆಗಳು ದೇವಿಯಲ್ಲಿ ಮೊರೆಯಿಡುವುದು. ದೇವಿಯು ಪ್ರತ್ಯಕ್ಷಳಾಗಿ ಹಿಮವಂತನ ಮತ್ತು ಮೇನೆಯ ಪ್ರಾರ್ಥನೆಯಂತೆ ಹಿಮವದ್ಗೃಹದಲ್ಲಿ ಅವರ ಪುತ್ರಿಯಾಗಿ ಜನಿಸುವೆನೆಂದು ಅವರಿಗೆ ವರಪ್ರದಾನಮಾಡುವುದು.
ಐದನೆಯ ಅಧ್ಯಾಯ
- ಮೇನೆಯ ತಪೋವರ್ಣನೆಯು. ಮೇನೆಯಲ್ಲಿ ಪಾರ್ವತಿಯ ಜನ್ಮ ಕಥನವು.
ಆರನೆಯ ಅಧ್ಯಾಯ
- ಮೇನೆಯಲ್ಲಿ ಪಾರ್ವತಿಯು ಜನಿಸಿದ ಕಥಾವರ್ಣನೆಯು.
ಏಳನೆಯ ಅಧ್ಯಾಯ
- ಪಾರ್ವತಿಯ ಜನನನಿಮಿತ್ತವಾಗಿ ಹಿಮವಂತನು ನಡೆಸಿದ ಮಹೋತ್ಸವವರ್ಣನೆ. ಜಾತಕರ್ಮ ನಾಮಕರಣಾದಿ ಸಂಸ್ಕಾರಗಳು. ಪಾರ್ವತಿಯ ಬಾಲಕ್ರೀಡಾವರ್ಣನೆ.
ಎಂಟನೆಯ ಅಧ್ಯಾಯ
- ಹಿಮವಂತನು ತನ್ನ ಪುತ್ರಿಯಾದ ಪಾರ್ವತಿಯ ಭವಿಷ್ಯವನ್ನು ನಾರದನಿಂದ ತಿಳಿದು ಅದಕ್ಕಾಗಿ ಚಿಂತಿಸಿ ನಾರದನೊಡನೆ ಸಂಭಾಷಿಸುವುದು.
ಒಂಭತ್ತನೆಯ ಅಧ್ಯಾಯ
- ಹಿಮವಂತಮೇನೆಯರು ತಮ್ಮ ಪುತ್ರಿಯಾದ ಪಾರ್ವತಿಗೆ ಯೋಗ್ಯನಾದ ವರನು ಲಭಿಸುದಕ್ಕಾಗಿ ಶಿವಾರಾಧನೆಮಾಡೆಂದು ಪಾರ್ವತಿಗೆ ಉಪದೇಶಿಸುವುದು. ಪಾರ್ವತಿಯ ಸ್ವಪ್ನದಲ್ಲಿ ಶಿವನು ಅವಿರ್ಭವಿಸುವುದು. ಶಿವನು ತಪಸ್ಸಿಗಾಗಿ ಹಿಮಗಿರಿಗೆ ಬರುವುದು. ಹಿಮವಂತನು ಪಾರ್ವತಿಯನ್ನು ಶಿವನ ಸೇವೆಗಾಗಿ ನಿಯಮಿಸುವುದು.
ಹತ್ತನೆಯ ಅದ್ಯಾಯ
- ಪಾರ್ವತೀಪ್ರಾಪ್ತಿಗಾಗಿ ತಪಸ್ಸನ್ನು ಮಾಡುತ್ತಿರುವ ರುದ್ರನ ಲಲಾಟದಿಂದ ಬಿದ್ದ ಬೆವರುಹನಿಯಿಂದ ಭೌಮೋತ್ಪತ್ತಿ. ಭೂಮಿ ದೇವಿಯು ಭೌಮನನ್ನು ಸ್ತನ್ಯಪಾನಾದಿಗಳಿಂದ ಬೆಳಿಸಿ ರಕ್ಷಿಸುವುದು. ಭೌಮನು ಈಶ್ವರಾರಾಧನೆಯಿಂದ ಗ್ರಹತ್ವಪದವಿಯನ್ನು ಪಡೆಯುವುದು.
ಹನ್ನೊಂದನೆಯ ಅಧ್ಯಾಯ
- ಪಾರ್ವತಿಯ ಪ್ರಾಪ್ತಿಗಾಗಿ ರುದ್ರನು ತನ್ನ ಗಣಗಳೊಡನೆ ಹಿಮಗಿರಿಯಲ್ಲಿ ಮಾಡುವ ತಪಶ್ಚರಣೆ. ಹಿಮವಂತನು ಶಿವಸಂದರ್ಶನ ಮಾಡಿ ಸಂಭಾಷಣೆಮಾಡುವುದು.
ಹನ್ನೆರಡನೆಯ ಅಧ್ಯಾಯ
- ಒಂದಾನೊಂದು ಸಮಯದಲ್ಲಿ ಹಿಮವಂತನು ಪಾರ್ವತಿಯನ್ನು ಕರೆದುಕೊಂಡು ಶಿವದರ್ಶನಕ್ಕಾಗಿ ಹೋಗಿರುವಾಗ ಶಿವನು ಸ್ತ್ರೀಸಹವಾಸದಿಂದ ತಪೋವಿಘ್ನವಾಗುವುದೆಂದೂ, ಪಾರ್ವತಿಯನ್ನು ತನ್ನ ಸಂಗಡ ಕರೆದುಕೊಂಡು ಬರಬೇಡವೆಂದೂ ಹೇಳುವುದು. ಹಿಮವಂತನು ಅನೇಕವಿಧವಾಗಿ ಸಂಭಾಷಿಸುವುದು.
ಹದಿಮೂರನೆಯ ಅಧ್ಯಾಯ
- ಸಾಂಖ್ಯತತ್ತ್ವ ಮತ್ತು ಶಿವಶಕ್ತಿ ವಿಚಾರವಾಗಿ ಶಿವ ಹಿಮವಂತರಿಗೆ ಸಂಭಾಷಣೆ. ಪಾರ್ವತಿಯ ಶುಶ್ರೂಷೆಯನ್ನು ಶಿವನು ಅಂಗೀಕರಿಸುವುದು. ಶಿವಶಕ್ತಿಯರಿಗೆ ಕಾಮವಿಕಾರವನ್ನುಂಟುಮಾಡಲು ದೇವತೆಗಳು ಪ್ರಯತ್ನಪಟ್ಟು ಅದಕ್ಕಾಗಿ ಕಾಮನನ್ನು ಶಿವನ ಬಳಿಗೆ ಕಳುಹಿಸುವುದು. ಕಾಮದಹನವರ್ಣನೆಯು.
ಹದಿನಾಲ್ಕನೆಯ ಅದ್ಯಾಯ
- ವಜ್ರಾಂಗನೆಂಬ ದೈತ್ಯನ ಉತ್ಪತ್ತಿ. ಪುತ್ರನನ್ನು ಪಡೆಯಬೇಕೆಂದು ಆ ದೈತ್ಯನು ಬ್ರಹ್ಮನನ್ನು ಕುರಿತು ತಪಸ್ಸುಮಾಡಿ ವರವನ್ನು ಪಡೆಯುವುದು.
ಹದಿನೈದನೆಯ ಅಧ್ಯಾಯ
- ತಾರಕಾಸುರನ ಉತ್ಪತ್ತಿಯು. ಆ ಸಮಯದಲ್ಲಿ ಗೋಚರಿಸಿದ ಅಪಶಕುನಗಳು. ಆ ತಾರಕಾಸುರನು ಘೋರವಾದ ತಪಸ್ಸನ್ನಾಚರಿಸಿ ಬ್ರಹ್ಮನಿಂದ ಎರಡು ವರಗಳನ್ನು ಪಡೆಯುವುದು. ದೇವತೆಗಳು ಅವನಿಗೆ ಹೆದರಿ ತಮ್ಮ ಐಶ್ವರ್ಯಾದಿಗಳನ್ನು ಅವನಿಗೆ ಒಪ್ಪಿಸುವುದು.
ಹದಿನಾರನೆಯ ಅಧ್ಯಾಯ
- ತಾರಕಾಸುನಿಂದ ಪೀಡಿತರಾದ ದೇವತೆಗಳು ಬ್ರಹ್ಮನಲ್ಲಿ ಮೊರೆಯಿಡುವುದು. ಆ ತಾರಕಾಸುರನನ್ನು ಸಂಹರಿಸಲು ಶಿವಪುತ್ರನಲ್ಲದೆ ಮತ್ತಾರಿಂದಲೂ ಸಾಧ್ಯವಿಲ್ಲವೆಂದೂ ಅದಕ್ಕಾಗಿ ಪಾರ್ವತಿಯೊಡನೆ ಶಿವನ ವಿವಾಹವು ನಡೆಯುವಂತೆ ಪ್ರಯತ್ನಮಾಡಬೇಕೆಂದೂ ಬ್ರಹ್ಮನು ದೇವತೆಗಳನ್ನು ಸಮಾಧಾನಪಡಿಸಿ ಕಳುಹಿಸುವುದು.
ಹದಿನೇಳನೆಯ ಅಧ್ಯಾಯ
- ಇಂದ್ರನು ಕಾಮನನ್ನು ಕರೆದು ಅವನ ಸಾಮರ್ಥ್ಯವನ್ನು ಹೊಗಳಿ, ತಾರಕಾಸುರನ ವಧೆಗಾಗಿ ಶಿವಶಕ್ತಿಯರ ವಿವಾಹವು ನಡೆದು ಪುತ್ರೋತ್ಪತ್ತಿಯು ಆದಬಳಿಕ ದೇವಕಾರ್ಯವು ಸಿದ್ಧಿಸುವುದೆಂದೂ ಅದಕ್ಕಾಗಿ ಕಾಮನು ಸಹಾಯಮಾಡಬೇಕೆಂದೂ ಹೇಳುವುದು. ಕಾಮನು ಹರನನ್ನು ಮೋಹಗೊಳಿಸುವೆನೆಂದು ಪ್ರತಿಜ್ಞೆಮಾಡಿ ಶಿವನ ಸಮೀಪಕ್ಕೆ ಹೋಗುವುದು.
ಹದಿನೆಂಟನೆಯ ಅಧ್ಯಾಯ
- ಶಿವಸಂಮೋಹನಕ್ಕಾಗಿ ಕಾಮನು ಮಾಡಿದ ಚತುರೋಪಾಯಗಳು.
ಹತ್ತೊಂಭತ್ತನೆಯ ಅಧ್ಯಾಯ
- ಶಿವನು ಕೋಪಗೊಂಡು ತನ್ನ ತೃತೀಯನೇತ್ರದಿಂದ ಹೊರಟ ಅಗ್ನಿಜ್ವಾಲೆಯಿಂದ ಕಾಮನನ್ನು ದಹಿಸುವುದು. ದೇವತೆಗಳ ಪ್ರಾರ್ಥನೆಯಂತೆ ಕಾಮನು ಪುನಃ ಜೀವಿಸುವ ರೀತಿಯನ್ನು ತಿಳಿಸುವುದು.
ಇಪ್ಪತ್ತನೆಯ ಅಧ್ಯಾಯ
- ಕಾಮದಹನಾನಂತರ ಶಿವನೇತ್ರಾಗ್ನಿಯಿಂದ ಉಂಟಾದ ಬಡಬಾನಲವನ್ನು ಸಮುದ್ರಕ್ಕೆ ತೆಗೆದುಕೊಂಡುಹೋಗುವುದು. ಸಮುದ್ರನು ಆ ಬಡಬಾನಲವನ್ನು ತನ್ನಲ್ಲಿಟ್ಟುಕೊಳ್ಳಲು ಸಮ್ಮತಿಸುವುದು.
ಇಪ್ಪತ್ತೊಂದನೆಯ ಅಧ್ಯಾಯ
- ಕಾಮದಹನಾನಂತರ ಶಿವನು ಅಂತರ್ಧಾನನಾಗುವುದು. ಪಾರ್ವತಿಯು ಶಿವನ ವಿರಹದಿಂದ ದುಃಖಪಡುತ್ತಿರಲು ನಾರದನು ಪಂಚಾಕ್ಷರಮಂತ್ರವನ್ನು ಉಪದೇಶಮಾಡುವುದು.
ಇಪ್ಪತ್ತೆರಡನೆಯ ಅಧ್ಯಾಯ
- ಪಾರ್ವತಿಯು ತಂದೆತಾಯಿಗಳ ಅನುಮತಿಯಂತೆ ಶಿವಪ್ರಾಪ್ತಿಗಾಗಿ ಪುನಃ ತಪಸ್ಸನ್ನು ಮಾಡುವುದು.
ಇಪ್ಪತ್ತಮೂರನೆಯ ಅಧ್ಯಾಯ
- ಪಾರ್ವತಿಯ ತಪೋಗ್ನಿ ಜ್ವಾಲೆಯು ಮೂರುಲೋಕಗಳನ್ನು ದಹಿಸುತ್ತಿರಲು ಅದರಿಂದ ದೇವತೆಗಳು ಹೆದರಿ ಬ್ರಹ್ಮಲೋಕಕ್ಕೆ ಹೋಗುವುದು. ಬ್ರಹ್ಮನು ದೇವತೆಗಳೊಡನೆಯೂ ವಿಷ್ಣುವಿನೊಡನೆಯೂ ಹೊರಟು ಪಾರ್ವತಿಯ ತಪಸ್ಸನ್ನಾಚರಿಸುತ್ತಿದ್ದ ಸ್ಥಳವನ್ನು ನೋಡಿಕೊಂಡು ಶಿವನ ಸಮೀಪಕ್ಕೆ ಹೋಗುವುದು.
ಇಪ್ಪತ್ತನಾಲ್ಕನೆಯ ಅಧ್ಯಾಯ
- ಬ್ರಹ್ಮವಿಷ್ಣು ಮುಂತಾದ ದೇವತೆಗಳ ಪ್ರಾರ್ಥನೆಯನ್ನು ಮನ್ನಿಸಿ ಶಿವನು ಪಾರ್ವತಿಯನ್ನು ವಿವಾಹಮಾಡಿಕೊಳ್ಳಲು ಸಮ್ಮತಿಸುವುದು.
ಇಪ್ಪತ್ತೈದನೆಯ ಅಧ್ಯಾಯ
- ಪಾರ್ವತಿಯ ಮನಃಸ್ಥೈರ್ಯವನ್ನು ನೋಡಬೇಕೆಂಬ ಶಿವನು ಸಪ್ತರ್ಷಿಗಳನ್ನು ಸ್ಮರಿಸಿ ಅವರನ್ನು ಪಾರ್ವತಿಯ ಬಳಿಗೆ ಕಳುಹಿಸುವುದು. ಅವರು ಪಾರ್ವತಿಯ ಬಳಿಗೆ ಹೋಗಿ ನಾರದನ ಮಾತನ್ನು ಕೇಳಿ ಕೆಡಬೇಡವೆಂದು ಪಾರ್ವತಿಗೆ ಎಷ್ಟು ಬೋಧಿಸಿದರೂ ಪಾರ್ವತಿಯು ತನ್ನ ನಿಶ್ಚಯವನ್ನು ಬಿಡದಿರುವುದು.
ಇಪ್ಪತ್ತಾರನೆಯ ಅಧ್ಯಾಯ
- ಪಾರ್ವತಿಯ ಮನೋನಿಶ್ಚಯವನ್ನು ಪರೀಕ್ಷಿಸುವುದಕ್ಕಾಗಿ ಶಿವನು ತಾನೇ ಬ್ರಹ್ಮಚಾರಿವೇಷಧಾರಿಯಾಗಿ ಪಾರ್ವತಿಯ ಬಳಿಗೆ ಬಂದು ಸಂಭಾಷಿಸುವುದು.
ಇಪ್ಪತ್ತೇಳನೆಯ ಅಧ್ಯಾಯ
- ಪಾರ್ವತಿಯ ನಿಶ್ಚಯವನ್ನು ನೋಡಿದರೂ ಬ್ರಹ್ಮಚಾರಿವೇಷಧಾರಿಯಾದ ಶಿವನು ಬೇಕೆಂದು ಶಿವನಿಂದೆಯನ್ನು ಮಾಡಿ ಪಾರ್ವತಿಯ ಮನಸ್ಸನ್ನು ಪರೀಕ್ಷಿಸುವುದು.
ಇಪ್ಪತ್ತೆಂಟನೆಯ ಅಧ್ಯಾಯ
- ಪಾರ್ವತಿಯ ದೃಢನಿಶ್ಚಯವನ್ನು ನೋಡಿ ಶಿವನು ಸಂತೋಷಪಟ್ಟು ತನ್ನ ನಿಜರೂಪವನ್ನು ತೋರಿ ಪಾಣಿಗ್ರಹಣಮಾಡುವೆನೆಂದು ಪಾರ್ವತಿಯನ್ನು ಸಂತೈಸುವುದು.
ಇಪ್ಪತೊಂಭತ್ತೆನೆಯ ಅಧ್ಯಾಯ
- ಹಿಂದೆ ದಕ್ಷನು ಕನ್ಯಾದಾನಮಾಡಿದ ಸಮಯದಲ್ಲಿ ಗ್ರಹಾದಿಗಳ ಪೂಜೆಯನ್ನು ವಿಧ್ಯುಕ್ತನಾಗಿ ಮಾಡಲಿಲ್ಲವಾದ್ದರಿಂದ ಪತಿವಿರಹವು ಉಂಟಾಯಿತೆಂದೂ, ಆದರಿಂದ ಈಗ ಹಿಮವಂತನನುಮತಿಯನ್ನು ಪಡೆದು ಶಾಸ್ತ್ರೋಕ್ತರೀತಿಯಿಂದ ವಿವಾಹವು ನಡೆಯಬೇಕೆಂದೂ ಪಾರ್ವತಿಯು ಶಿವನಿಗೆ ಹೇಳುವುದು.
ಮೂವತ್ತನೆಯ ಅಧ್ಯಾಯ
- ಶಿವನು ಅಂತರ್ಧಾನನಾದಮೇಲೆ ಪಾರ್ವತಿಯು ಸಂತೋಷಗೊಂಡು ತಪೋವನದಿಂದ ಹಿಂತಿರುಗಿ ತನ್ನ ತಂದೆಯ ಮನೆಗೆ ಹೊರಟು ಬರುವುದು.
ಮೂವತ್ತೊಂದನೆಯ ಅಧ್ಯಾಯ
- ಶಿವಪಾರ್ವತಿಯರ ವಿವಾಹದಿಂದ ಹಿಮವಂತನಿಗೆ ಸದ್ಗತಿಯುಂಟಾಗಿ ಹೊರಟುಹೋಗುವುದರಿದ ಭೂಮಿಗೆ ಬಹಳ ಹಾನಿಯಾಗುವುದೆಂದು ಭಾವಿಸಿ ದೇವತೆಗಳು ವಿವಾಹವಿಘ್ನಕ್ಕಾಗಿ ಪ್ರಯತ್ನಿಸುವುದು.
ಮೂವತ್ತೆರಡನೆಯ ಅಧ್ಯಾಯ
- ವೈಷ್ಣವಬ್ರಾಹ್ಮಣವೇಷದಿಂದ ಶಿವನು ಹಿಮವಂತಮೇನಕೆಯರ ಬಳಿಗೆ ಬಂದು ಶಿವನನ್ನು ನಾನಾವಿಧವಾಗಿ ದೂಷಿಸಿ ಅವನಿಗೆ ಪಾರ್ವತಿಯನ್ನು ಕೊಡಬೇಡವೆಂದು ಬೋಧಿಸುವುದು. ಶಿವನು ಸಪ್ತರ್ಷಿಗಳನ್ನು ಹಿಮವಂತನ ಬಳಿಗೆ ಕಳುಹಿಸುವುದು.
ಮೂವತ್ತಮೂರನೆಯ ಅಧ್ಯಾಯ
- ಅರುಂಧತೀಸಹಿತರಾಗಿ ಸಪ್ತರ್ಷಿಗಳು ಬಂದು ಹಿಮವಂತನನ್ನೂ ಅವನ ಪತ್ನಿ ಮೇನೆಯನ್ನೂ ನಾನಾವಿಧವಾದ ಉಪಾಖ್ಯಾನಗಳಿಂದಲೂ ನೀತಿಯಿಂದಲೂ ಉಪದೇಶಮಾಡುವುದು.
ಮೂವತ್ತನಾಲ್ಕನೆಯ ಅಧ್ಯಾಯ
- ವಸಿಷ್ಠಮುನಿಯು ಅನರಣ್ಯನೆಂಬ ರಾಜನ ವೃತ್ತಾಂತವನ್ನು ಹೇಳುವುದು.
ಮೂವತ್ತೈದನೆಯ ಅಧ್ಯಾಯ
- ಪಿಪ್ಪಲಾದಮುನಿ ಮತ್ತು ಪದ್ಮಾದೇವಿಯರ ವೃತ್ತಾಂತಕಥನವು.
ಮೂವತ್ತಾರನೆಯ ಅಧ್ಯಾಯ
- ವಸಿಷ್ಠಮುನಿಯ ಹಿತೋಕ್ತಿಯನ್ನು ಕೇಳಿ ಮೇನಾಹಿಮವಂತರು ಶಿವನಿಗೆ ಪಾರ್ವತಿಯನ್ನು ಕೊಡಲು ಸಮ್ಮತಿಸುವುದು. ವಿವಾಹ ನಿಶ್ಚಯವನ್ನು ಮಾಡಿಕೊಂಡು ಸಪ್ತರ್ಷಿಗಳು ಶಿವನ ಬಳಿಗೆ ಹೋಗುವುದು.
ಮೂವತ್ತೇಳು ಮತ್ತು ಮೂವತ್ತೆಂಟನೆಯ ಅಧ್ಯಾಯಗಳು
- ತನ್ನ ಬಂಧುಗಳ ಅನುಮತಿಯಿಂದ ಹಿಮವಂತನು ಶಿವನಿಗೆ ವಿವಾಹಕ್ಕಾಗಿ ಲಗ್ನಪತ್ರಿಕೆಯನ್ನು ಬರೆದು ಕಳುಹಿಸುವುದು. ಶಿವನು ಅದನ್ನು ಸ್ವೀಕರಿಸುವುದು. ಹಿಮವಂತನು ತನ್ನ ಬಂಧುಗಳಾದ ಪರ್ವತಾದಿಗಳನ್ನು ಕರೆದು ವಿವಾಹಸಾಮಗ್ರಿಗಳನ್ನು ಸಜ್ಜುಗೊಳಿಸುವುದು.
ಮೂವತ್ತೊಂಭತ್ತನೆಯ ಅಧ್ಯಾಯ
- ವಿಶ್ವಕರ್ಮನು ರಚಿಸಿದ ವಿವಾಹಮಂಟಪದ ಕೌಶಲ್ಯವರ್ಣನೆಯು ಬಿಡಾರಕ್ಕಾಗಿ ನಿರ್ಮಿಸಿದ ಭವನಗಳ ವರ್ಣನೆ ಮುಂತಾದವು.
ನಲವತ್ತನೆಯ ಅಧ್ಯಾಯ
- ವಿವಾಹಸಮಾರಂಭಕ್ಕಾಗಿ ನಾರದನ ಮೂಲಕ ಬ್ರಹ್ಮಾದಿಗಳನ್ನು ಶಿವನು ಕರೆಸುವುದು. ಅವರು ಕೈಲಾಸಕ್ಕೆ ಬಂದ ವರ್ಣನೆಯು. ಶಿವನು ಬ್ರಹ್ಮಾದಿಗಳೊಡನೆ ಹೊರಟು ಹಿಮವಂತನ ಗೃಹಕ್ಕೆ ಬರುವುದು.
ನಲವತ್ತೊಂದನೆಯ ಅಧ್ಯಾಯ
- ವಿವಾಹಮಂಟಪದಲ್ಲಿ ವಿಶ್ವಕರ್ಮನು ತನ್ನ ಬುದ್ಧಿಕೌಶಲ್ಯದಿಂದ ನಿರ್ಮಿಸಿದ್ದ ಶಿಲ್ಪಚಾತುರ್ಯದಿಂದ ದೇವತೆಗಳು ಮೋಹಗೊಳ್ಳುವುದು.
ನಲವತ್ತೆರಡನೆಯ ಅಧ್ಯಾಯ
- ಹಿಮವಂತನ ಬಂಧುಗಳು ವಿವಾಹಕ್ಕಾಗಿ ಶಿವನನ್ನು ವಿವಾಹಮಂಟಪಕ್ಕೆ ಕರೆದೊಯ್ಯುವುದು. ಉತ್ಸವವರ್ಣನೆಯು.
ನಲವತ್ತಮೂರನೆಯ ಅಧ್ಯಾಯ
- ತನ್ನ ಮಗಳ ಪತಿಯಾದ ಶಿವನನ್ನು ನೋಡಬೇಕೆಂದು ಬಂದ ಮೇನೆಯನ್ನು ಶಿವನು ಅನೇಕ ಲೀಲೆಗಳಿಂದ ಮೋಹಗೊಳಿಸುವುದು.
ನಲವತ್ತನಾಲ್ಕನೆಯ ಅಧ್ಯಾಯ
- ಶಿವಲೀಲೆಯಿಂದ ಮೋಹಗೊಂಡ ಮೇನೆಗೆ ಆ ಮೋಹನಿವಾರಣೆಯಾಗುವುದು.
ನಲವತ್ತೈದನೆಯ ಅಧ್ಯಾಯ
- ಶಿವನು ದಿವ್ಯಸ್ವರೂಪವನ್ನು ಕೈಗೊಂಡು ಆವಿರ್ಭವಿಸುವ ವಿಶೇಷ ವರ್ಣನೆಯು.
ನಲವತ್ತಾರನೆಯ ಅಧ್ಯಾಯ
- ವಿವಾಹಮಂಡಪದ ದ್ವಾರಕ್ಕೆ ಶಿವನು ಬರಲು ಮೇನೆಯು ಸಕಲ ಸ್ತ್ರೀಯರೊಡಗೂಡಿ ಶಿವನಿಗೆ ಆರತಿಯನ್ನೆತ್ತುವುದು.
ನಲವತ್ತೇಳನೆಯ ಅಧ್ಯಾಯ
- ದೇವತೆಗಳು ವರರೂಪನಾದ ಶಿವನನ್ನು ವಿವಾಹಮಂಟಪಕ್ಕೆ ಪ್ರವೇಶಗೊಳಿಸುವುದು.
ನಲವತ್ತೆಂಟನೆಯ ಅಧ್ಯಾಯ
- ಶಿವಪಾರ್ವತಿಯರ ವಿವಾಹಸಮಾರಂಭ ವರ್ಣನೆಯು. ಕನ್ಯಾದಾನಾದಿಕಾರ್ಯಕಲಾಪಗಳ ವಿವರಣೆ.
ನಲವತ್ತೋಂಭತ್ತನೆಯ ಅಧಾಯ
- ವಿವಾಹ ಹೋಮವೇ ಮೊದಲಾದ ಸಂಸ್ಕಾರಗಳ ವರ್ಣನೆಯು.
ಐವತ್ತನೆಯ ಅಧ್ಯಾಯ
- ವಿವಾಹಕಾಲದಲ್ಲಿ ಲೋಕಾಚಾರದಂತೆ ನಡೆಯುವ ಸ್ತ್ರೀವಿನೋದಾದಿಗಳ ವರ್ಣನೆಯು.
ಐವತ್ತೊಂದನೆಯ ಅಧ್ಯಾಯ
- ಶಿವಪಾರ್ವತಿಯರ ವಿವಾಹವನ್ನು ನೋಡಿ ರತಿಯು, ತನ್ನ ಪತಿಯಾದ ಕಾಮನನ್ನು ಬದುಕಿಸಬೇಕೆಂದು ಶಿವನನ್ನು ಪ್ರಾರ್ಥಿಸುವುದು ಶಿವನು ಕಾಮನನ್ನು ಬದುಕಿಸಿ ವಿಷ್ಣುವಿನ ಸಮೀಪಕ್ಕೆ ಹೋಗೆಂದು ಆಜ್ಞಾಪಿಸುವುದು.
ಐವತ್ತೆರಡನೆಯ ಅಧ್ಯಾಯ
- ಹಿಮವಂತನ ಮನೆಯಲ್ಲಿ ವರನ ಕಡೆಯ ಬೀಗರಿಗೆ ಔತನಸಮಾರಂಭವು.
ಐವತ್ತಮೂರನೆಯ ಅಧ್ಯಾಯ
- ಶಿವಪಾರ್ವತಿಯರ ವಿವಾಹೋತ್ಸವಕಾಲದಲ್ಲಿ ಎರಡು ಮತ್ತು ಮೂರನೆಯ ದಿನಗಳ ಕಾರ್ಯಕಲಾಪಗಳು. ಉತ್ಸವಾದಿಗಳ ವರ್ಣನೆಯು.
ಐವತ್ತನಾಲ್ಕನೆಯ ಅಧ್ಯಾಯ
- ಮೇನಾದೇವಿಯ ಪ್ರೇರಣೆಯಿಂದ ಓರ್ವ ದ್ವಿಜಸ್ತ್ರೀಯು ಪಾರ್ವತಿಗೆ ಪತಿವ್ರತಾ ಧರ್ಮವನ್ನು
- ಮೇನಾದೇವಿಯ ಪ್ರೇರಣೆಯಿಂದ ಓರ್ವ ದ್ವಿಜಸ್ತ್ರೀಯು ಪಾರ್ವತಿಗೆ ಪತಿವ್ರತಾ ಧರ್ಮವನ್ನು ಉಪದೇಶಿಸುವುದು
ಐವತ್ತೈದನೆಯ ಅಧ್ಯಾಯ
- ಲೋಕಾಚಾರದಂತೆ ವಿವಾಹವಿಧಿಯನ್ನು ಮುಗಿಸಿ ಶಿವಪಾರ್ವತಿಯರು ಕೈಲಾಸವನ್ನು ಕುರಿತು ಹೊರಡುವುದು.