ಗ್ರಂಥರತ್ನಮಾಲಾ

ಶ್ರೀ ಪದ್ಮಮಹಾಪುರಾಣಂ – ಉತ್ತರಖಂಡ – ಎಂಟನೆಯ ಭಾಗ

ಆರಂಭಿಕ ಪುಟ ಅನುವಾದಕರು: ಶ್ರೀ ಬೇಲದಕೆರೆ ಸೂರ್ಯನಾರಾಯಣ ಶಾಸ್ತ್ರಿ

ವಿಷಯಾನುಕ್ರಮಣಿಕೆ

ಮುನ್ನುಡಿ
ಇನ್ನೂರ ಅರವತ್ತೊಂಬತ್ತನೆಯ ಅಧ್ಯಾಯವು
- ಶ್ರೀರಾಮಚರಿತ್ರೆಯು ಆರಂಭವಾಗುತ್ತದೆ. ಅದರಲ್ಲಿ ಶ್ರೀರಾಮಾವತಾರ ಕಾರಣಕಥನ. ವಿಷ್ಣುವಿನ ಅಪ್ಪಣೆಯಂತೆ ದೇವತೆಗಳು ಕಪಿಗಳಾಗಿ ಭೂಮಿಯಲ್ಲಿ ಅವತರಿಸುವುದು. ಕೌಸಲ್ಯೆಯಲ್ಲಿ ಶ್ರೀರಾಮಾವತಾರದ ವರ್ಣನೆಯು. ಲಕ್ಷ್ಮಣ, ಭರತ, ಶತ್ರುಘ್ನರ ಉತ್ಪತ್ತಿಯ ವರ್ಣನೆಯು. ಸೀತೆಯ ಉತ್ಪತ್ತಿ, ಯಜ್ಞದ ರಕ್ಷಣೆಗೋಸ್ಕರ ವಿಶ್ವಾಮಿತ್ರರ ಆಶ್ರಮಕ್ಕೆ ರಾಮ ಲಕ್ಷ್ಮಣರು ಹೋಗುವುದು. ವಿಶ್ವಾಮಿತ್ರನ ಆಶ್ರಮವನ್ನು ಹೊಂದುವುದಕ್ಕೆ ಮೊದಲೇ ಮಧ್ಯ ದಾರಿಯಲ್ಲಿ ಶ್ರೀರಾಮನು ತಾಟಕೆಯನ್ನು ಕೊಂದುದರ ವರ್ಣನೆ. ವಿಶ್ವಾಮಿತ್ರನು ಯಜ್ಞವನ್ನು ಮಾಡುತ್ತಿರಲು ಅಲ್ಲಿ ಶ್ರೀರಾಮನು ಮಾರೀಚ ಸುಬಾಹುಗಳನ್ನು ಕೊಂದುದು. ಜನಕನು ಮಾಡುತ್ತಿದ್ದ ಯಜ್ಞವನ್ನು ನೋಡಲು ವಿಶ್ವಾಮಿತ್ರನೊಡನೆ ಹೋಗುತ್ತಿದ್ದ ಶ್ರೀರಾಮನ ಪಾದದ ಧೂಳಿನಿಂದ ಅಹಲ್ಯೆಯನ್ನು ಉದ್ಧಾರ ಮಾಡುವುದು. ಸೀತೆಯನ್ನು ರಾಮನು ಮದುವೆಯಾಗುವುದು. ಊರ್ಮಿಲೆ, ಮಾಂಡವೀ, ಶ್ರುತಕೀರ್ತಿಯರನ್ನು ಕ್ರಮವಾಗಿ ಲಕ್ಷ್ಮಣ, ಭರತ, ಶತ್ರುಘ್ನರು ಮದುವೆಯಾಗುವುದು. ಅಯೋಧ್ಯೆಗೆ ಹೋಗುತ್ತಿರುವಾಗ ಶ್ರೀರಾಮನು ಪರಶುರಾಮನೊಡನೆ ಯುದ್ಧವನ್ನು ಮಾಡುವುದು. ಪರಶುರಾಮನು ರಾಮಚಂದ್ರನನ್ನು ಸ್ತುತಿಸುವುದು. ರಾಮನಿಗೆ ಪರಶುರಾಮನು ಆಸ್ತ್ರಗಳನ್ನು ಕೊಡುವುದು. ಕೈಕೇಯಿಯ ಮಾತನ್ನು ಅನುಸರಿಸಿ ದಶರಥನ ಅಪ್ಪಣೆಯಂತೆ ಶ್ರೀರಾಮನು ಸೀತಾಲಕ್ಷ್ಮಣರೊಡನೆ ಕಾಡಿಗೆ ಹೋಗುವುದು. ಚಿತ್ರಕೂಟ ಪರ್ವತದಲ್ಲಿ ಸೀತೆಗೆ ಅಪರಾಧಮಾಡಿದ್ದರೂ ಕೂಡ ಶರಣಾಗತನಾದ ಇಂದ್ರಕಾಕನನ್ನು ರಾಮನು ರಕ್ಷಿಸಿದುದು. ದಂಡಕಾರಣ್ಯದಲ್ಲಿ ರಾಮನು ವಿರಾಧನನ್ನು ಕೊಂದುದರ ವರ್ಣನೆ. ಪಂಚವಟಿಯಲ್ಲಿ ರಾಮನು ಶೂರ್ಪಣಖಿಯ ಮೂಗನ್ನು ಕತ್ತರಿಸಿದುದು. ರಾಮನು ಖರದೂಷಣ ತ್ರಿಶಿರರೇ ಮುಂತಾದವರನ್ನು ಕೊಂದುದು. ರಾವಣನು ಸೀತೆಯನ್ನು ಅಪಹರಿಸಿಕೊಂಡುಹೋದುದು. ರಾವಣ ಜಟಾಯುಗಳ ಯುದ್ಧದ ವರ್ಣನೆ. ರಾಮನು ಜಟಾಯುವಿಗೆ ಸಂಸ್ಕಾರವನ್ನು ಮಾಡುವುದು. ರಾಮನು ಶಬರಿಯನ್ನು ಉದ್ಧಾರ ಮಾಡಿದುದು. ರಾಮನು ಕಬಂಧನನ್ನು ಕೊಂದುದು. ರಾಮನು ಶಬರೀ ತೀರ್ಥವನ್ನು ವರ್ಣಿಸಿದುದು. ರಾಮನು ಸುಗ್ರೀವನೊಡನೆ ಸೇರುವುದು ರಾಮನು ವಾಲಿಯನ್ನು ಕೊಂದುದು. ಹನುಮಂತನು ಸೀತೆಯ ಸಮಾಚಾರವನ್ನು ತಂದುದು. ಸಮುದ್ರ ತೀರದಲ್ಲಿ ರಾಮನು ವಿಭೀಷಣನೊಡನೆ ಸೇರುವುದು. ರಾಮನು ಸಮುದ್ರಕ್ಕೆ ಸೇತುವೆಯನ್ನು ಕಟ್ಟಿಕೊಂಡು ಲಂಕೆಗೆ ಹೋಗುವುದು ರಾಮನು ರಾವಣನನ್ನು ಕೊಂದುದು. ವಿಭೀಷಣನಿಗೆ ರಾಮನು ರಾಜ್ಯವನ್ನು ಕೊಡುವುದು. ಅಗ್ನಿಶುದ್ಧಿಯನ್ನು ಹೊಂದಿದ ಸೀತೆಯೊಡನೆ ರಾಮನು ಪುಷ್ಪಕವಿಮಾನದಲ್ಲಿ ಕುಳಿತು ಅಯೋಧ್ಯೆಗೆ ಹೋಗುತ್ತಿರುವಾಗ ನಂದಿಗ್ರಾಮದಲ್ಲಿ ಭರತನೊಡನೆ ಸೇರುವುದು. ರಾಮನು ಅಯೋಧ್ಯೆಗೆ ಪ್ರಯಾಣಮಾಡುವುದು
ಇನ್ನೂರ ಎಪ್ಪತ್ತನೆಯ — ಎಪ್ಪತ್ತೊಂದನೆಯ ಅಧ್ಯಾಯವು
- ರಾಮನಿಗೆ ರಾಜ್ಯದಲ್ಲಿ ಪಟ್ಟಾಭಿಷೇಕವಾಗುವುದು. ಶಿವನು ಸೀತಾ ರಾಮರನ್ನು ಸ್ತುತಿಸುವುದು. ಸೀತೆಯ ತ್ಯಾಗವು. ರಾಮನು ತನ್ನ ಲೋಕವಾದ ವೈಕುಂಠಕ್ಕೆ ತೆರಳುವುದು. ರಾಮಚರಿತ್ರೆಯು ಮುಗಿದುದು
ಇನ್ನೂರ ಎಪ್ಪತ್ತೆರಡನೆಯ ಅಧ್ಯಾಯವು
- ಕೃಷ್ಣಚರಿತ್ರೆಯು. ಬಲರಾಮಕೃಷ್ಣರ ಜನ್ಮಕಥನವು. ವಸುದೇವನು ಕೃಷ್ಣನನ್ನು ಗೋಕುಲಕ್ಕೆ ತೆಗೆದುಕೊಂಡು ಹೋದುದು. ಬಲರಾಮಕೃಷ್ಣರಿಗೆ ನಾಮಕರಣವೇ ಮುಂತಾದ ಸಂಸ್ಕಾರಗಳು. ಕೃಷ್ಣನು ಪೂತನಿಯನ್ನು ಕೊಂದುದು. ಕೃಷ್ಣನು ಶಕಟಾಸುರನನ್ನು ಕೊಂದುದು. ಕೃಷ್ಣನು ಕೋಳಿಯ ಆಕಾರವನ್ನು ಹೊಂದಿದ್ದ ರಾಕ್ಷಸನನ್ನು ಕೊಂದುದು. ಕೃಷ್ಣನು ಯಮಳಾರ್ಜುನರಿಗೆ ಮೋಕ್ಷವನ್ನು ಕೊಟ್ಟುದು. ದಾಮೋದರನೆಂಬ ಹೆಸರು ಬರಲು ಕಾರಣವು. ಕೃಷ್ಣನು ಬಕಾಸುರನನ್ನು ಕೊಂದುದು. ಬ್ರಹ್ಮನು ಗೋವುಗಳನ್ನು ಗೋವಿನ ಕರುಗಳನ್ನು ಗೋಪಾಲಕರನ್ನು ಅಪಹರಿಸಿಕೊಂಡುಹೋದಮೇಲೆ ಕೃಷ್ಣನು ಗೋವುಗಳನ್ನು ಗೋವಿನ ಕರುಗಳನ್ನೂ ಗೋಪಾಲಕರನ್ನೂ ಸೃಷ್ಟಿಸಿದುದು. ಬ್ರಹ್ಮನು ಕೃಷ್ಣನನ್ನು ಸ್ತುತಿಸುವುದು. ಕೃಷ್ಣನು ಕಾಳಿಯ ಸರ್ಪವನ್ನು ತುಳಿದುದು. ಕೃಷ್ಣನು ಖರಾಸುರನೇ ಮುಂತಾದವರನ್ನು ಕೊಂದುದು. ಕೃಷ್ಣನು ಗೋಪಿಯರೊಡನೆ ಕ್ರೀಡಿಸುವುದರ ವರ್ಣನೆ. ಕೃಷ್ಣನಿಗೆ ವ್ಯಭಿಚಾರಮಾಡಿದುದರ ದೋಷವಿಲ್ಲವೆಂದು ವಿವರಿಸುವುದು. ಇಂದ್ರಮಹೋತ್ಸವವನ್ನು ಮಾಡುತ್ತಿದ್ದುದನ್ನು ಪ್ರತಿಬಂಧಿಸಿದುದರಿಂದ ಕೋಪಗೊಂಡ ಇಂದ್ರನು ಏಳು ದಿನಗಳವರೆಗೂ ಎಡೆಬಿಡಡೆ ಮಳೆಯನ್ನು ಸುರಿಸಲು ಕೃಷ್ಣನು ಆ ಮಳೆಯಿಂದ ತೊಂದರೆ ಬರದಂತೆ ಗೋವುಗಳನ್ನು ಗೋಪಾಲಕರನ್ನು ಕಾಪಾಡಿದುದು. ತಸ್ಮೈದೇವಾಯ ಹವಿಷಾವಿಧೇಮ ಎಂಬ ಸೂತ್ರದ ವ್ಯಾಖ್ಯಾನರೂಪವಾದ ಇಂದ್ರನು ಮಾಡಿದ ಕೃಷ್ಣನ ಸ್ತೋತ್ರವು. ಕಂಸನು ಅಕ್ರೂರನ ಕೈಯ್ಯಲ್ಲಿ ಹೇಳಿಕಳುಹಿಸಿದ್ದ ಮಾತನ್ನು ಕೇಳಿ ರಾಮಕೃಷ್ಣರೂ ನಂದನೇ ಮುಂತಾದ ಗೋಪರೂ ಯಶೋದೆಯೇ ಮುಂತಾದ ಗೋಪಿಯರೂ ಮಧುರಾಪಟ್ಟಣಕ್ಕೆ ಹೋಗುವುದು. ಮಧುರೆಗೆ ಬರುತ್ತಿರುವಾಗ ಮಧ್ಯದಲ್ಲಿ ಅಕ್ರೂರನು ಕೃಷ್ಣನನ್ನು ಸ್ತುತಿಸುವುದು. ಮಧುರೆಯಲ್ಲಿ ಕೃಷ್ಣನು ಅಗಸನನ್ನು ಕೊಂದುದು. ಕುಬ್ಜೆಯು ಕೊಟ್ಟ ಗಂಧವನ್ನು ರಾಮಕೃಷ್ಣರು ಸ್ವೀಕರಿಸಿದುದು. ಕಂಸನ ಯಜ್ಞಶಾಲೆಯಲ್ಲಿ ಕೃಷ್ಣನು ಧನುಸ್ಸನ್ನು ಮುರಿದುದು. ಕೃಷ್ಣನು ಕುವಲಯಾಪೀಡವೆಂಬ ಆನೆಯನ್ನು ಕೊಂದುದು. ಆ ಆನೆಯ ಕೊಂಬನ್ನು ತೆಗೆದುಕೊಂಡು ರಾಮಕೃಷ್ಣರು ಮಲ್ಲಯುದ್ಧಕ್ಕೆ ಹೋಗುವುದು. ಕೃಷ್ಣನು ಚಾಣೂರನನ್ನು ಕೊಂದುದು. ಬಲರಾಮನು ಮುಷ್ಟಿಕನನ್ನು ಕೊಂದುದು. ಕೃಷ್ಣನು ಕಂಸನನ್ನು ಕೊಂದುದು. ಬಲರಾಮನು ಕಂಸನ ಬಂಧುವನ್ನು ಕೊಂದುದು. ಕೃಷ್ಣನು ಕಂಸನಿಗೆ ಉತ್ತರಕ್ರಿಯೆಗಳನ್ನು ಮಾಡಿಸಿದುದು. ಕೃಷ್ಣನು ಉಗ್ರಸೇನನಿಗೆ ರಾಜ್ಯಾಭಿಷೇಕವನ್ನು ಮಾಡಿದುದರ ವರ್ಣನೆ. ಕೃಷ್ಣನು ಅಕ್ರೂರನೇ ಮುಂತಾದವರಿಗೆ ರಾಜ್ಯಗಳನ್ನು ಕೊಟ್ಟು ಭೂಮಿಯನ್ನು ಆಳುತ್ತಿದ್ದುದರ ವರ್ಣನೆಯು
ಇನ್ನೂರ ಎಪ್ಪತ್ತಮೂರನೆಯ ಅಧ್ಯಾಯವು
- ರಾಮಕೃಷ್ಣರಿಗೆ ಉಪನಯನ ಮುಂತಾದ ಸಂಸ್ಕಾರಗಳು ನಡೆಯುವಿಕೆ. ರಾಮಕೃಷ್ಣರು ಸಾಂದೀಪಿನಿ ಎಂಬ ಗುರುವಿನಲ್ಲಿ ವಿದ್ಯೆಯನ್ನು ಕಲಿತುದು. ಸಾಂದೀಪಿನಿಗೆ ಅವನ ಮಗನನ್ನು ಬದುಕಿಸಿ ಗುರುದಕ್ಷಿಣೆಯನ್ನು ರಾಮಕೃಷ್ಣರು ಕೊಟ್ಟುದು ಜರಾಸಂಧನು ಮಧುರೆಯನ್ನು ಮುತ್ತಿಗೆಹಾಕಿ ಆವರಿಸಿಕೊಂಡುದು. ಕೃಷ್ಣನು ಸ್ಮರಿಸಿಕೊಂಡುದರಿಂದಲೇ ಅವನಿಗೆ ದಿವ್ಯವಾದ ರಥವು ಬಂದುದು. ಕೃಷ್ಣನು ಜರಾಸಂಧನ ಸೈನ್ಯವನ್ನು ನಾಶಮಾಡಿದುದು. ಜರಾಸಂಧ ಬಲರಾಮರ ಯುದ್ಧದ ವರ್ಣನೆ. ಜರಾಸಂಧನನ್ನು ಬಲರಾಮನು ಕೊಲ್ಲುವುದಕ್ಕೆ ಪ್ರಯತ್ನಿಸಿದುದನ್ನು ನೋಡಿ ಕೃಷ್ಣನು ಬಿಡಿಸಿದುದು. ಕೃಷ್ಣನು ಸಮುದ್ರದ ಮಧ್ಯದಲ್ಲಿ ದ್ವಾರಕೆಯನ್ನು ನಿರ್ಮಿಸಿದುದು. ಕಾಲಯವನ ಕೃಷ್ಣರಿಗೆ ನಡೆದ ಯುದ್ಧದ ವರ್ಣನೆ. ಆ ಯುದ್ಧದಲ್ಲಿ ಕೃಷ್ಣನು ಸೋತು ಬೆಟ್ಟದ ಗುಹೆಯೊಳಕ್ಕೆ ಓಡಿಹೋಗುವುದು. ಕೃಷ್ಣನನ್ನೇ ಅನುಸರಿಸಿ ಬೆನ್ನಟ್ಟಿ ಹೋದ ಕಾಲಯವನನು ಆ ಗುಹೆಯಲ್ಲಿ ಮಲಗಿದ್ದ ಮುಚುಕುಂದನನ್ನು ಕೃಷ್ಣನೆಂದು ತಿಳಿದು ಕಾಲಿನಿಂದ ಒದೆಯಲು ಆಗ ಆ ಮುಚುಕುಂದನು ಕೋಪಗೊಂಡು ನೋಡಲು ಅದರಿಂದ ಕಾಲಯವನನು ಸುಟ್ಟು ಬೂದಿಯಾಗುವುದು. ಮುಚುಕುಂದನು ಕೃಷ್ಣನನ್ನು ನೋಡಿದುದು ಮುಚುಕುಂದನು ಕೃಷ್ಣನನ್ನು ಸ್ತುತಿಸಿದುದು. ಕೃಷ್ಣನು ಮುಚುಕುಂದನಿಗೆ ದಿವ್ಯಲೋಕವನ್ನು ಅನುಗ್ರಹಿಸಿದುದು
ಇನ್ನೂರ ಎಪ್ಪತ್ತನಾಲ್ಕನೆಯ ಅಧ್ಯಾಯವು
- ಜರಾಸಂಧನಿಗೂ ಬಲರಾಮಕೃಷ್ಣರಿಗೂ ಯುದ್ಧವಾಗುತ್ತಿರಲು ಜರಾಸಂಧನು ಸೋತುದು. ಬಲರಾಮನು ರೈವತನ ಮಗಳಾದ ರೇವತಿಯನ್ನು ಮದುವೆಯಾದುದು. ವಿದರ್ಭದೇಶದ ರಾಜನಾದ ಭೀಷ್ಮಕನೆಂಬುವನ ಮಗಳಾದ ರುಕ್ಮಿಣಿಯ ಮಾತಿನಂತೆ ಕೃಷ್ಣನು ಅವಳನ್ನು ಅಪಹರಿಸಿ ತರುವುದು. ಆ ಭೀಷ್ಮಕನ ಮಕ್ಕಳಾದ ರುಕ್ಮಿಯೇ ಮುಂತಾದವರೊಡನೆ ಕೃಷ್ಣನು ಯುದ್ಧಮಾಡುವುದು. ಆಗ ಭೀಷ್ಮಕನ ಮಕ್ಕಳೂ ಅವನ ಸೈನ್ಯವೂ ಸೋಲುವುದು
ಇನ್ನೂರ ಎಪ್ಪತ್ತೈದನೆಯ ಅಧಾಯವು
- ಕೃಷ್ಣನಿಗೂ ರುಕ್ಮಿಣಿಗೂ ಮದುವೆಯಾಗುವುದು
ಇನ್ನೂರ ಎಪ್ಪತ್ತಾರನೆಯ ಅಧ್ಯಾಯವು
- ಸತ್ಯಭಾಮೆ, ಕಾಳಿಂದಿ, ವಿತ್ರವಿಂದೆಯರನ್ನು ಕೃಷ್ಣನು ಮುದುವೆಯಾಗುವುದು. ಜಾಂಬವಂತನ ಮಗಳಾದ ಜಾಂಬವತಿಯನ್ನು ಕೃಷ್ಣನು ಮದುವೆಯಾಗುವುದು. ಆ ಜಾಂಬವತಿಯ ಮದುವೆಗೆ ಪೀಠಕೆಯಾದ ಸ್ಯಮಂತಕೋಪಾಖ್ಯಾನದ ವರ್ಣನೆ. ಸುಲಕ್ಷ್ಮಣೆ, ನಾಗ್ನಿ, ಜಿತಿ, ಸುಶೀಲರನ್ನು ಕೃಷ್ಣನು ಮದುವೆಯಾಗುವುದು ಕೃಷ್ಣನು ನರಕಾಸುರನನ್ನು ಕೊಲ್ಲುವುದು. ಅದರ ಕಾರಣವು. ನರಕಾಸುರನು ಎಲ್ಲರನ್ನೂ ಸೋಲಿಸಿ ಬಲಾತ್ಕಾರದಿಂದ ತಂದಿದ್ದ ಐರಾವತವೇ ಮುಂತಾದ ರತ್ನಗಳನ್ನು ಕೃಷ್ಣನು ಇಂದ್ರನಿಗೆ ಅರ್ಪಿಸಿದುದು. ಕೃಷ್ಣನು ಸತ್ಯಭಾಮೆಯೊಡನೆ ಸ್ವರ್ಗಕ್ಕೆ ಹೋಗುವುದು. ಶಚೀದೇವಿಯು ಸತ್ಯಭಾಮೆಗೆ ಪಾರಿಜಾತದ ಹೂವನ್ನು ಕೊಡದೆ ತಾನು ಧರಿಸಿಕೊಂಡುದರಿಂದ ಕೋಪಗೊಂಡ ಸತ್ಯಭಾಮೆಯ ಕೋಪವನ್ನು ಹೋಗಲಾಡಿಸಲು ಕೃಷ್ಣನು ಪಾರಿಜಾತದ ಮರವನ್ನು ಅಪಹರಿಸಿದುದು. ಇಂದ್ರನು ಕೃಷ್ಣನೊಡನೆ ಯುದ್ಧಮಾಡಿದುದು. ಅದರಲ್ಲಿ ಕೃಷ್ಣನು ಇಂದ್ರನನ್ನು ಸೋಲಿಸಿದುದು
ಇನ್ನೂರ ಎಪ್ಪತ್ತೇಳನೆಯ ಅಧ್ಯಾಯವು
- ಕೃಷ್ಣನಿಗೆ ರಕ್ಮಿಣಿಯಲ್ಲಿ ಪ್ರದ್ಯುಮ್ನನೆಂಬ ಮಗನು ಹುಟ್ಟುವುದು. ಪ್ರದ್ಯುಮ್ನನಿಗೆ ಅನಿರುದ್ಧನೆಂಬ ಮಗನು ಹುಟ್ಟಿದುದು. ಬಾಣಪುತ್ರಿಯಾದ ಉಷೆಯು ಅನಿರುದ್ಧನನ್ನು ಸ್ವಪ್ನದಲ್ಲಿ ವರಿಸುವುದು. ಬೆಳಗಾಗುತ್ತಲೂ ಭ್ರಾಂತಚಿತ್ತಳಾಗಿರುವ ಉಷೆಯನ್ನು ನೋಡಿ ಅವಳ ಸಖಿಯು ಎಲ್ಲಾ ಲೋಕಗಳಲ್ಲಿಯೂ ಇರುವ ಉತ್ಕೃಷ್ಟರಾದ ಪುರುಷರ ಆಕಾರವನ್ನು ಬರೆದು ಆ ಉಷೆಗೆ ತೋರಿಸುವುದು. ಸಖಿಯು ಬರೆದಿರುವ ಚಿತ್ರಗಳಲ್ಲಿ ಅನಿರುದ್ದನ ಪ್ರತಿಮೆಯನ್ನು ನೋಡಿ ಉಷೆಯು ಅದನ್ನು ಆಲಿಂಗನಾದಿಗಳನ್ನು ಮಾಡಿಕೊಳ್ಳುವುದು. ಇದನ್ನು ಸಖಿಯು ನೋಡಿ ಇವನೇ ಇವಳಿಗೆ ಇಷ್ಟದವನಾಗಿರುವನೆಂದು ತಿಳಿದು ಉಷೆಯ ಸಖಿಯು ಮಾಯಗಾತಿಯರಿಂದ ಅನಿರುದ್ಧನನ್ನು ಅವನ ಅಂತಃಪುರದಿಂದ ಅಪಹರಿಸಿ ಉಷೆಯ ಅಂತಃಪುರದಲ್ಲಿಡುವಂತೆ ಮಾಡುವುದು. ಅನಿರುದ್ಧ ಬಾಣಾಸುರರಿಗೆ ಯುದ್ಧ ನಡೆಯುವುದು. ಬಾಣಾಸುರನು ಸರ್ಪಾಸ್ತ್ರದಿಂದ ಅನಿರುದ್ಧನನ್ನು ಕಟ್ಟಿಹಾಕುವುದು. ಈ ವಿಷಯವನ್ನು ಶ್ರೀಕೃಷ್ಣನು ತಿಳಿದು ಬಾಣಾಸುರನ ಪಟ್ಟಣಕ್ಕೆ ಬಂದು ಅಲ್ಲಿ ಬಾಗಿಲನ್ನು ಕಾಯುತ್ತಿರುವ ಹರನೊಡನೆ ಯುದ್ಧ ಮಾಡುವುದು. ಗಜಾನನನೊಡನೆ ಬಲರಾಮನು ಯುದ್ಧವನ್ನು ಮಾಡುವುದು. ಹರನು ತಾಪಜ್ವರವನ್ನು ಕಳುಹಿಸಲು ಕೃಷ್ಣನು ಶೀತಜ್ವರದಿಂದ ಅದನ್ನು ನಿವಾರಣೆಮಾಡುವುದು. ಆ ಹರಿಹರರಾಜ್ಞೆಯಂತೆ ಆ ಶೀತಜ್ವರ ತಾಪಜ್ವರಗಳೆರಡೂ ಎಲ್ಲಾ ಲೋಕಗಳಲ್ಲಿಯೂ ಸಂಚರಿಸುವುದು. ಹರಿಹರರ ಈ ಯುದ್ಧವನ್ನು ಕೇಳುವವರಿಗೆ ಈ ಜ್ವರವು ಬರುವುದಿಲ್ಲವೆಂದು ಹೇಳುವಿಕೆ. ಕೃಷ್ಣನು ಹರನನ್ನೂ ಗಜಾನನನನ್ನೂ ಮೋಹನಾಸ್ತ್ರದಿಂದ ಸೋಲಿಸಿ ಬಾಣಾಸುರನೊಡನೆ ಯುದ್ಧ ಮಾಡುವುದು. ಕೃಷ್ಣನು ಬಾಣಾಸುರನ ತೋಳುಗಳನ್ನು ಕತ್ತರಿಸುವುದು. ಪಾರ್ವತಿಯ ಪ್ರಾರ್ಥನೆಯಂತೆ ಕೃಷ್ಣನು ಮೋಹನಾಸ್ತ್ರವನ್ನು ಉಪಸಂಹರಿಸುವುದು. ಶಂಕರನು ಕೃಷ್ಣನನು ಸ್ತುತಿಸುವುದು. ಶಂಕರನ ಪ್ರಾರ್ಥನೆಯಂತೆ ಕೃಷ್ಣನು ಬಾಣಾಸುರನನ್ನು ಬಿಟ್ಟುಬಿಡುವುದು. ಬಾಣಾಸುರನು ಉಷೆಯನ್ನು ಕೊಟ್ಟು ಅನಿರುದ್ಧನಿಗೆ ಮದುವೆ ಮಾಡುವುದು. ಅನಿರುದ್ಧನನ್ನು ಕರೆದುಕೊಂಡು ಕೃಷ್ಣನು ದ್ವಾರಕೆಗೆ ಹೋಗುವುದು
ಇನ್ನೂರ ಎಪ್ಪತ್ತೆಂಟನೆಯ ಅಧ್ಯಾಯವು
- ಕೃಷ್ಣನು ಪೌಂಡ್ರಕವಾಸುದೇವನನ್ನೂ ಅವನ ಮಗನನ್ನೂ ಕೊಲ್ಲುವುದು
ಇನ್ನೂರ ಎಪ್ಪತ್ತೊಂಬತ್ತನೆಯ ಅಧ್ಯಾಯವು
- ಕೃಷ್ಣನ ಪ್ರೇರಣೆಯಂತೆ ಭೀಮಸೇನನು ಜರಾಸಂಧನನ್ನು ಕೊಂದುದರ ವರ್ಣನೆ. ಧರ್ಮರಾಜನು ಮಾಡಿದ ರಾಜಸೂಯಯಾಗದಲ್ಲಿ ಕೃಷ್ಣನು ಶಿಶುಪಾಲನನ್ನು ಕೊಂದುದು. ಮಧುರೆಯಲ್ಲಿ ಕೃಷ್ಣನು ದಂತವಕ್ತ್ರನನ್ನು ಕೊಂದುದು. ಕೃಷ್ಣನ ಅನುಗ್ರಹದಿಂದ ನಂದ ಗೋಕುಲದವರೆಲ್ಲರೂ ವೈಕುಂಠಕ್ಕೆ ಹೋಗುವುದರ ವರ್ಣನೆ. ಅತಿ ದರಿದ್ರನಾದ ಸುದಾಮನಿಗೆ ಕೃಷ್ಣನು ಐಶ್ವರ್ಯವನ್ನು ಕೊಟ್ಟುದು. ಪಾಂಡವರಿಗೂ ಕೌರವರಿಗೂ ನಡೆದ ಯುದ್ಧದಲ್ಲಿ ಅರ್ಜುನನ ರಥದಲ್ಲಿ ಕೃಷ್ಣನು ಸಾರಥ್ಯವನ್ನು ಮಾಡುವುದು. ಕೃಷ್ಣನು ಅರ್ಜುನನಲ್ಲಿ ಶಕ್ತಿಯನ್ನಿಟ್ಟು ಅರ್ಜುನನಿಂದ ಕೌರವರನ್ನು ಸೋಲಿಸುವುದು. ಕೃಷ್ಣನು ಪಾಂಡವರನ್ನು ರಾಜ್ಯದಲ್ಲಿ ಇಡುವುದು. ಕೃಷ್ಣನು ದ್ವಾರಕೆಯಲ್ಲಿದ್ದುಕೊಂಡಿರಲು ಒಬ್ಬ ಬ್ರಾಹ್ಮಣನು ಸತ್ತುಹೋಗಿದ್ದ ಐದು ವರ್ಷದ ತನ್ನ ಮಗನ ಶವವನ್ನು ತೆಗೆದುಕೊಂಡು ಅರಮನೆಯಬಳಿಗೆ ಬರುವುದು. ಆಗಲೇನೇ ಕೃಷ್ಣನನ್ನು ನೋಡಲು ಅರ್ಜುನನು ಬರುವುದು. ಅರ್ಜುನನು ಅ ಬ್ರಾಹ್ಮಣನನ್ನು ನೋಡಿ ಅವನ ಮಗನನ್ನು ತಂದು ಕೊಡುವುದಾಗಿ ಪ್ರತಿಜ್ಞೆಮಾಡುವುದು. ಅರ್ಜುನನ ಪ್ರತಿಜ್ಞೆಯನ್ನು ಸಫಲಗೊಳಿಸಲು ಕೃಷ್ಣನು ವೈಕುಂಠದಿಂದ ಆ ಬ್ರಾಹ್ಮಣನ ಆರುಜನ ಮಕ್ಕಳನ್ನು ತಂದುಕೊಡುವುದು. ಅರ್ಜುನನು ತನ್ನ ಪಟ್ಟಣಕ್ಕೆ ಹೋಗುವುದು. ಕೃಷ್ಣನ ಮಕ್ಕಳೆಲ್ಲರೂ ಒಂದು ಸಾರಿ ವಿಹಾರಕ್ಕೋಸ್ಕರ ನರ್ಮದಾತೀರಕ್ಕೆ ಹೋಗಿರಲು ಅವರೆಲ್ಲರೂ ಸಾಂಬನೆಂಬ ತನ್ನ ಸಹೋದರನಿಗೆ ಹೆಂಗಸಿನ ವೇಷವನ್ನು ಹಾಕಿ ಅವನ ಹೊಟ್ಟೆಗೆ ಕಬ್ಬಿಣದ ಹಾರೆಯನ್ನು ಕಟ್ಟಿ ಅವನನ್ನು ಕಣ್ವಋಷಿಯ ಬಳಿಗೆ ಕರೆದುಕೊಂಡು ಹೋಗಿ ಈಕೆಗೆ ಹುಟ್ಟುವುದು ಗಂಡೋ? ಹೆಣ್ಣೋ? ಎಂಬುದಾಗಿ ಆ ಕಣ್ವನನ್ನು ಕೇಳುವುದು. ಕಣ್ವನು ಇದರಿಂದಲೇ ನಿಮ್ಮ ವಂಶವು ಕ್ಷಯಿಸಿ ಹೋಗುತ್ತದೆ ಎಂದು ಶಪಿಸುವಿಕೆ. ಅನಂತರದಲ್ಲಿ ಕೃಷ್ಣನು ಇದನ್ನು ತಿಳಿದು ಅದನ್ನು ಪುಡಿ ಮಾಡಿ ಮಡುವಿನಲ್ಲಿ ಹಾಕಿಸುವುದು. ಆ ಕಬ್ಬಿಣದ ಹಾರೆಯ ಚೂರ್ಣದಿಂಡ ಜೊಂಡು ಹುಟ್ಟುವುದು. ಒಂದು ಸಾರಿ ಹೆಂಡವನ್ನು ಕುಡಿದು ಮತ್ತರಾದ ಯಾದವರು ಈ ಕಬ್ಬಿಣದ ಚೂರ್ಣದಿಂದ ಹುಟ್ಟಿದ ಜೊಂಡನ್ನು ತೆಗೆದುಕೊಂಡು ಒಬ್ಬರಿಗೊಬ್ಬರು ಹೊಡೆದಾಡಿ ಅದರಿಂದ ಸಾಯುವುದು. ಒಬ್ಬ ಬೇಡನು ಮೀನು ತಿಂದಿದ್ದ ಆ ಒನಕೆಯ ಚೂರನ್ನು ತೆಗೆದುಕೊಂಡು ಅದನ್ನು ತನ್ನ ಬಾಣದ ತುದಿಯ ಅಲಗನ್ನಾಗಿ ಮಾಡಿಸಿಕೊಳ್ಳುವುದು. ಕಲ್ಪವೃಕ್ಷದ ನೆರಳಿನಲ್ಲಿ ತೊಡೆಯಮೇಲೆ ಕಾಲನ್ನು ಹಾಕಿಕೊಂಡು ಆತ್ಮಚಿಂತನೆಯನ್ನು ಮಾಡುತ್ತಿದ್ದ ಕೃಷ್ಣನ ಕಾಲಿಗೆ ಆ ಬೇಡನು ಬಾಣವನ್ನು ಬಿಡುವುದು. ಅನಂತರ ಇವನು ಕೃಷ್ಣನೆಂದು ತಿಳಿಯಲು ಬೇಡನು ಅವನನ್ನು ನಮಸ್ಕರಿಸಿ ಕೇಳಿಕೊಳ್ಳುವುದು. ಆಗ ಕೃಷ್ಣನು ವಿಷಾದನನ್ನು ಅಮೃತಹಸ್ತದಿಂದ ಎಬ್ಬಿಸಿ ನೀನು ತಪ್ಪುಮಾಡಲಿಲ್ಲವೆಂದು ಹೇಳುತ್ತ ಸಮಾಧಾನಪಡಿಸುವುದು. ನಿಷಾದನು ವೈಕುಂಠಕ್ಕೆ ಹೋಗುವುದು. ದಾರುಕನನ್ನು ಕಳುಹಿಸಿ ಅರ್ಜುನನನ್ನು ಕರಿಸಿಕೊಂಡು ಎಲೈ ಅರ್ಜುನನೆ ರುಕ್ಮಿಣಿಯೇ ಮುಂತಾದ ಎಂಟುಜನ ಹೆಂಡತಿಯರನ್ನು ನನ್ನೊಡನೆಯೇ ಸಹಗಮನ ಮಾಡಿಸೆಂದು ಅಪ್ಪಣೆಮಾಡುವುದು. ಕೃಷ್ಣನು ಮಾನುಷ ದೇಹವನ್ನು ಬಿಟ್ಟು ವೈಕುಂಠಕ್ಕೆ ಹೋಗುವುದು. ಅರ್ಜುನನಿಂದ ಕೃಷ್ಣನ ವಿಷಯವನ್ನು ಕೇಳಿ ಕೃಷ್ಣನ ಹೆಂಡತಿಯರೂ ವಸುದೇವ ಉಗ್ರಸೇನಾದಿಗಳೂ ಸಕಲ ಯಾದವರೂ ಕೃಷ್ಣನ ಬಳಿಗೆ ಹೋಗುವುದು. ವಸುದೇವ ಉಗ್ರಸೇನರು ವೈಕುಂಠಕ್ಕೆ ಹೋಗುವುದು. ಯಾದವ ಸ್ತ್ರೀಯರು ಅಗ್ನಿಪ್ರವೇಶವನ್ನು ಮಾಡುವಿಕೆ. ಯಾದವರೆಲ್ಲರಿಗೂ ಅರ್ಜುನನು ಅಪರಕರ್ಮಗಳನ್ನು ಮಾಡುವುದು. ದಾರುಕ ಪಾರಿಜಾತ, ಸುಧರ್ಮಗಳೂ ಸ್ವರ್ಗಕ್ಕೆ ಹೋಗುವುದು. ದ್ವಾರಕಾಪಟ್ಟಣವು ಸಮುದ್ರದಲ್ಲಿ ಮುಳುಗುವುದು. ಕೃಷ್ಣನ ಹೆಂಡತಿಯರು ಅರ್ಜುನನ ಜೊತೆಯಲ್ಲಿ ಹೋಗುತ್ತಿರಲು ಕಳ್ಳರು ಅವರನ್ನು ಕದ್ದುಕೊಂಡು ಹೋಗುವುದು. ಆ ಕಳ್ಳರನ್ನು ನಿಗ್ರಹಿಸಲು ತನಗೆ ಸಾಮರ್ಥ್ಯವು ಇಲ್ಲದೆಹೋಗಲು ಕೃಷ್ಣನೊಡನೆಯೇ ತನ್ನ ಐಶ್ವರ್ಯವೆಲ್ಲವೂ ಹೋಯಿತೆಂದು ತಿಳಿದು ಅರ್ಜುನನು ತನ್ನ ಊರಿಗೆ ಹೋಗುವುದು. ಎಲ್ಲಾ ಅವತಾರಗಳಿಗಿಂತಲೂ ಕೃಷ್ಣಾವತಾರವು ಮುಖ್ಯವೆಂಬುದರ ವರ್ಣನೆ. ಕೃಷ್ಣ ಮಂತ್ರದ ಮಹಿಮೆಯ ವರ್ಣನೆ
ಇನ್ನೂರ ಎಂಬತ್ತನೆಯ ಅಧ್ಯಾಯವು
- ವಿಷ್ಣುಪೂಜೆಯ ವಿಧಿಯ ವರ್ಣನೆ. ವೈಷ್ಣವರ ಆಚಾರದ ಕಥನವು
ಇನ್ನೂರ ಎಂಬತ್ತೊಂದನೆಯ ಅಧ್ಯಾಯವು
- ಶಂಕರನ ಅಪ್ಪಣೆಯಂತೆ ಪಾರ್ವತಿಯು ವಾಮದೇವನಿಂದ ಉಪದೇಶವನ್ನು ತೆಗೆದುಕೊಂಡು ವಿಷ್ಣುವನ್ನು ಪೂಜಿಸುವುದು. ರಾಮನಾಮದ ಮಹಿಮೆಯು. ರಾಮಚಂದ್ರನ ನೂರೆಂಟು ನಾಮಗಳ ಸ್ತೋತ್ರವು. ಅದನ್ನು ಓದುವುದರ ಫಲವು
ಇನ್ನೂರ ಎಂಬತ್ತೆರಡನೆಯ ಅಧ್ಯಾಯವು
- ಶಿವನಿಗೆ ಯೋನಿಲಿಂಗಗಳ ಸ್ವರೂಪವು ಬರಲು ಕಾರಣ. ಭೃಗುವು ವಿಷ್ಣುವನ್ನು ಸ್ತುತಿಸುವುದು. ವಿಷ್ಣುವೇ ಸರ್ವೋತ್ತಮನೆಂದು ವರ್ಣಿಸುವುದು. ಶಂಖಚಕ್ರಗಳನ್ನು ಕಾಯಿಸಿ ಭುಜದಲ್ಲಿ ಗುರುತುಮಾಡಿಸಿಕೊಳ್ಳುವುದು. ವಿಷ್ಣುಪೂಜೆಯ ಪ್ರಶಂಸೆ. ಊರ್ಧ್ವಪುಂಡ್ರಧಾರಣದ ಪ್ರಶಂಸೆ. ಭೃಗುವಿನಿಂದ ಋಷಿಗಳು ಮಂತ್ರವನ್ನು ಉಪದೇಶಹೊಂದಿ ವಿಷ್ಣುವನ್ನು ಪೂಜಿಸುವುದು. ಈ ಕಥೆಯನ್ನು ಕೇಳುವುದರ ಮತ್ತು ಓದುವುದರ ಫಲವು. ಈ ಪುರಾಣದ ಪುಸ್ತಕವನ್ನು ಸುವರ್ಣಕಲಶದೊಡನೆ ದಾನ ಮಾಡಿದರೆ ಅಶ್ವಮೇಧಯಜ್ಞದ ಫಲವು ಬರುವುದರ ವರ್ಣನೆ. ವಸಿಷ್ಠನಿಂದ ಮಂತ್ರವನ್ನುಪದೇಶಿಸಿಕೊಂಡು ದಿಲೀಪನು ವಿಷ್ಣು ಪೂಜೆಯನ್ನು ಮಾಡಿ ಕೊನೆಯಲ್ಲಿ ವೈಕುಂಠವನ್ನು ಹೊಂದುವುದು