ಗ್ರಂಥರತ್ನಮಾಲಾ

ಶ್ರೀ ಪದ್ಮಮಹಾಪುರಾಣಂ – ಉತ್ತರಖಂಡ – ಅರನೆಯ ಭಾಗ – (೨೧೯ – ೨೪೬ ಅಧ್ಯಾಯಗಳು)

ಆರಂಭಿಕ ಪುಟ ಅನುವಾದಕರು: ಶ್ರೀ ಬೇಲದಕೆರೆ ಸೂರ್ಯನಾರಾಯಣ ಶಾಸ್ತ್ರಿ

ವಿಷಯಾನುಕ್ರಮಣಿಕೆ

ಮುನ್ನುಡಿ
ಇನ್ನೂರ ಹತ್ತೊಂಭತ್ತನೆಯ ಅಧ್ಯಾಯವು
- ನೈಮಿಷಾರಣದಲ್ಲಿ ನಡೆಯುವ ಹನ್ನೆರಡು ವರ್ಷಕಾಲದ ಯಾಗದ ವಿಷಯ. ಅಲ್ಲಿಗೆ ಮುನಿಗಳೆಲ್ಲರೂ ಬರುವುದು. ಅಸಿತದೇವಲಾದಿ ಮುನಿಗಳ ಪ್ರಶ್ನೆಯಂತೆ ಸೂತಪುರಾಣಿಕರು ಮಾಘಮಹಿಮೆಯನ್ನು ವರ್ಣಿಸುವುದು.
ಇನ್ನೂರ ಇಪ್ಪತ್ತನೆಯ ಅಧ್ಯಾಯವು
- ವನದ ವರ್ಣನೆ, ಬೇಟೆಗಾರನ ವೇಷಭುಷಣಗಳ ವರ್ಣನೆ, ದಿಲೀಪನ ಬೇಟೆಯ ವರ್ಣನೆ. ಬೇಟೆಯಾಡಿಕೊಂಡು ತನ್ನ ಪಟ್ಟಣಕ್ಕೆ ಬರುತ್ತಿರುವ ದಿಲೀಪನಿಗೆ ವೃದ್ಧ ಹಾರೀತನು ಸಿಕ್ಕುವುದು. ವೃದ್ಧ ಹಾರೀತನ ಮಾತಿನ ಮೇರೆಗೆ ದಿಲೀಪನು ವಸಿಷ್ಠನ ಬಳಿಗೆ ಬರುವುದು. ವಸಿಷ್ಠ ದಿಲೀಪರ ಸಂವಾದದಲ್ಲಿ ಮಾಘಮಹಿಮೆಯ ವರ್ಣನೆ.
ಇನ್ನೂರ ಇಪ್ಪತ್ತೊಂದನೆಯ ಅಧ್ಯಾಯವು
- ಮಾಘಮಾಸದ ಏಕಾದಶಿಯಲ್ಲಿ ಉಪವಾಸಮಾಡಿ ಅಭ್ಯಂಜನವನ್ನು ಮಾಡಿಕೊಂಡುದರಿಂದ ವಿದ್ಯಾಧರನಿಗೆ ಹುಲಿಯ ಮುಖವು ಉಂಟಾಗುವುದು. ಮಾಘಮಾಸದ ಶುಕ್ಲ ಏಕಾದಶಿಯ ದಿನ ಸ್ನಾನಮಾಡುವುದರಿಂದ ಆ ಹುಲಿಯ ಮುಖವು ಹೋಗಿ ಸುಮುಖವು ಉಂಟಾಗುವುದು. ಮಾಘಸ್ನಾನದ ಪ್ರಶಂಸೆ.
ಇನ್ನೂರ ಇಪ್ಪತ್ತೆರಡನೆಯ ಅಧ್ಯಾಯವು
- ಕುತ್ಸ ಋಷಿಯ ಮಗನಾದ ವತ್ಸ ಋಷಿಯ ಕಥೆ. ಬ್ರಹ್ಮಚರ್ಯಾಶ್ರಮವನ್ನು ಹೊಂದಿ ಬ್ರಹ್ಮಚರ್ಯವ್ರತವನ್ನು ಪಾಲಿಸುತ್ತಿರುವ, ತಾಯಿತಂದೆಗಳ ಶುಶ್ರೂಷೆಯನ್ನು ಮಾಡುತ್ತಿರುವ, ಮೂರು ಮಾಘಸ್ನಾನಗಳನ್ನು ಮಾಡಿ ಪವಿತ್ರವಾಗಿರುವ ಮನಸ್ಸುಳ್ಳ, ವತ್ಸ ಋಷಿಯು ತಾಯಿತಂದೆಯರ ಅಪ್ಪಣೆಯಂತೆ ಕಾವೇರಿಯ ಉತ್ತರ ದಡದಲ್ಲಿ ತಪಸ್ಸು ಮಾಡಲು ಪ್ರಯಾಣಮಾಡುವುದು. ತಪಸ್ಸಿನಿಂದ ಸಂತೋಷಪಟ್ಟ ವಿಷ್ಣುವು ವತ್ಸ ಋಷಿಯ ಬಳಿಗೆ ಬರುವುದು. ವತ್ಸನು ವಿಷ್ಣುವನ್ನು ಸ್ತುತಿಸುವುದು.
ಇನ್ನೂರ ಇಪ್ಪತ್ತಮೂರನೆಯ ಅಧ್ಯಾಯವು
- ವಿಷ್ಣುವು ವತ್ಸನಿಗೆ ವರವನ್ನು ಕೊಡುವುದು. ಆ ವತ್ಸನಿಗೆ ವಿಷ್ಣುವು ಮೃಗಶೃಂಗನೆಂದು ಹೆಸರಿಟ್ಟುದು ಮೃಗಶೃಂಗನ ಪ್ರಾರ್ಥನೆಯಂತೆ ವಿಷ್ಣುವು ಆ ಕಲ್ಯಾಣಿಯೆಂಬ ಕೊಳದ ದಡದಲ್ಲಿ ನಿಲ್ಲುವುದು. ಮೃಗಶೃಂಗನು ಮನೆಗೆ ಹೋಗಿ ತಂದೆಯೊಡನೆ ಮಾತನಾಡುವುದು, ಆಗ ಗೃಹಸ್ಥಾಶ್ರಮದ ಪ್ರಶಂಸೆ. ಒಳ್ಳೆಯ ಹೆಂಡತಿಯ ಪ್ರಶಂಸೆ, ಕೆಟ್ಟ ಹೆಂಗಸಿನ ನಿಂದೆ, ಮದುವೆಯಾಗಲು ಯೋಗ್ಯವಾದ ಕನ್ಯೆಯ ಲಕ್ಷಣಗಳು. ಅಯೋಗ್ಯರಾದ ಕನ್ಯೆಯರನ್ನು ಮದುವೆಯಾದರೆ ಮಹಾಪಾಪವು ಬರುವುದೆಂಬುದರ ವರ್ಣನೆ.
ಇನ್ನೂರ ಇಪ್ಪತ್ತನಾಲ್ಕನೆಯ ಅಧ್ಯಾಯವು
- ಉಚಥ್ಯನೆಂಬ ಋಷಿಯ ಕನ್ಯೆಯು ಸಖಿಯರೊಡನೆ ಮಾಘಮಾಸದ ಸ್ನಾನಕ್ಕೆ ಹೋಗುತ್ತಿರುವುದು. ಒಂದು ಸಾರಿ ಒಂದು ಆನೆಯು ಇವರನ್ನು ಓಡಿಸಿಕೊಂಡು ಬರಲು ಇವರು ಅತ್ತಿತ್ತ ಓಡಾಡುತ್ತ ಒಂದು ಭಾವಿಯಲ್ಲಿ ಬೀಳುವುದು. ಅವರನ್ನು ಹುಡುಕಿಕೊಂಡು ಅವರ ತಾಯಿತಂದೆಗಳು ಬಂದು ಆದರಿಸಿ ಅವರು ಭಾವಿಯಲ್ಲಿ ಬಿದ್ದಿರುವುದನ್ನು ನೋಡಿ ದುಃಖಿಸುವುದು ಆಗ ಮೃಗಶೃಂಗನು ಇವರನ್ನು ಬದುಕಿಸುತ್ತೇನೆಂದು ಹೇಳುವುದು. ಕತ್ತಿನುದ್ದ ನೀರಿನಲ್ಲಿ ಮೃಗಶೃಂಗನು ನಿಂತಿಕೊಂಡು ಮೃತ್ಯುವನ್ನು ಸ್ತುತಿಸುವುದು. ಈತನನ್ನು ಕೊಲ್ಲುವುದಕ್ಕೋಸ್ಕರ ಬಂದ ಆನೆಗೆ ತಾನು ಮಾಘಮಾಸದ ಎಂಟು ದಿನದ ಪುಣ್ಯವನ್ನು ಕೊಡಲು ಅದು ಆನೆಯ ಜನ್ಮವನ್ನು ಬಿಟ್ಟುಬಿಡುವುದು. ಆ ಆನೆಯು ಒಡನೆಯೇ ದಿವ್ಯವಾದ ದೇಹವನ್ನು ಹೊಂದಿ ಮೃಗಶೃಂಗನಿಗೆ ತನ್ನ ಪೂರ್ವದ ಕಥೆಯನ್ನು ಹೇಳಿ ಸ್ವರ್ಗಕ್ಕೆ ಹೋಗುವುದು.
ಇನ್ನೂರ ಇಪ್ಪತ್ತೈದನೆಯ ಅಧ್ಯಾಯವು
- ಮತ್ತೆ ಮೃಗಶೃಂಗನು ಕತ್ತಿನುದ್ದ ನೀರಿನಲ್ಲಿ ಯಮನನ್ನು ಸ್ತುತಿಸುವುದು. ಅದರಿದ ಸಂತೋಷಪಟ್ಟು ಯಮನು ಸುವೃತ್ತಾದಿ ಕನ್ನಿಕೆಯರನ್ನು ಬದುಕಿಸುವುದು. ತಿಲತರ್ಪಣವನ್ನು ಮಾಡಿ ಈ ಸ್ತೋತ್ರವನ್ನು ಜಪಿಸಿದರೆ ಇಷ್ಟಾರ್ಥ ಪ್ರಾಪ್ತಿಯಾಗುವುದು.
ಇನ್ನೂರ ಇಪ್ಪತ್ತಾರನೆಯ ಅಧ್ಯಾಯವು
- ಸುವೃತ್ತೆಯೇ ಮೊದಲಾದ ಕನ್ಯೆಯರು ತಮ್ಮ ತಾಯಿತಂದೆಗಳಿಗೆ ಯಮನ ಪಟ್ಟಣದ ಸ್ಥಿತಿಯನ್ನು ವರ್ಣಿಸುವುದು. ಮಾಘಮಾಸದಲ್ಲಿ ಸೂರ್ಯೋದಯದ ವೇಳೆಯಲ್ಲಿ ಸ್ನಾನಮಾಡಿದವರು ಯಮಲೋಕಕ್ಕೆ ಸುಖವಾದ ದಾರಿಯಲ್ಲಿ ಹೋಗುವುದು.
ಇನ್ನೂರ ಇಪ್ಪತ್ತೇಳನೆಯ ಅಧ್ಯಾಯವು
- ಆ ಯಮನ ಪಟ್ಟಣದಲ್ಲಿ ಪಾಪಿಗಳು ಆಯಾಯ ನರಕಗಳನ್ನು ಅನುಭವಿಸುವ ದುಃಖಗಳ ವರ್ಣನೆ. ನೂರನಾಲ್ವತ್ತು ನರಕಗಳ ವರ್ಣನೆ. ನರಕವನ್ನು ಅನುಭವಿಸಿದ ಮೇಲೆ ಕೀಟವೇ ಮುಂತಾದ ಜಾತಿಯಲ್ಲಿ ಹುಟ್ಟುವುದರ ವರ್ಣನೆ.
ಇನ್ನೂರ ಇಪ್ಪತ್ತೆಂಟನೆಯ ಅಧ್ಯಾಯವು
- ನಿದ್ದೆಯೇ ಮುಂತಾದ ಅನೇಕ ರೀತಿಯಿಂದ ಮನುಷ್ಯನ ಆಯುಸ್ಸು ಕಳೆದು ಹೋಗುವುದರಿದ ಬೇಗನೆ ನರಕವನ್ನು ನಾಶಮಾಡಿಕೊಳ್ಳುವುದು. ಅದಕ್ಕೋಸ್ಕರವಾಗಿ ಸಾಲಿಗ್ರಾಮದ ಪೂಜೆ, ಏಕಾದಶಿ ವ್ರತಗಳನ್ನು ಮಾಡಬೇಕೆನ್ನುವುದು.
ಇನ್ನೂರ ಇಪ್ಪತ್ತೊಂಭತ್ತನೆಯ ಅಧ್ಯಾಯವು
- ಕೃತ, ತ್ರೇತಾ, ದ್ವಾಪರ, ಕಲಿಯುಗಗಳಲ್ಲಿ ಮಂಡಲ (ನಾಲ್ವತ್ತು ದಿನಗಳು) ಮುಕ್ಕಾಲು ಮಂಡಲ, ಅರ್ಧ ಮಂಡಲ, ಕಾಲು ಮಂಡಲಗಳವರೆಗೆ ಕ್ರಮವಾಗಿ ಶರೀರವು ನಾಶವಾಗದಿರುವುದು. ಕೃತ, ತ್ರೇತಾ, ದ್ವಾಪರ, ಕಲಿಯುಗಗಳಲ್ಲಿ ಕ್ರಮದಿಂದ ನಾಲ್ಕರಷ್ಟು, ಮೂರರಷ್ಟು, ಎರಡರಷ್ಟು, ಒಂದರಷ್ಟು ಪಾಲು ಬುದ್ಧಿಯು ಸ್ತಿಮಿತವಾಗಿರುವಿಕೆ. ಹಿಂದೆ ಹೇಳಿದ ಸುವೃತ್ತಾದಿ ಕನ್ಯೆಯರ ದೇಹಗಳಿಗೆ ಆಗ ಕೃತಯುಗವಾದುದರಿಂದ ಒಂದು ತಿಂಗಳವರೆಗೂ ನಾಶವು ಬರದಿರುವುದು. ಯಮಲೋಕವನ್ನು ಹೊಂದಿ ಬಂದ ಪುಷ್ಕರನೆಂಬ ಬ್ರಾಹ್ಮಣನು ಮತ್ತೆ ಯಮಲೋಕವನ್ನು ಹೊಂದುವುದರ ವಿವರಣೆ.
ಇನ್ನೂರ ಮೂವತ್ತನೆಯ ಅಧ್ಯಾಯ
- ವೃದ್ಧನಾದ ಬ್ರಾಹ್ಮಣನ ಮಗನನ್ನು ರಾಮನು ಬದುಕಿಸಿದ ಕಥೆ.
ಇನ್ನೂರ ಮೂವತ್ತೊಂದನೆಯ ಅಧ್ಯಾಯವು
- ಶ್ರೀ ಕೃಷ್ಣನು ತನ್ನ ಗುರುವಾದ ಸಾಂದೀಪಿನಿಯ ಮರನ ಹೊಂದಿದ್ದ ಬಾಲಕನನ್ನು ತಂದು ಅವನಿಗೆ ಗುರುದಕ್ಷಿಣೆಯಾಗಿ ಒಪ್ಪಿಸುವುದು.
ಇನ್ನೂರ ಮೂವತ್ತೆರಡನೆಯ ಅಧ್ಯಾಯವು
- ಉಚಥ್ಯನ ಕನ್ಯೆಯಾದ ಸುವೃತ್ತೆ ಮಿಕ್ಕ ಮೂವರು ಅವಳ ಸಖಿಯರನ್ನು ಮೃಗಶೃಂಗನು ಮದುವೆಯಾಗುವುದು. ಬ್ರಾಹ್ಮವೇ ಮುಂತಾದ ಎಂಟು ಬಗೆಯ ಮದುವೆಗಳ ಲಕ್ಷಣಗಳು. ಒಂದೇ ಮುಹೂರ್ತದಲ್ಲಿ ಅನೇಕ ಕನ್ಯೆಯರನ್ನು ಮದುವೆಯಾಗುವುದರಲ್ಲಿ ಸೌಭರಿಯು ತಾನು ಮಾಡಿಕೊಂಡ ಐವತ್ತು ಜನ ರಾಜ ಪುತ್ರಿಯರ ಮದುವೆಯ ವಿಚಾರ.
ಇನ್ನೂರ ಮೂವತ್ತಮೂರನೆಯ ಅಧ್ಯಾಯವು
- ಮೃಗಶೃಂಗ ಋಷಿಯ ಗೃಹಸ್ಥಾಶ್ರಮದ ವರ್ಣನೆ. ಗೃಹಸ್ಥಾಶ್ರಮದವರು ಮಾಡಬೇಕಾದ ಧರ್ಮಗಳ ವಿಚಾರ.
ಇನ್ನೂರ ಮೂವತ್ತನಾಲ್ಕನೆಯ ಅಧ್ಯಾಯವು
- ಪತಿವ್ರತೆಯರ ಧರ್ಮದ ವಿವರಣೆ.
ಇನ್ನೂರ ಮೂವತ್ತೈದನೆಯ ಅಧ್ಯಾಯವು
- ಮೃಗಶೃಂಗಮುನಿಗೆ ನಾಲ್ಕು ಜನ ಹೆಂಡತಿಯರಲ್ಲಿ ನಾಲ್ಕು ಜನ ಮಕ್ಕಳು ಹುಟ್ಟುವುದು. ಹೆಂಡಿರನ್ನು ಮಕ್ಕಳ ವಶಕ್ಕೆ ಬಿಟ್ಟು ತಾನು ತಪಸ್ಸನ್ನು ಮಾಡುವುದರ ವರ್ಣನೆ. ಮೃಗಶೃಂಗನ ಮಗನಾದ ಮೃಕಂಡುವು ತನ್ನ ತಾಯಿಯರೊಡನೆ ಕಾಶಿಗೆ ಹೋಗುವುದು. ಕಾಶಿಯ ಪ್ರಶಂಸೆ. ಅಲ್ಲಿ ಮೃಕಂಡುವಿನ ತಾಯಿಯರ ಮರಣ.
ಇನ್ನೂರ ಮೂವತ್ತಾರನೆಯ ಅಧ್ಯಾಯವು
- ಮಗನನ್ನು ಹೊಂದುವುದಕ್ಕೋಸ್ಕರ ಮೃಕಂಡುವು ತಪಸ್ಸನ್ನು ಮಾಡುವುದು. ಅದರಿಂದ ಶಂಕರನು ಸಂತೋಷಗೊಂಡು ಹದಿನಾರು ವರ್ಷದ ಮಗನನ್ನು ಕೊಡುವುದು. ಮೃಕಂಡು ಪುತ್ರನಾದ ಮಾರ್ಕಂಡೇಯನು ಗುರುವಿನಿಂದ ಸಕಲ ವೇದಗಳನ್ನೂ ಶಾಸ್ತ್ರಗಳನ್ನೂ ಕಲಿಯುವುದು. ತಂದೆಯಿಂದ ತಾನು ಅಲ್ಪಾಯುಸ್ಸುಳ್ಳವನೆಂದು ತಿಳಿದುಕೊಳ್ಳುವುದು. ಅದರಂತೆ ಆ ಮಾರ್ಕಡೇಯನು ತನಗೆ ಮೃತ್ಯುಕಾಲ ಒದಗಿದಾಗ ತಂದೆಯ ಅಪ್ಪಣೆಯಂತೆ ದಕ್ಷಿಣ ಸಮುದ್ರದ ದಡಕ್ಕೆ ತಪಸ್ಸಿಗೆ ಹೋಗುದು. ಅಲ್ಲಿ ತನ್ನ ಹೆಸರಿನ ಲಿಂಗವನ್ನು ಸ್ಥಾಪಿಸಿ ಅದಕ್ಕೆ ಪೂಜೆಯನ್ನು ಮಾಡುತ್ತ ಸ್ತೋತ್ರ ಮಾಡಲು ಪ್ರಾರಂಭಿಸಿದಾಗ ಮಾರ್ಕಂಡೇಯನ ಕತ್ತಿಗೆ ಕಾಲನು ಪಾಶವನ್ನು ಹಾಕುವುದು. ಮಾರ್ಕಡೇಯನು ಶಂಕರನ ಸ್ತೋತ್ರಕ್ಕೆ ವಿಘ್ನಮಾಡದಂತೆ ಕೇಳಿಕೊಳ್ಳುವುದು. ಅದನ್ನು ಕೇಳದೆ ಯಮನು ಅವನನ್ನು ಅವಮಾನಪಡಿಸುವುದು. ಅದರಿಂದ ಶಂಕರನು ಕೋಪಿಸಿಕೊಂಡು ಲಿಂಗದಿಂದಲೇ ಹೊರಗೆ ಬರುವುದು. ಶಂಕರನು ಯಮನನ್ನು ಒದೆಯಲು ಹೊರಗೆ ಬರುವುದು. ಶಂಕರನು ಯಮನನ್ನು ಒದೆಯಲು ಆ ಒತ್ತದಿಂದ ಯಮನು ದೂರದಲ್ಲಿ ಬೀಳುವುದು ಮಾರ್ಕಂಡೇಯನು ಆ ಮೃತ್ಯುಂಜಯನನ್ನು ಸ್ತುತಿಸುವುದು. ಈ ಸ್ತುತಿಯಿಂದ ಸಂತೋಷಗೊಂಡ ಶಂಕರನು ಮಾರ್ಕಂಡೇಯನಿಗೆ ಅನೇಕ ಪ್ರಳಯಗಳ ಕಾಲ ಬದುಕುವಂತೆ ಆಯುಸ್ಸನ್ನು ಕೊಡುವುದು. ಮೃಗಶೃಂಗ ಮುನಿಯ ವಂಶಕ್ಕೆ ಈ ರೀತಿಯಾದ ಪ್ರಭಾವವು ಬರಲು ಅವರು ಮಾಡಿದ ಮಾಘಸ್ನಾನದ ಪುಣ್ಯವೇ ಕಾರಣವೆಂಬುದರ ವಿವರಣೆ.
ಇನ್ನೂರ ಮೂವತ್ತೇಳನೆಯ ಅಧ್ಯಾಯವು
- ಮಾಘಸ್ನಾನಕ್ಕೆ ಉತ್ತಮವಾದ ತೀರ್ಥಗಳ ವರ್ಣನೆ ತೀರ್ಥಗಳೊಳಗೆಲ್ಲಾ ಮಾನಸತೀರ್ಥವೇ ಶ್ರೇಷ್ಠವೆಂಬುದರ ವರ್ಣನೆ. ಅಹಂಕಾರವೇ ಮುಂತಾದುವುಗಳಿಲ್ಲದಿರುವವನಿಗೆ ತೀರ್ಥದ ಫಲವು ಬರುತ್ತದೆ ಎಂಬ ವಿಚಾರ. ಮಾಘಸ್ನಾನದ ವಿಧಿ, ಮಾಘದಲ್ಲಿ ಮಾಡಬೇಕಾದ ಆಯಾ ದಾನಗಳ ವಿವರಣೆ. ಫಲಗಳ ವಿವರಣೆ. ಮಾಘದಲ್ಲಿ ವಿಷ್ಣುಪೂಜೆಯ ವಿಧಿಯ ವಿವರಣೆ.
ಇನ್ನೂರ ಮೂವತ್ತೆಂಟನೆಯ ಅಧ್ಯಾಯವು
- ಮಾಘಸ್ನಾನ ಪ್ರಶಂಸೆಯಲ್ಲಿ ಅತಿ ದುರಾಚಾರಿಯಾದ ಸುವ್ರತನು ಮಾಘದಲ್ಲಿ ಒಂಭತ್ತು ದಿನ ಸ್ನಾನಮಾಡಿದುದರಿಂದ ಉತ್ತಮ ಗತಿಯು ಸಿಕ್ಕಿದುದು. ಪಾಪಪುಣ್ಯ ಕರ್ಮಗಳ ನಿರೂಪಣೆ.
ಇನ್ನೂರ ಮೂವತ್ತೊಂಭತ್ತನೆಯ ಅಧ್ಯಾಯವು
- ಮಾಘಮಾಸದ ಪ್ರಶಂಸೆ. ಮಾಘಸ್ನಾನದ ಪ್ರಶಂಸೆ. ಮಾಘಮಾಸದಲ್ಲಿ ಮಾಡಬೇಕಾದ ವ್ರತಗಳ ವಿಧಿ, ಮಾಘಶುಕ್ಲ ಏಕಾದಶಿಯಲ್ಲಿ ಭೀಮೈಕಾದಶಿವ್ರತದ ವಿಧಾನ.
ಇನ್ನೂರ ನಲವತ್ತನೆಯ ಅಧ್ಯಾಯವು
- ಶಿವರಾತ್ರಿಯ ಮಹಿಮೆ. ಯಾವುದಾದರೂ ನೆವದಿಂದಲಾದರೂ ಶಿವರಾತ್ರಿಯ ದಿನ ಉಪವಾಸಮಾಡಿದರೆ ಕೈಲಾಸವು ಸಿಕ್ಕುತ್ತದೆ ಎಂಬ ವಿಷಯದಲ್ಲಿ ಒಬ್ಬ ಬೇಡನ ಕಥೆ.
ಇನ್ನೂರ ನಲವತ್ತೊಂದನೆಯ ಅಧ್ಯಾಯವು
- ಶಿವರಾತ್ರಿಯ ವ್ರತದ ವಿಧಾನದ ವಿವರಣೆ.
ಇನ್ನೂರ ನಲವತ್ತೆರಡನೆಯ ಅಧ್ಯಾಯವು
- ಮಾಘಸ್ನಾನದಿಂದ ಪಾಪಗಳೆಲ್ಲವೂ ಹೋಗುತ್ತವೆ ಎಂಬುದರ ವರ್ಣನೆ. ಋಚೀಕಳೆಂಬ ಬ್ರಾಹ್ಮಣ ಸ್ತ್ರೀಯು ರೇವಾ ಕಪಿಲೆಗಳ ಸಂಗಮದಲ್ಲಿ ಮಾಘಸ್ನಾನಮಾಡಿದುದರಿಂದ ವಿಷ್ಣುಲೋಕದಲ್ಲಿ ಸುಖಪಟ್ಟು ಅನಂತರ ಬ್ರಹ್ಮಲೋಕದಲ್ಲಿ ತಿಲೋತ್ತಮೆಯೆಂಬ ಹೆಸರಿನಿಂದ ಅಪ್ಸರಸ್ತ್ರೀಯರಲ್ಲಿ ಹುಟ್ಟುವುದು. ಅವಳೇ ಸುಂದೋಪಸುಂದರನ್ನು ನಾಶಮಾಡುವುದರ ವರ್ಣನೆ.
ಇನ್ನೂರ ನಲವತ್ತಮೂರನೆಯ ಅಧ್ಯಾಯವು
- ಶ್ರೀ ಕುಂಡಲವಿಕುಂಡಲರ ಕಥೆಯ ವಿವರಣೆ. ಶ್ರೀಕುಂಡಲ ವಿಕುಂಡಲರು ಸತ್ತಮೇಲೆ ಯಮಲೋಕಕ್ಕೆ ಹೋಗುವುದು. ಅವರಲ್ಲಿ ಶ್ರೀಕುಂಡಲನನ್ನು ಯಮಭಟರು ಯಮನ ಅಪ್ಪಣೆಯಂತೆ ನರಕದಲ್ಲಿ ಹಾಕುವುದು. ವಿಕುಂಡಲ ಯಮದೂತರ ಸಂವಾದ. ವಿಕುಂಡಲನಿಗೆ ನರಕ ಪ್ರಾಪ್ತಿಯಾಗದಿರಲು ಅವನು ಮಾಡಿದ ಮಾಘಸ್ನಾನದ ಪುಣ್ಯವೇ ಕಾರಣವೆಂಬುದರ ವಿವರಣೆ. ಯಮಲೋಕದಲ್ಲಿ ನರಕವು ಸಿಕ್ಕತಕ್ಕ ಕೆಲಸಗಳ ವರ್ಣನೆ. ಯಮಲೋಕವನ್ನಾಗಲಿ, ಅಲ್ಲಿನ ನರಕಗಳನ್ನಾಗಲಿ ನೋಡದಿರುವಂತೆ ಮಾಡುವ ಕರ್ಮಗಳ ವಿವರಣೆ.
ಇನ್ನೂರ ನಲವತ್ತನಾಲ್ಕನೆಯ ಅಧ್ಯಾಯವು
- ವಿಕುಂಡಲ ಯಮದೂತರ ಸಂವಾದದಲ್ಲಿ ತುಲಸಿಯನ್ನು ಎಬ್ಬಿಸಿದರೆ ಯಮಲೋಕಕ್ಕೆ ಹೋಗುವುದಿಲ್ಲ ಎಂಬುದರ ವರ್ಣನೆ. ತುಳಸಿಯ ಪ್ರಶಂಸೆ. ನರಕಕ್ಕೆ ಹೋಗದಿರಲು ಶಿವಪೂಜೆಯ ಕಥನ. ಅನೇಕವಾದ ದಾನಗಳ ವರ್ಣನೆ. ಅನೇಕವ್ರತಗಳ ವಿವರಣೆ. ನರಕವು ಪ್ರಾಪ್ತಿಯಾಗುವ ಕರ್ಮಗಳ ವಿವರಣೆ.
ಇನ್ನೂರ ನಲವತ್ತೈದನೆಯ ಅಧ್ಯಾಯವು
- ವಿಕುಂಡಲ ಯಮದೂತರ ಸಂವಾದದಲ್ಲಿ ಗಂಗೆಯ ಪ್ರಶಂಸೆ. ಸ್ವರ್ಗವು ಸಿಕ್ಕುವ ಕರ್ಮಗಳ ವರ್ಣನೆ. ವೈಷ್ಣವರ ಪ್ರಶಂಸೆ. ವಿಷ್ಣುನಾಮಸ್ಮರಣೆಯು ನರಕವನ್ನು ತಪ್ಪಿಸುತ್ತದೆ ಎಂಬ ವಿಚಾರವು ಸಾಲಿಗ್ರಾಮದ ಶಿಲಾರ್ಚನೆಯಿಂದ ಉತ್ತಮಗತಿಯು ಸಿಕ್ಕುವುದು ಎಂಬುದರ ವರ್ಣನೆ. ಸಾಲಿಗ್ರಾಮ ಶಿಲೆಗೆ ಬೆಲೆ ಕಟ್ಟಿದರಾಗಲಿ ಮಾರಿದರಾಗಲಿ ಮಹಾಪಾಪವು ಬರುವುದೆಂಬುದರ ವರ್ಣನೆ. ಏಕಾದಶಿಯ ವ್ರತದ ಸಾಮರ್ಥ್ಯದಿಂದ ನರಕವು ಬರದಿರುವುದು. ಅಹಿಂಸೆ, ಇಂದ್ರಿಯನಿಗ್ರಹ ಹರಿಸೇವನ, ವರ್ಣಾಶ್ರಮ ಧರ್ಮಪರಿಪಾಲನ, ತಪೋದಾನಗಳನ್ನು ಮಾಡಿ ಹೇಳದಿರುವುದು, ಯಥಾಶಕ್ತಿ ದಾನಗಳನ್ನು ಮಾಡುವುದು. ಇವು ನರಕವನ್ನು ನಾಶಮಾಡುವುವೆಂಬುದರ ವಿವರಣೆ. ಪೂರ್ವಜನ್ಮದಲ್ಲಿ ಯತಿಗಳಿಗೆ ಆದರಪೂರ್ವಕವಾಗಿ ಭೋಜನವನ್ನು ಮಾಡಿಸಿದುದರಿಂದ ಅವರ ಪಾದೋದಕವನ್ನು ತಲೆಯ ಮೇಲೆ ಹಾಕಿಕೊಂಡುದರಿಂದ ಬಂದ ಪುಣ್ಯದಾನದಿಂದ ವಿಕುಂಡಲನು ತನ್ನ ಸಹೋದಾರನಾದ ಶ್ರೀಕುಂಡಲನನ್ನು ಉದ್ಧಾರಮಾಡುವುದು. ಶ್ರೀ ಕುಂಡಲವಿಕುಂಡಲರು ಸ್ವರ್ಗಕ್ಕೆ ಹೋಗುವುದು.
ಇನ್ನೂರ ನಲವತ್ತಾರನೆಯ ಅಧ್ಯಾಯವು
- ಮಾಘಸ್ನಾನದಲ್ಲಿ ಎಲ್ಲಾ ನೀರುಗಳೂ ಪವಿತ್ರವಾದುವು. ಮಾಘಸ್ನಾನದಿಂದ ಬಹುವಾದ ಫಲವು ಬರುವುದು. ಮಾಘಸ್ನಾನದ ವಿಧಿ, ಮಾಘದಲ್ಲಿ ಗಂಗಾಸ್ನಾನಮಾಡಿದರೆ ವಿಶೇಷ ಫಲವು ಬರುತ್ತದೆ ಎಂಬುದರೆ ವಿವರಣೆ. ಪ್ರಯಾಗದಲ್ಲಿ ಮಾಘಸ್ನಾನದ ಫಲ, ಕಾಶಿಯಲ್ಲಿ ಗಂಗಾಸ್ನಾನದ ಫಲ, ಕಾಂಚನಮಾಲಿನಿಯು ತನ್ನ ಮೂರು ದಿನಸ ಮಾಘಸ್ನಾನದ ಫಲವನ್ನು ದಾನಮಾಡಿ ರಾಕ್ಷಸನಿಗೆ ಮುಕ್ತಿಯನ್ನುಂಟುಮಾಡಿದುದು.