ಗ್ರಂಥರತ್ನಮಾಲಾ

ಪದ್ಮಮಹಾಪುರಾಣಂ – ಸೃಷ್ಟಿಖಂಡ – ಐದನೆಯ ಭಾಗ

ಆರಂಭಿಕ ಪುಟ ಅನುವಾದಕರು: ಶ್ರೀ ಬೇಲದಕೆರೆ ಸೂರ್ಯನಾರಾಯಣ ಶಾಸ್ತ್ರಿ

ವಿಷಯಾನುಕ್ರಮಣಿಕೆ

ಮುನ್ನುಡಿ
ನಲವತ್ತೇಳನೆಯ ಅಧ್ಯಾಯ
- ಶ್ರಾದ್ಧದ ಪ್ರಶಂಸೆಯಲ್ಲಿ ಕಥೆಗಳನ್ನು ಹೇಳುವಿಕೆ. ಶ್ರಾದ್ಧವನ್ನು ಮಾಡುವುದಕ್ಕೆ ಕೈಲಾಗದವನು ಮಾಡುವ ವಿಧಾನಗಳು.
ನಲವತ್ತೆಂಟನೆಯ ಅಧ್ಯಾಯ
- ಪತಿವ್ರತೆಯ ಹೆಸರನ್ನು ಹೇಳುವಾಗ ಸೈವ್ಯಾ ಎಂಬ ಹೆಸರುಳ್ಳ ಪತಿವ್ರತೆಯ ಕಥೆಯು. ಪ್ರಸಂಗದಿಂದ ಮಾಂಡವ್ಯನ ಕಥೆಯನ್ನು ಹೇಳುವುದು.
ನಲವತ್ತೊಂಭತ್ತನೆಯ ಅಧಾಯ
- ಮಾಂಡವ್ಯನನ್ನು ಶೂಲಕ್ಕೆ ಹಾಕುವುದಕ್ಕೂ ದೇಹದಲ್ಲಿ ಕುಷ್ಠ ರೋಗವುಂಟಾಗುವುದಕ್ಕೂ ಕಾರಣವನ್ನು ಹೇಳುವುದು. ಅಣ್ಣ ತಮ್ಮಂದಿರಾಗಿದ್ದರೂ ಸುಂದರರಾಗಿದ್ದರೆ ಅವರನ್ನು ನೋಡುವುದರಿಂದ ಹೆಂಗಸರಿಗೆ ಅವರಲ್ಲಿ ಮನಸ್ಸು ನೆಟ್ಟು ಆಸೆ ಹುಟ್ಟುವ ರೂಪವಾದ ದುಷ್ಟ ಚರಿತ್ರೆಯ ವರ್ಣನೆ.
- ಜಾಗ, ಹೊತ್ತು ಮುಂತಾದ ಭೋಗಿಸುವುದಕ್ಕೆ ಬೇಕಾದ ಕಾರಣಗಳು ಸಿಕ್ಕದಿರುವುದರಿಂದಲೇ ಹೆಂಗಸರು ಪತಿವ್ರತೆಯರಾಗಿರುವುದು. ಎಂಬುದನ್ನು ವಿವರಿಸುವುದು. ಹೆಂಗಸರಿಗೆ ದೌಷ್ಟ್ಯಬರಲು ಕಾರಣಗಳು. ಕುಲೀನರಲ್ಲದ ಹೆಂಗಸರನ್ನು ಮದುವೆಯಾಗಲು ನಿಷೇಧಿಸುವುದು. ಪತಿವ್ರತೆಯಾದ ಹೆಂಗಸನ್ನು ಬಿಟ್ಟರೆ ನರಕ ಬರುವುದರ ವಿವರಣೆ. ಮುಟ್ಟಾದವರ ಸಂಗವನ್ನು ಮಾಡಿದರೆ ನರಕಪ್ರಾಪ್ತಿಯಾಗುವುದು. ತಾನು ರಮಿಸಬಾರದವರಲ್ಲಿ ರಮಿಸಿದರೆ ಪ್ರಾಯಶ್ಚಿತ್ತದ ವಿವರಣೆಯು. ಪ್ರಸಂಗದಿಂದ ಸಹಗಮನವನ್ನು ವಿಧಿಸುವುದು. ಗಂಡಸತ್ತ ಹೆಂಗಸರು ಮಾಡುವ ನಿಯಮವನ್ನು ಹೇಳುವುದು. ಕನ್ಯಾದಾನದ ವಿಧಿಯನ್ನು ಹೇಳುವುದು. ಕನ್ಯಾದಾನದ ಫಲದ ವಿವರಣೆ. ಪ್ರಸಂಗದಿಂದ ಕನ್ಯಾಶುಲ್ಕವನ್ನು ತೆಗೆದುಕೊಳ್ಳಲು ನಿಷೇಧಿಸುವುದು. ಪ್ರಸಂಗದಿಂದ ಬಹುವಾಗಿ ತಿನ್ನುವ ಹೊಟ್ಟೆಬಾಕತನವೇ ಮುಂತಾದ ದುರ್ಗುಣಗಳುಳ್ಳವರನಿಗೆ ಕನ್ಯಾದಾನವನ್ನು ಮಾಡಿದರೆ ನರಕಬರುವುದೆಂದು ವಿವರಿಸುವುದು.
- ದಾಸಿಯರನ್ನು ದಾನಮಾಡುವ ವಿಧಿಯ ವಿವರಣೆ.
ಐವತ್ತನೆಯ ಅಧ್ಯಾಯವು
- ತುಲಾಧಾರನ ಚರಿತ್ರೆಯ ಕಥನವು. ಸತ್ಯದ ಪ್ರಶಂಸೆ. ಅಲೋಭತನದ ಪ್ರಶಂಸೆಯಲ್ಲಿ ಶೂದ್ರನ ಕಥೆಯನ್ನು ವಿವರಿಸುವುದು. ಹಣದ ಪ್ರಶಂಸೆ, ಅಕಾಮ, ದಯೆ, ಸಂತೋಷ, ಅಲೋಭ, ಅಹಿಂಸೆಗಳ ಪ್ರಶಂಸೆ.
ಐವತ್ತೊಂದನೆಯ ಅಧ್ಯಾಯವು
- ಕಾಮನನ್ನು ಜಯಿಸಲು ಆಗದ ವಿಷಯದಲ್ಲಿ ಇಂದ್ರನು ಅಹಲ್ಯೆಯಲ್ಲಿ ರಮಿಸಿದ ಕಥೆಯು.
ಐವತ್ತೆರಡನೆಯ ಅಧ್ಯಾಯವು
- ಕಾಮನನ್ನು ಜಯಿಸಲು ಆಗದ ವಿಷಯದಲ್ಲಿ ಪರಮಹಂಸನ ಕಥೆಯು. ಅದೇ ಕಾಮನನ್ನು ಜಯಿಸಲಾಗದ ವಿಷಯದಲ್ಲಿ ಅಮೋಘೆಯಲ್ಲಿ ಬ್ರಹ್ಮನ ದೆಸೆಯಿಂದ ಲೌಹಿತ್ಯನು ಹುಟ್ಟಿದುದರ ವರ್ಣನೆ. ಆ ಲೌಹಿತ್ಯನಿಗೆ ತೀರ್ಥರಾಜತನವು ಬಂದುದರ ವಿಷಯ. ಲೌಹಿತ್ಯ ತೀರ್ಥದಲ್ಲಿ ಪರಶುರಾಮನು ಸ್ನಾನಮಾಡಿದ ಮಾತ್ರದಿಂದಲೇ ಕ್ಷತ್ರಿಯರನ್ನೆಲ್ಲಾ ನಾಶಮಾಡಿದುದರಿಂದ ಬಂದ ಪಾಪವು ಹೋದುದರ ವರ್ಣನೆ.
ಐವತ್ತಮೂರನೆಯ ಅಧ್ಯಾಯವು
- ಕಾಮನನ್ನು ತಡೆಯಲಾರದೇನೇ ಗಂಧರ್ವ ಸ್ತ್ರೀಯರೇ ಮೊದಲಾದ ಸ್ತ್ರೀಯರೊಡನೆ ಶಂಕರನು ಕ್ರೀಡಿಸಿದುದು ಎಂಬುದರ ವರ್ಣನೆ. ಕ್ಷೇಮಂಕರಿಯ ಹುಟ್ಟುವಿಕೆ. ಕ್ಷೇಮಂಕರಿಯ ದರ್ಶನದ ಫಲವು. ಮೂಕನೇ ಮುಂತಾದವರು ವೈಕುಂಠಕ್ಕೆ ಹೋದುದರ ವರ್ಣನೆ. ಪಂಚಾಖ್ಯಾನವನ್ನು ಓದುವುದರ ಫಲವು. ಪಂಚಾಖ್ಯಾನವು ಮುಗಿದುದು.
ಐವತ್ತನಾಲ್ಕನೆಯ ಅಧ್ಯಾಯವು
- ನೀರಿನ ದಾನದ ಪ್ರಶಂಸೆಯು. ನೀರಿಲ್ಲದ ಜಾಗದಲ್ಲಿ ಕಟ್ಟೆ ಮುಂತಾದುವನ್ನು ನಿರ್ಮಿಸಿದರೆ ಬರುವ ಫಲದ ವಿವರಣೆ. ಪುಷ್ಕರಿಣಿಯೇ ಮುಂತಾದುವುಗಳ ದಾನಪ್ರಶಂಸೆಯಲ್ಲಿ ಕಥೆಯನ್ನು ಹೇಳುವುದು.
ಐವತ್ತೈದನೆಯ ಅಧ್ಯಾಯವು
- ಅರಳಿ ಮುಂತಾದ ಮರಗಳನ್ನು ಬೆಳೆಸುವ ವಿಧಿಯು. ಅರವಟ್ಟಿಗೆಗಳನ್ನು ಇಡಿಸುವ ವಿಧಿಯು. ಧರ್ಮಘಟವನ್ನು ದಾನ ಮಾಡುವಿಕೆ.
ಐವತ್ತಾರನೆಯ ಅಧ್ಯಾಯವು
- ಸೇತುವೆಯನ್ನು ಕಟ್ಟಿಸುವುದರಿಂದ ಬರುವ ಧರ್ಮದ ನಿರೂಪಣೆಯು. ನೀರನ್ನಾಗಲಿ ಕೆಸರನ್ನಾಗಲಿ ದಾಟಲು ಆಗುವಂತೆ ಕಲ್ಲುಗಳನ್ನು ಸಾಲಾಗಿ ಇಡುವುದು. ಕಟ್ಟಿಗಳನ್ನು ಕಟ್ಟುವುದು. ಅವುಗಳಿಗೊಂದು ಇತಿಹಾಸವನ್ನು ನಿರೂಪಿಸುವುದು. ಗೋಮಾಳವನ್ನು ಬಿಡುವುದರ ಫಲ. ಗೋಮಾಳವನ್ನು ನಾಶ ಮಾಡುವವನಿಗೆ ಶಿಕ್ಷೆಯನ್ನು ವಿಧಿಸುವುದು. ವಿಷ್ಣುವೇ ಮುಂತಾದ ದೇವತೆಗಳಿಗೆ ದೇವಸ್ಥಾನವನ್ನು ಕಟ್ಟಿಸುವುದರ ಫಲ. ದೀಪದಾನವೇ ಮುಂತಾದ ಅನೇಕ ದಾನಗಳ ಫಲವನ್ನು ಹೇಳುವಿಕೆ. ಅರ್ಚಕರು ನರಕದಿಂದ ಹಿಂತಿರುಗುವುದಿಲ್ಲ ಎಂಬುದಕ್ಕೆ ಪ್ರತಿಮಾರೂಪವಾದ ದೇವತೆಗಳು ದ್ರವ್ಯಗಳನ್ನು ತೆಗೆದುಕೊಳ್ಳಕೂಡದೆಂದು ಹೇಳಿದ್ದರೂ ಅದನ್ನು ತೆಗೆದುಕೊಳ್ಳುವಿಕೆ, ಸ್ವಯಂಭೂಲಿಂಗವೇ ಮುಂತಾದ ಪ್ರತಿಮೆಗಳನ್ನು ಪೂಜಿಸುವ ಫಲ ನಿರೂಪಣವು. ಮಂಟಪಗಳನ್ನು ಕಟ್ಟಿಸುವ ಫಲದ ನಿರೂಪಣೆ. ಶ್ರೋತ್ರಿಯರಿಗೆ ಮನೆಗಳನ್ನು ಕಟ್ಟಿಸಿ ಕೊಡುವುದರ ಫಲದ ನಿರೂಪಣೆಯು.
ಐವತ್ತೇಳನೆಯ ಅಧ್ಯಾಯ
- ರುದ್ರಾಕ್ಷಿಯ ಮಹಿಮೆಯ ವರ್ಣನೆಯು. ಶಿವನೇ ಮುಂತಾದ ದೇವರ ಮಂತ್ರಗಳನ್ನು ಜಪಿಸುವುದಕ್ಕೆ ಪ್ರಶಸ್ತವಾದ ಸ್ಥಳಗಳನ್ನು ನಿರ್ದೇಶಿಸಿರುವುದು. ರುದ್ರಾಕ್ಷಿಯ ಉತ್ಪತ್ತಿ. ಒಂದು ಮುಖ, ಎರಡು ಮುಖ, ಮುಂತಾದ ಮುಖಗಳುಳ್ಳ ರುದ್ರಾಕ್ಷಿಗಳನ್ನು ಧರಿಸಿದರೆ ಬರುವ ಫಲದ ನಿರೂಪಣೆ. ಅದರ ವಿಷಯದಲ್ಲಿ ಒಂದು ಕಥೆ.
ಐವತ್ತೆಂಟನೆಯ ಅಧ್ಯಾಯವು
- ನೆಲ್ಲಿಯ ಮಹಿಮೆ. ನೆಲ್ಲಿಯ ಕಾಯನ್ನು ಜಜ್ಜಿ ಮೈಗೆಲ್ಲಾ ಬಳಿದುಕೊಂಡು ಸ್ನಾನಮಾಡಿದರೆ ಬರುವ ಫಲದ ನಿರೂಪಣೆ. ನೆಲ್ಲಿ ಕಾಯನ್ನು ತಿನ್ನುವುದರಿಂದ ಬರುವ ಫಲವು. ಸೂರ್ಯನ ವಾರವೇ ಮುಂತಾದ ವಾರಗಳಲ್ಲಿ ನೆಲ್ಲಿಯ ಕಾಯನ್ನು ಉಪಯೋಗಿಸಲು ನಿಷೇಧಿಸುವುದು. ನೆಲ್ಲಿಯ ಮಹಿಮೆಯಲ್ಲಿ ಕಥೆಯ ನಿರೂಪಣೆ. ಧಾತ್ರೀ ಮಹಾತ್ಮೆ ಮುಗಿದುದು.
- ತುಳಸಿಯ ಮಹಿಮೆಯನ್ನು ವಿವರಿಸುವುದು.
ಐವತ್ತೊಂಭತ್ತನೆಯ ಅಧ್ಯಾಯವು
- ತುಳಸಿಯ ಸ್ತೋತ್ರವು.
ಅರವತ್ತನೆಯ ಅಧ್ಯಾಯ
- ಗಂಗೆಯ ಮಹಿಮೆಯು. ಗಂಗೆಯಲ್ಲಿ ಸ್ನಾನ ದಾನಗಳ ವಿಧಿಯು ಗಂಗೆಯು ಮೃತ್ಯುಲೋಕಕ್ಕೆ ಬಂದುದರ ಕಾರಣವು.
ಅರವತ್ತೊಂದನೆಯ ಅಧ್ಯಾಯವು
- ಗಣೇಶನ ಅಗ್ರಪೂಜೆಗೆ ಕಾರಣವು. ಅದರ ವಿಷಯದಲ್ಲಿ ಕಥೆ, ಗಣೇಶನ ದ್ವಾದಶನಾಮಗಳ ಸ್ತೋತ್ರವು.
ಅರವತ್ತೆರಡನೆಯ ಅಧ್ಯಾಯವು
- ಗಣೇಶನ ಸ್ತೋತ್ರದ ವರ್ಣನೆ.
ಅರವತ್ತಮೂರನೆಯ ಅಧ್ಯಾಯವು
- ನಾಂದೀಮುಖದಲ್ಲಿ ಗಣೇಶ ಪೂಜೆಯನ್ನು ಮಾಡಿದರೆ ಬರುವ ಫಲ, ಗಣೇಶ ಪೂಜೆಯ ವಿಧಿ, ಗಣೇಶನನ್ನು ಮೊದಲು ಪೂಜಿಸದಿದ್ದರೆ ಬಿಘ್ನವು ಬರುತ್ತದೆ ಎಂಬ ವಿಷಯದಲ್ಲಿ ದೇವಾಸುರರ ಯುದ್ಧದ ವರ್ಣನೆ. ಹಿರಣ್ಯಾಕ್ಷನು ಇಂದ್ರನನ್ನು ಜಯಿಸಿದುದರಿಂದ ಸೋತು ಕಳೆಗುಂದಿದ ದೇವತೆಗಳು ಶಂಕರನ ಬಳಿಗೆ ಹೋಗುವುದು. ಶಂಕರನ ಉಪದೇಶದಂತೆ ದೇವತೆಗಳು ಗಣೇಶನನ್ನು ಸ್ತುತಿಸುವುದು. ಗಣೇಶನು ದೇವತೆಗಳಿಗೆ ವರವನ್ನು ಕೊಡುವುದು. ಗಣೇಶನನ್ನು ಪೂಜಿಸಿ ಆತನ ಅಪ್ಪಣೆಯಂತೆ ದೇವತೆಗಳು ವಿಷ್ಣುವಿನ ಬಳಿಗೆ ಹೋಗುವುದು. ವಿಷ್ಣುವಿನ ಅಪ್ಪಣೆಯಂತೆ ದೇವತೆಗಳು ದೈತ್ಯರ ಮೇಲೆ ಬೀಳುವುದು. ಆಗ ಆ ದೇವದಾನವರಿಗೆ ಯುದ್ಧ ನಡೆಯುವಲ್ಲಿ ಚಿತ್ರರಥನು ಕಾಲಕೇಯನನ್ನು ವಧಿಸುವುದು.
ಅರವತ್ತನಾಲ್ಕನೆಯ ಅಧ್ಯಾಯವು
- ಜಯಂತ ಕಾಲೇಯರ ಯುದ್ಧದಲ್ಲಿ ಕಾಲೇಯನ ಮರಣ.
ಅರವತ್ತೈದನೆಯ ಅಧ್ಯಾಯವು
- ಇಂದ್ರನು ಬಲ, ನಮುಚಿಗಳನ್ನು ಕೊಲ್ಲುವುದು.
ಅರವತ್ತಾರನೆಯ ಅಧ್ಯಾಯವು
- ಇಂದ್ರನು ಮುಚಿ ಎಂಬುವನನ್ನು ಕೊಂದುದು.
ಅರವತ್ತೇಳನೆಯ ಅಧ್ಯಾಯವು
- ಷಡಾನನನು ಕಾಲೇಯನನ್ನು ಕೊಂದುದು.
ಅರವತ್ತೆಂಟನೆಯ ಅಧ್ಯಾಯವು
- ಯಮನು ದೇವಾಂತಕ, ದುರ್ಧರ್ಷ, ದುರ್ಮುಖರನ್ನು ಕೊಂದುದು.
ಅರವತ್ತೊಂಭತ್ತನೆಯ ಅಧ್ಯಾಯವು
- ಇಂದ್ರನು ಎರಡನೆಯ ನಮುಚಿಯನ್ನು ಕೊಂದುದು.
ಎಪ್ಪತ್ತನೆಯ ಅಧ್ಯಾಯವು
- ವಿಷ್ಣುವು ಮಧುವೆಂಬ ದೈತ್ಯನನ್ನು ಕೊಂದುದು.
ಎಪ್ಪತ್ತೊಂದನೆಯ ಅಧ್ಯಾಯವು
- ಇಂದ್ರನು ವೃತ್ರಾಸುರನನ್ನು ಕೊಂದುದು.
ಎಪ್ಪತ್ತೆರಡನೆಯ ಅಧ್ಯಾಯವು
- ಗಣೇಶನು ತ್ರೈಪುರಿಯನ್ನು ಕೊಂದುದು.
ಎಪ್ಪತ್ತಮೂರನೆಯ ಅಧ್ಯಾಯವು
- ದೇವತೆಗಳಿಗೂ ದೈತ್ಯರಿಗೂ ನಡೆದ ದ್ವಂದ ಯುದ್ಧದ ವರ್ಣನೆ. ಹಿರಣ್ಯಾಕ್ಷನು ದೇವತೆಗಳನ್ನು ಜಯಿಸಿದುದು. ಸೋತ ದೇವತೆಗಳು ವಿಷ್ಣುವನ್ನು ಪ್ರಾರ್ಥಿಸಲು ಅವನು ಹಿರಣ್ಯಾಕ್ಷನೊಡನೆ ಯುದ್ಧಮಾಡುವುದು. ಹಿರಣ್ಯಾಕ್ಷನು ವಿಷ್ಣುವಿಗೆ ಹೆದರಿಕೊಂಡು ಪಾತಾಳಕ್ಕೆ ಓಡಿಹೋಗುವುದು. ಆಗ ವಿಷ್ಣುವು ವರಾಹರೂಪ (ಹಂದಿಯ ರೂಪ) ವನ್ನು ತಾಳಿ ಆವನನ್ನು ಅನುಸರಿಸಿಕೊಂಡು ಹೋಗಿ ಕೊಲ್ಲುವುದು. ದೇವತೆಗಳು ವಿಷ್ಣುವನ್ನು ಸ್ತುತಿಸುವುದು.
ಎಪ್ಪತ್ತನಾಲ್ಕನೆಯ ಅಧ್ಯಾಯವು
- ಯುದ್ಧದಲ್ಲಿ ಹಿಂದಿರುಗದೆ ಯುದ್ಧಮಾಡಿದ ದೈತ್ಯರಿಗೆ ಉತ್ತಮಗತಿಯು ಸಿಕ್ಕುವುದರ ಕಥನ. ರಣದಲ್ಲಿ ಹಿಂದಿರುಗದವರಿಗೆ ನೀಚಗತಿಯೂ ನೀಚ ಜನ್ಮವೂ ಬರುವುದರ ವರ್ಣನೆ. ಮನುಷ್ಯ ಜನ್ಮದಲ್ಲಿ ಹುಟ್ಟಿದ ದೈತ್ಯರನ್ನು ಅವರ ಸ್ವಭಾವ ಆಚಾರಗಳಿಂದಲೇ ಅವರು ಹಿಂದೆ ದೈತ್ಯರಾಗಿದ್ದರೆಂದು ತಿಳಿಯುವಿಕೆ. ದೈತ್ಯ ಕುಲದಲ್ಲಿ ಹುಟ್ಟಿದರೂ ಪ್ರಹ್ಲಾದನೇ ಮುಂತಾದವರು ತಪಸ್ಸೇ ಮುಂತಾದ ಶುಭಾಚಾರಗಳಿಂದ ದೇವತ್ವವನ್ನು ಹೊಂದಿದುದು. ಒಬ್ಬ ಮಗನಾದರೂ ವೈಷ್ಣವನಾದರೆ ಕೋಟಿಕುಲಗಳನ್ನು ಉದ್ಧರಿಸುತ್ತಾನೆ. ಇದರ ವಿಷಯದಲ್ಲಿ ಒಂದು ಇತಿಹಾಸ.
- ಮನುಷ್ಯಜನ್ಮದಲ್ಲಿ ಹುಟ್ಟಿದ ದೇವತೆಗಳ ಲಕ್ಷಣ. ಕರ್ಣನೇ ಮುಂತಾದವರು ದೈತ್ಯರೆಂದು ವಿವರಿಸುವುದು. ಭೀಷ್ಮ, ದ್ರೋಣ, ಅಶ್ವತ್ಥಾಮ, ಕೃಷ್ಣ, ಪಾಂಡವರು, ಗಾಂಧಾರಿ, ಕುಂತಿ, ದ್ರೌಪತಿಯರು ದೇವತೆಗಳೆಂದು ಹೇಳುವುದು. ಭೂಮಿಯನ್ನು ಉದ್ಧಾರಮಾಡುವವರ ಲಕ್ಷಣ. ಭೂಮಿಯನ್ನು ನಾಶ ಮಾಡುವವರ ಲಕ್ಷಣ. ಈ ಕಥೆಯನ್ನು ಹೇಳುವುದರ ಫಲವು.
ಎಪ್ಪತ್ತೈದನೆಯ ಅಧ್ಯಾಯವು
- ಸೂರ್ಯನ ಚರಿತ್ರೆ. ಸೂರ್ಯನನ್ನು ನೋಡುವುದರಿಂದಲೇ ಅನೇಕವಾದ ಪಾಪಗಳು ಹೋಗುವಿಕೆ. ಸಂಕ್ರಾಂತಿಯೇ ಮುಂತಾದ ಪರ್ವಕಾಲಗಳಲ್ಲಿ ದಾನಮಾಡುವುದನ್ನು ವಿಧಿಸುವುದು. ತುಲಾದಾನವೇ ಮುಂತಾದ ಅನೇಕ ದಾನಗಳನ್ನು ವಿಧಿಸುವುದು. ಸೂರ್ಯವ್ರತದ ನಿರೂಪಣೆ. ಭಾನುಸಪ್ತಮೀವ್ರತ ವಿಧಿಗಳ ನಿರೂಪಣೆ.
ಎಪ್ಪತ್ತಾರನೆಯ ಅಧ್ಯಾಯವು
- ಅನೇಕ ಬಗೆಯಾದ ಸೂರ್ಯವ್ರತಗಳ ವಿವರಣೆ. ಸೂರ್ಯ ಸ್ತುತಿ. ಸೂರ್ಯನ ಮೂಲಮಂತ್ರವು. ಮೂಲಮಂತ್ರದ ಜಪದ ಫಲವು.
ಎಪ್ಪತ್ತೇಳನೆಯ ಅಧ್ಯಾಯವು
- ಸೂರ್ಯನ ಮಹಿಮೆಯಲ್ಲಿ ಭದ್ರೇಶ್ವರನೆಂಬ ರಾಜನ ಕಥೆ.
ಎಪ್ಪತ್ತೆಂಟನೆಯ ಅಧ್ಯಾಯವು
- ಸೂರ್ಯ ಚಂದ್ರರ ಪೂಜಾಪ್ರಕಾರವರ್ಣನೆಯು. ಚಂದ್ರನನ್ನು ಉದ್ದೇಶಿಸಿ ದಾನವನ್ನು ಮಾಡುವುದರ ಫಲವು.
ಎಪ್ಪತ್ತೊಂಭತ್ತನೆಯ ಅಧ್ಯಾಯವು
- ಭೌಮನ (ಅಂಗಾರಕನ) ಹುಟ್ಟುವಿಕೆ. ಭೌಮನಿಗೆ ಮಂಗಳವಾರದ ಚತುರ್ಥಿಯ ದಿನದ ಪೂಜೆಯಲ್ಲಿ ಫಲದ ನಿರೂಪಣೆ.
ಎಂಭತ್ತನೆಯ ಅಧ್ಯಾಯವು
- ಚಂಡಿಕಾಪೂಜೆಯ ಫಲ. ಚಂಡಿಕಾಪೂಜೆಯ ವಿಧಿಯು. ಚಂಡಿಕೆಯನ್ನು ಉದ್ದೇಶಿಸಿ ಪಂಚಗವ್ಯವೇ ಮುಂತಾದುವುಗಳಿಂದ ಅಭಿಷೇಕಮಾಡುವುದರ ನಿರೂಪಣೆ. ನೀರಿನಲ್ಲಿ ಕಮಲವನ್ನು ಹಾಕಿಕೊಂಡು ಚಂಡಿಕೆಗೆ ಅರ್ಘ್ಯವನ್ನು ಕೊಡುವುದರ ಫಲ. ದುರ್ಗೆಯ ಸಂಬಂಧವಾದ ದರ್ಶನ, ವಂದನ, ಸ್ಪರ್ಶನ, ಪೂಜನ, ಅನುಲೇಪನ, ತರ್ಪಣ, ಮಾಂಸದಾನ ಇವುಗಳೊಳಗೆ ಒಂದಕ್ಕಿಂತಲೂ ಮತ್ತೊಂದು ಮುಂದುಮುಂದಕ್ಕೆಶ್ರೇಷ್ಠವೆಂದು ಹೇಳುವಿಕೆ.
ಎಂಭತ್ತೊಂದನೆಯ ಅಧ್ಯಾಯವು
- ದುರ್ಗೆಯ ಪೂಜೆಯ ವಿಧಿಯನ್ನು ಹೇಳುವುದು. ದುರ್ಗೆಯನ್ನು ಉದ್ದೇಶಿಸಿ ಅನೇಕ ವಿಧವಾದ ದಾನಗಳನ್ನು ಕೊಡುವುದರ ವರ್ಣನೆ. ದುರ್ಗೆಯ ಸ್ತುತಿ. ದುರ್ಗೆಯ ಸ್ತೋತ್ರಗಳನ್ನು ಓದುವುದರಿಂದ ಬರುವ ಫಲವು.
ಎಂಭತ್ತೆರಡನೆಯ ಅಧ್ಯಾಯವು
- ಬುಧ, ಗುರು, ಶುಕ್ರ, ಶನಿ, ರಾಹು, ಕೇತುಗಳ ಪೂಜಾವಿಧಿಯ ಕಥನ, ನವಗ್ರಹಗಳ ಮಂತ್ರವನ್ನು ಹೇಳುವುದು. ಕೃತ, ದ್ವಾಪರ, ಕಲಿಯುಗಗಳಲ್ಲಿ ತಪಸ್ವು, ಜ್ಞಾನ, ಯಜ್ಞ, ದಾನಗಳಿಗೆ ಕ್ರಮದಿಂದ ಪ್ರಾಶಸ್ತ್ಯವನ್ನು ಹೇಳುವುದು. ಎಲ್ಲಾ ದಾನಗಳಿಗಿಂತಲೂ ಅಭಯದಾನವೇ ಮುಖ್ಯವೆಂದು ನಿರೂಪಿಸುವುದು. ಶೂದ್ರನು ಮುಖ್ಯವಾಗಿ ದಾನವನ್ನೇ ಮಾಡಬೇಕೆಂದು ಹೇಳುವುದು. ಪದ್ಮಪುರಾಣವನ್ನು ಓದಿದರೆ ಬರುವ ಫಲದ ವರ್ಣನೆ. ಸೃಷ್ಟಿ ಖಂಡದ ಪ್ರಶಂಸೆ. ಸೃಷ್ಟಿ ಖಂಡವನ್ನು ಕೇಳುವುದು. ಹೇಳುವುದು. ಹೇಳಿಸುವುದರ ಫಲದ ಪ್ರಂಶಂಸೆಯ ನಿರೂಪಣೆ.