ಗ್ರಂಥರತ್ನಮಾಲಾ

ಶ್ರೀ ವಿಷ್ಣುಧರ್ಮೋತ್ತರ ಮಹಾಪುರಾಣಂ – ದ್ವಿತೀಯಖಂಡ – ಒಂದನೆಯಭಾಗ

ಆರಂಭಿಕ ಪುಟ ಅನುವಾದಕರು: ಶ್ರೀ ಚಾಮರಾಜನಗರದ ವೆಂಕಟರಮಣಶಾಸ್ತ್ರಿ

ವಿಷಯಾನುಕ್ರಮಣಿಕೆ

ಪ್ರಸ್ತಾವನೆ
ಒಂದನೆಯ ಅಧ್ಯಾಯ
- ಪರಶುರಾಮನು ಪುಷ್ಕರನ ಮನೆಗೆ ಬರುವ ವೃತ್ತಾಂತ.
ಎರಡನೆಯ ಅಧ್ಯಾಯ
- ಒಂದು ರಾಜ್ಯದಲ್ಲಿ ಒಬ್ಬ ರಾಜನಿದ್ದೇ ಇರಬೇಕೆಂಬ ವಿಷಯವನ್ನು ಪ್ರಶಂಸೆಮಾಡುವುದು.
ಮೂರನೆಯ ಅಧ್ಯಾಯ
- ಮಹಾರಾಜನಾದವನಿಗಿರಬೇಕಾದ ಲಕ್ಷಣಗಳು.
ನಾಲ್ಕನೆಯ ಅಧ್ಯಾಯ
- ಅರಮನೆಯಲ್ಲಿ ಮಹಾರಾಜರ ಬಳಿ ಇರಬೇಕಾದ ಜೋಯಿಸರ ಲಕ್ಷಣಗಳು.
ಐದನೆಯ ಅಧ್ಯಾಯ
- ಅರಮನೆಯಲ್ಲಿ ಮಹಾರಾಜರ ಪುರೋಹಿತರಿಗಿರಬೇಕಾದ ಲಕ್ಷಣಗಳು.
ಆರನೆಯ ಅಧ್ಯಾಯ
- ಮಹಾರಾಜರ ಬಳಿ ಮಂತ್ರಿಯಾದವರಿಗಿರಬೇಕಾದ ಲಕ್ಷಣಗಳು.
ಏಳನೆಯ ಅಧ್ಯಾಯ
- ಮಹಾರಾಣಿಯವರಿಗಿರಬೇಕಾದ ಲಕ್ಷಣಗಳು.
ಎಂಟನೆಯ ಅಧ್ಯಾಯ
- ಅರಮನೆಯಲ್ಲಿ ಕೆಲಸಮಾಡುವ ಉತ್ತಮಪುರುಷರಿಗಿರಬೇಕಾದ ಲಕ್ಷಣಗಳು.
ಒಂಭತ್ತನೆಯ ಅಧ್ಯಾಯ
- ಉತ್ತಮ ಸ್ತ್ರೀಯರಿಗಿರಬೇಕಾದ ಲಕ್ಷಣಗಳು.
ಹತ್ತನೆಯ ಅಧ್ಯಾಯ
- ಅರಮನೆಯ ಪಟ್ಟದಾನೆ ಮತ್ತು ಇತರ ವಿಧವಾದ ಗಜಗಳಿಗಿರಬೇಕಾದ ಲಕ್ಷಣಗಳು.
ಹನ್ನೊಂದನೆಯ ಅಧ್ಯಾಯ
- ಅರಮನೆಯ ಪಟ್ಟದ ಕುದುರೆಗೂ ಅದಲ್ಲದೆ ಉತ್ತಮಾಧಮವಾದ ಕುದುರೆಗಳಿಗೂ ಇರಬೇಕಾದ ಲಕ್ಷಣಗಳು.
ಹನ್ನೆರಡನೆಯ ಅಧ್ಯಾಯ
- ಮಹಾರಾಜರ ಅರಮನೆಯಲ್ಲಿ ಉಪಯೋಗಿಸುವ ಚಾಮರದ ಲಕ್ಷಣಗಳು.
ಹದಿಮೂರನೆಯ ಅಧ್ಯಾಯ
- ಅರಮನೆಯಲ್ಲಿ ಮಹಾರಾಜರವರಿಗೆ ಹಿಡಿಯಬೇಕಾದ ಶ್ವೇತಚ್ಛತ್ರಿಯ ಲಕ್ಷಣಗಳು.
ಹದಿನಾಲ್ಕನೆಯ ಅಧ್ಯಾಯ
- ಮಹಾರಾಜನು ಕುಳಿತುಕೊಳ್ಳಬೇಕಾದ ಸಿಂಹಾಸನದ ಲಕ್ಷಣಗಳು.
ಹದಿನೈದನೆಯ ಅಧ್ಯಾಯ
- ಒಳ್ಳೇ ರತ್ನಗಳ ಮತ್ತು ವಜ್ರಗಳ ಪರೀಕ್ಷೆ ಮತ್ತು ಅದರಿಂದಾಗತಕ್ಕ ವಿಚಿತ್ರ ಫಲಗಳು.
ಹದಿನಾರನೆಯ ಅಧ್ಯಾಯ
- ಧನುರ್ಬಾಣಗಳ ಲಕ್ಷಣಗಳು.
ಹದಿನೇಳನೆಯ ಅಧ್ಯಾಯ
- ಬ್ರಹ್ಮನು ಒಂದಾನೊಂದು ಯಜ್ಞವನ್ನು ಮಾಡುವುದಕ್ಕೆ ಆರಂಭಿಸಲು ಆಕಾಶದಿಂದ ಲೋಹನೆಂಬ ರಾಕ್ಷಸನು ಯಜ್ಞಶಾಲೆಗೆ ಹಾರಿಬಂದು ಯಜ್ಞಕ್ಕೆ ವಿಘ್ನಮಾಡಬೇಕೆಂದು ಪ್ರಯತ್ನಿಸಿದ ಕಾಲದಲ್ಲಿ ಅಗ್ನಿ ಜ್ವಾಲಾಮಧ್ಯದಿಂದ ಒಂದು ಖಡ್ಗವು ಉತ್ಪತ್ತಿಯಾಯಿತು. ಆ ಖಡ್ಗವನ್ನು ಬ್ರಹ್ಮನು ವಿಷ್ಣುವಿನ ಕೈಗೆಕೊಟ್ತನು. ಆಗ ಆ ಮಹಾವಿಷ್ಣುವು ಯಜ್ಞವಿಘ್ನಕಾರಿಯಾದ ಆ ಲೋಹಾಸುರನನ್ನು ಸಂಹರಿಸಿ ಬ್ರಹ್ಮಯಜ್ಞವನ್ನು ಪೂರ್ಣಗೊಳಿಸುವ ವೃತ್ತಾಂತ.
ಹದಿನೆಂಟನೆಯ ಅಧ್ಯಾಯ
- ಮಹಾರಾಜರಿಗೆ ಪಟ್ಟಾಭಿಷೇಕಮಾಡಲು ಮುಹೂರ್ತವನ್ನು ನಿಷ್ಕರ್ಷಿಸಬೇಕಾದ ಕ್ರಮ ಮತ್ತು ಶುಭಕಾಲಗಳು.
ಹತ್ತೊಂಭತ್ತನೆಯ ಅಧ್ಯಾಯ
- ರಾಜ್ಯಪಟ್ಟಾಭಿಷೇಕ ಕಾಲದಲ್ಲಿ ನಡೆಯಿಸಬೇಕಾದ ಪುರಂದರ ಶಾಂತಿಯೆಂಬ ಕರ್ಮದ ವಿವರಣೆ.
ಇಪ್ಪತ್ತನೆಯ ಅಧ್ಯಾಯ
- ಅಗ್ನಿಯಲ್ಲಿ ಹೋಮಮಾಡುವಕಾಲದಲ್ಲಿ ತಿಳಿಯಬೇಕಾದ ಶುಭಲಕ್ಷಣಗಳ ವಿಮರ್ಶೆ.
ಇಪ್ಪತ್ತೊಂದನೆಯ ಅಧ್ಯಾಯ
- ಪಟ್ಟಾಭಿಷೇಕಕಾಲದಲ್ಲಿ ಅನುಸರಿಸಬೇಕಾದ ವಿಧಿಗಳು.
ಇಪ್ಪತ್ತೆರಡನೆಯ ಅಧ್ಯಾಯ
- ಪಟ್ಟಾಭಿಷೇಕವಾಗುವಾಗ ಹೇಳಬೇಕಾದ ಮಂತ್ರಗಳ ವಿವರಣೆ.
ಇಪ್ಪತ್ಮೂರನೆಯ ಅಧ್ಯಾಯ
- ತೀರ್ಥಫಲ ವರ್ಣನೆ.
ಇಪ್ಪತ್ನಾಲ್ಕನೆಯ ಅಧ್ಯಾಯ
- ಅರಮನೆಯಲ್ಲಿ ಮಹಾರಾಜರ ಬಳಿ ಕೆಲಸಮಾಡತಕ್ಕ ನೌಕರರ (ಅಧಿಕಾರಿಗಳ) ವಿಷಯವನ್ನು ಹೇಳಲಿಕ್ಕಾರಂಭಿಸಿ, ಸೈನಿಕರೂ, ಉತ್ತಮವರ್ಣ ಸಂಜಾತರೂ, ಬಲಶಾಲಿಗಳೂ, ಶಾಸ್ತ್ರಾಧ್ಯಯನಾದಿಗಳನ್ನು ಮಾಡಿ ವಿದ್ಯಾವಂತರಾಗಿರುವ ಅಗಿಕಾರಿಗಳೂ ಮತ್ತು ವಿದ್ವಾಂಸರೂ, ಸೇನಾಧಿಪತಿಗಳೂ, ಬಾಗಿಲುಕಾಯುವವರು, ಕಟ್ಟಿಗೆಯವರು, ಅಂಗರಕ್ಷಕರು, ಸಂಧಿವಿಗ್ರಹಕರು, ಲೇಖಕರು, ಖಡ್ಗಧಾರಿಗಳೂ, ಖಜಾಂಚಿಗಳು, ಸಾರಥಿಗಳು, ಅಡಿಗೆಯವರು, ಧರ್ಮಾಧಿಕಾರಿಗಳೇ ಮೊದಲಾದ ರಾಜಕಾರ್ಯ ಸಹಾಯಕರ ನಿರೂಪಣೆಯನ್ನು ಈ ಅಧ್ಯಾಯದಲ್ಲಿ ವಿವರಿಸಿರುವರು.
ಇಪ್ಪತ್ತೈದನೆಯ ಅಧ್ಯಾಯ
- ಮಹಾರಾಜರಬಳಿ ಕೆಲಸಮಾಡುವ ಜನರಿಗಿರಬೇಕಾದ ಲಕ್ಷಣಗಳು.
ಇಪ್ಪತ್ತಾರನೆಯ ಅಧ್ಯಾಯ
- ದುರ್ಗ ಸಂಪತ್ತಿವರ್ಣನೆ.
ಇಪ್ಪತ್ತೇಳನೆಯ ಅಧ್ಯಾಯ
- ರಾಕ್ಷಸಬಾಧಾನಿವಾರಣೆಗಾಗಿಯೂ, ವಿಷಬಾಧಾನಿವಾರಣೆಗಾಗಿಯೂ ಉಪಯೋಗಿಸಬೇಕಾದ ಔಷಧಗಳ ವೃತ್ತಾಂತ.
ಇಪ್ಪತ್ತೆಂಟನೆಯ ಅಧ್ಯಾಯ
- ವಿಷಪ್ರಯೋಗವನ್ನು ಕುರಿತು ಈ ಅಧ್ಯಾಯದಲ್ಲಿ ವಿಷ ಹಾಕುವವನ ಲಕ್ಷಣಗಳೂ ಮತ್ತು ವಿಷಮಿಶ್ರವಾದ ಅನ್ನಗಳೂ, ಭಕ್ಷ್ಯಗಳೂ, ವಸ್ತ್ರಗಳೂ ಇವುಗಳ ಸ್ವರೂಪಗಳು ವ್ಯಕ್ತವಾಗಿವೆ.
ಇಪ್ಪತ್ತೊಂಭತ್ತನೆಯ ಅಧ್ಯಾಯ
- ಈ ಅಧ್ಯಾಯದಲ್ಲಿ ವಾಸ್ತುವಿದ್ಯಾವಿಚಾರವು ಪ್ರಸಕ್ತವಾಗಿದೆ. ಮನೆಯನ್ನು ಕಟ್ಟಬೇಕಾದ ನಿವೇಶನಸ್ವರೂಪ, ಯಾವ ದಿಕ್ಕಿಗೆ ಕಟ್ಟಬೇಕು? ಭೂಮಿಯ ಲಕ್ಷಣ, ವಾಸ್ತುದೇವತೆಯನ್ನು ಎಲ್ಲಿ ಸ್ಥಾಪಿಸಬೇಕು? ಇವೇ ಮೊದಲಾದುವುಗಳ ದಿಗ್ವಿಭಾಗ, ಮನೆ ಕಟ್ಟಲು ಎಂತಹ ಮರಗಳನ್ನು ಉಪಯೋಗಿಸಬೇಕು? ಎಂತಹ ಕಲ್ಲುಗಳನ್ನು ಉಪಯೋಗಿಸಬೇಕು, ಇವುಗಳ ಶುಭಾಶುಭ ವಿಚಾರ.
ಮೂವತ್ತನೆಯ ಅಧ್ಯಾಯ
- ಮನೆಯನ್ನು ಕಟ್ಟಿದ ಮೇಲೆ ಆ ಮನೆಯ ಸುತ್ತಲೂ ಯಾವ ಯಾವ ದಿಕ್ಕುಗಳಲ್ಲಿ ಎಂತೆಂತಹ ಮರಗಳನ್ನು ನೆಟ್ಟು ಬೆಳಸಬೇಕು? ಉದ್ಯಾನವನ್ನೆಂತು ನಿರ್ಮಿಸಬೇಕು? ಭಾವಿಯನ್ನು ಎಲ್ಲಿ ತೋಡಿಸಬೇಕು? ಗಿಡಗಳಲ್ಲಿ ಹೂವುಗಳೂ, ಹಣ್ಣುಗಳೂ ಹೆಚ್ಚಾಗಿ ಬಿಡಬೇಕಾದರೆ ಯಾವ ಔಷಧ ಮಾಡಬೇಕೆಂಬ ವೃಕ್ಷಾಯುರ್ವೇದಶಾಸ್ತ್ರದ ವಿವರಣೆ.
ಮೂವತ್ತೊಂದನೆಯ ಅಧ್ಯಾಯ
- ದೇವರ ಮನೆಯನ್ನು ಸಾರಿಸಿ ಗುಡಿಸಿ ರಂಗವಲ್ಲಿಯನ್ನಿಕ್ಕಿ ದೇವರನ್ನು ವಿವಿಧ ಗಂಧಪುಷ್ಪಾದಿಗಳಿಂದ ಪೂಜಿಸುವುದರ ಮಹಿಮಾ ಕಥನಪುರಸ್ಸರವಾಗಿ ದೇವದ್ರವ್ಯಾದಿಗಳನ್ನಪಹಾರ ಮಾಡುವುದರಿಂದುಂಟಾಗುವ ದೋಷಗಳನ್ನು ಇದರಲ್ಲಿ ವಿವರಿಸಿರುತ್ತಾರೆ.
ಮೂವತ್ತೆರಡನೆಯ ಅಧ್ಯಾಯ
- ಬ್ರಾಹ್ಮಣ ಮಾಹಾತ್ಮ್ಯವರ್ಣನ.
ಮೂವತ್ತಮೂರನೆಯ ಅಧ್ಯಾಯ
- ಪತಿವ್ರತಾಸ್ತ್ರೀಯರ ಪ್ರಶಂಸೆ.
ಮೂವತ್ನಾಲ್ಕನೆಯ ಅಧ್ಯಾಯ
- ಪತಿವ್ರತೆಯರು ಮಾಡಬೇಕಾದ ಕರ್ತವ್ಯ. ಗಂಡನನ್ನು ಮಂತ್ರ ತಂತ್ರ ಯಂತ್ರಾದಿಗಳಿಂದ ವಶೀಕರಣ ಮಾಡುವ ಸ್ತ್ರೀಯ ನಿಂದೆ.
ಮೂವತ್ತೈದನೆಯ ಅಧ್ಯಾಯ
- ಸ್ತ್ರೀದೇವತಾ ಪೂಜನ ನಿರೂಪಣೆ.
ಮೂವತ್ತಾರನೆಯ ಅಧ್ಯಾಯ
- ಸಾವಿತ್ರೀ ಚರಿತ್ರಾರಂಭವು. ಸಾವಿತ್ರೀಸತ್ಯವಂತರು ಸೌದೆಯನ್ನು ತರುವುದಕ್ಕಾಗಿ ಕಾಡಿಗೆ ಹೋಗುವ ವೃತ್ತಾಂತ.
ಮೂವತ್ತೇಳನೆಯ ಅಧ್ಯಾಯ
- ಸೌದೆಯನ್ನು ತರುತ್ತಿದ್ದಾಗ ಸತ್ಯವಂತನಿಗೆ ತಲೆನೋವು ಬಂದು ಸಾವಿತ್ರಿಯ ತೊಡೆಯ ಮೇಲೆ ಮಲಗಿ ಪ್ರಾಣಬಿಡುವ ವೃತ್ತಾಂತ. ಯಮನು ಅವನ ಜೀವವನ್ನು ಪಾಶದಿಂದ ಬಿಗಿದು ತೆಗೆದುಕೊಂಡು ಹೊರಡಲನುವಾದೊಡನೆಯೇ ಸಾವಿತ್ರಿಯೂ ಅವನ ಹಿಂದೆಯೇ ಹೊರಡುವಳು. ಆಗ ಯಮನು ಸಾವಿತ್ರಿಗೆ ವರದಾನಮಾಡುವನು.
ಮೂವತ್ತೆಂಟನೆಯ ಅಧ್ಯಾಯ
- ಸಾವಿತ್ರೀ ಯಮ ಸಂವಾದ. ಸಾವಿತ್ರಿಗೆ ನೂರುಜನ ತಮ್ಮಂದಿರಾಗುವಂತೆ ಯಮನು ವರಪ್ರದಾನ ಮಾಡುವನು.
ಮೂವತ್ತೊಂಬತ್ತನೆಯ ಅಧ್ಯಾಯ
- ಸಾವಿತ್ರಿಗೆ ಯಮನು ನೂರುಮಂದಿ ಔರಸಪುತ್ರರಾಗುವಂತೆ ವರಪ್ರದಾನಮಾಡುವ ವೃತ್ತಾಂತ.
ನಲವತ್ತನೆಯ ಅಧ್ಯಾಯ
- ಸಾವಿತ್ರಿಯು ಮಾಡುವ ಸ್ತೋತ್ರಕ್ಕೆ ಮೆಚ್ಚಿ ಯಮನು ಸತ್ಯವಂತನ ಪ್ರಾಣವನ್ನು ಬದುಕಿಸಿಕೊಡುವನು. ಗಂಡನನ್ನು ಕರೆದುಕೊಂಡು ಸಾವಿತ್ರಿಯು ಮಾವನ ಆಶ್ರಮಕ್ಕೆ ಹೋಗುವಳು.
ನಲವತ್ತೊಂದನೆಯ ಅಧ್ಯಾಯ
- ಸತ್ಯವಂತನು ಪತ್ನೀ ಸಹಿತನಾಗಿ ತಂದೆಯ ಬಳಿಗೆ ಬರುವನು. ಅವನ ತಂದೆಗೆ ಅಷ್ಟು ಹೊತ್ತಿಗೆ ಕಣ್ಣು ಬಂದಿರುವುದು. ರಾಜ್ಯಲಾಭವೂ ಆಗಿರುವುದು.