ಗ್ರಂಥರತ್ನಮಾಲಾ

ಶ್ರೀ ವಿಷ್ಣುಧರ್ಮೋತ್ತರ ಮಹಾಪುರಾಣಂ – ಪ್ರಥಮಖಂಡ – ನಾಲ್ಕನೆಯಭಾಗ

ಆರಂಭಿಕ ಪುಟ ಅನುವಾದಕರು: ಶ್ರೀ ಚಾಮರಾಜನಗರದ ವೆಂಕಟರಮಣಶಾಸ್ತ್ರಿ

ವಿಷಯಾನುಕ್ರಮಣಿಕೆ

ಪ್ರಸ್ತಾವನೆ
ನೂರ ತೊಂಭತ್ತೆರಡನೆಯ ಅಧ್ಯಾಯ
- ಶ್ರೀಮನ್ಮಹಾವಿಷ್ಣುವನ್ನು ಸ್ತೋತ್ರಮಾಡುವುದರ ಮಾಹಾತ್ಮ್ಯ ವರ್ಣನ.
ನೂರ ತೊಂಭತ್ತಮೂರನೆಯ ಅಧ್ಯಾಯ
- ಹಾಹಾ ಹೂಹೂ ಗಂಧರ್ವರಿಗೆ ದೇವಲಮುನಿಯಿಂದ ಆನೆ ಮೊಸಳೆಗಳ ಜನ್ಮದಲ್ಲಿ ಹುಟ್ಟುವಂತೆ ಶಾಪ ಬರುವುದು.
ನೂರ ತೊಂಭತ್ತನಾಲ್ಕನೆಯ ಅಧ್ಯಾಯ
- ಗಜೇಂದ್ರಮೋಕ್ಷದ ಕಥೆ — ಈ ಅಧ್ಯಾಯಪಠನದಿಂದ ಆಗುವ ಫಲ
ನೂರ ತೊಂಭತ್ತೈದನೆಯ ಅಧ್ಯಾಯ
- ಸಕಲ ದುರಿತ ಪರಿಹಾರಕವಾದ ವಿಷ್ಣುಪಂಜರ ಸ್ತೋತ್ರ.
ನೂರ ತೊಂಭತ್ತಾರನೆಯ ಅಧ್ಯಾಯ
- ಇಂದ್ರನ ರಕ್ಷಣೆಗಾಗಿ ನಿರೂಪಿತವಾದ ವಿಷ್ಣುಪಂಜರ ಸ್ತೋತ್ರದ ಕಥನ.
ನೂರ ತೊಂಭತ್ತೇಳನೆಯ ಅಧ್ಯಾಯ
- ಕಶ್ಯಪ ಋಷಿಯ ಹೆಂಡತಿಯಾದ ಖಶೆಯಲ್ಲಿ ಯಕ್ಷರು ಉತ್ಪತ್ತಿಯಾಗುವ ವೃತ್ತಾಂತ.
ನೂರ ತೊಂಬತ್ತೆಂಟನೆಯ ಅಧ್ಯಾಯ
- ಯಾತುಧಾನರ ಉತ್ಪತ್ತಿ — ಮಾಲ್ಯ ಸುಮಾಲೀ ಮಾಲ್ಯವಂತರ ವೃತ್ತಾಂತ. ಮಾಲ್ಯವಂತನು ಈಗಲೂ ಸುಖವಾಗಿ ಬದುಕಿರುವ ವೃತ್ತಾಂತ.
ನೂರ ತೊಂಭತ್ತೊಂಭತ್ತನೆಯ ಅಧ್ಯಾಯ
- ಪುಲೋಮನ ಕಥೆ. ಚ್ಯವನರ ಉತ್ಪತ್ತಿ. ಅಗ್ನಿಗೆ ಸರ್ವಭಕ್ಷಕನಾಗಿರೆಂಬ ಶಾಪ ಬಂದ ವೃತ್ತಾಂತ.
ಇನ್ನೂರನೆಯ ಅಧ್ಯಾಯ
- ಲವಣಾಸುರನ ವೃತ್ತಾಂತ — ಲವಣಾಸುರನ ಶೂಲದಿಂದ ಮಾಂಧಾತನು ಮಡಿದು ಹೋದುದು.
ಇನ್ನೂರ ಒಂದನೆಯ ಅಧ್ಯಾಯ
- ಶೈಲೂಷವಂಶ ವರ್ಣನೆ.
ಇನ್ನೂರ ಎರಡನೆಯ ಅಧ್ಯಾಯ
- ದುಷ್ಟನಾದ ಶೈಲೂಷನೆಂಬ ಗಂಧರ್ವನನ್ನು ಜಯಿಸುವುದಕ್ಕೋಸ್ಕರ ಶ್ರೀರಾಮಚಂದ್ರನ ತಮ್ಮ (ಕೈಕೆಯಿಯ ಮಗ) ಭರತನು ಪ್ರಯಾಣ ಮಾಡುವ ವೃತ್ತಾಂತ.
ಇನ್ನೂರ ಮೂರನೆಯ ಅಧ್ಯಾಯ
- ಭರತನ ಯುದ್ಧಯಾತ್ರಾ ವರ್ಣನೆ — ಸೇನೆಯ ಗಣನೆ ಯುದ್ಧರಂಗಕ್ಕೆ ಹೊರಟ ವಿವಿಧ ಜನರ ವರ್ಣನೆ.
ಇನ್ನೂರ ನಾಲ್ಕನೆಯ ಅಧ್ಯಾಯ
- ಭರತನಿಗೆ ಶ್ರೀರಾಮನು ಮಾಡುವ ಮಂಗಲಾಶಂಸನೆ, ಸಮರ ವಿಜಯಯಾತ್ರಾಕಾಲದಲ್ಲಿ ನಡೆದ ವೃತ್ತಾಂತಗಳು.
ಇನ್ನೂರ ಐದನೆಯ ಅಧ್ಯಾಯ
- ಪ್ರಯಾಣಕಾಲದಲ್ಲಾದ ವಾದ್ಯಘೋಷಗಳು ಸಮರ ಪ್ರಾಯಾಣಿಕ ಕೃತ್ಯ ನಿರ್ದೇಶವೂ ಸಹ.
ಇನ್ನೂರ ಆರನೆಯ ಅಧ್ಯಾಯ
- ಭರತನು ಗಂಗಾಸ್ನಾನಮಾಡಿದ ವೃತ್ತಾಂತ. ಗಂಗಾನದಿಯಲ್ಲಾದ ದೀಪೋತ್ಸವ. ಸೈನಿಕರು ಯಾತ್ರಾಕಾಲದಲ್ಲಿ ಗಂಗೆಯನ್ನು ದಾಟಿಹೋದ ಸಂಗತಿ.
ಇನ್ನೂರ ಏಳನೆಯ ಅಧ್ಯಾಯ
- ಗಂಗಾತೀರದಲ್ಲಿ ದಾನಮಾಡುವುದರಿಂದಲೂ ಶ್ರಾದ್ಧಾದಿಗಳಿಂದಲೂ ಆಗುವ ಫಲಗಳು. ಕುರುಕ್ಷೇತ್ರದಲ್ಲಿರುವ ಸನ್ನೀತಿ ತೀರ್ಥದ ಮಹಿಮೆ. ದೇವಿಕಾ, ಚಂದ್ರಭಾಗಾ, ವಿತಸ್ತಾನದಿಗಳಿಲ್ಲಿ ಸ್ನಾನ ಮಾಡುವುದರಿಂದಾಗುವ ಫಲಗಳು. ಭರತನು ಕೈಕಯರಾಜನಾದ ಯುಧಾಜಿನ್ಮಹಾರಾಜನ ಅರಮನೆಗೆ ಬರುವುದು.
ಇನ್ನೂರ ಎಂಟನೆಯ ಅಧ್ಯಯ
- ಪ್ರದ್ಯುಮ್ನಾಂಶ ಸಂಭೂತನಾದ (ಮನ್ಮಥನಂತೆ ಸುಂದರನಾದ) ಭರತನಿಗೆ ಯುಧಾಜಿತನ ರಾಜಧಾನಿಯಲ್ಲಿ ನಡೆದ ಅಭೂತಪೂರ್ವವಾದ ಮೆರವಣಿಗೆ. ಮತ್ತು ಅರಮನೆಯಲ್ಲಿ ನಡೆದ ಸಂತೋಷ ಸಮಾರಂಭ.
ಇನ್ನೂರ ಒಂಭತ್ತನೆಯ ಅಧ್ಯಾಯ
- ಭರತನ ನಿತ್ಯಾಹ್ನಿಕ ವರ್ಣನೆ. ಸೈನಿಕರ ಬಿಡಾರಗಳಲ್ಲಿ ನಡೆದ ವಿಚಿತ್ರ ಚಮತ್ಕಾರ ಪ್ರದರ್ಶನಗಳು.
ಇನ್ನೂರ ಹತ್ತನೆಯ ಅಧ್ಯಾಯ
- ಶೈಲೂಷ ಗಂಧರ್ವನ ಬಳಿಗೆ ಗಾರ್ಗ್ಯರ ಮೂಲಕ ಭರತನು ಕಳುಹಿಸಿದ ಸಮರಸಂದೇಶ. ಗಾರ್ಗ್ಯರ ಮಾತನ್ನು (ಸಮರಸಂದೇಶ) ಕೇಳಿ ರೋಷಾಕ್ರಾಂತರಾವ ಶೈಲೂಷತನಯರು ಮಾಡುವ ಮಂತ್ರಾಲೋಚನಾ ವೃತ್ತಾಂತ.
ಇನ್ನೂರ ಹನ್ನೊಂದನೆಯ ಅಧ್ಯಾಯ
- ಭರತನ ಸಂಗಡ ಯುದ್ಧವನ್ನೇ ಮಾಡಬೇಕೇ ವಿನಹ ಸಂಧಾನವನ್ನು ಮಾಡಿ ಕೊಳ್ಳಕೂಡದೆಂಬ ಅಪರಾಜಿತಾದಿ ಸಭಾಸದರ ತೀರ್ಮಾನ.
ಇನ್ನೂರ ಹನ್ನೆರಡನೆಯ ಅಧ್ಯಾಯ
- ನಾಡಾಯನರು ಶೈಲೂಷನಿಗೆ ಹೇಳುವ ನೀತಿವಾಕ್ಯಗಳು. ಸುಮಾಲಿ ರಾಕ್ಷಸನನ್ನು ಮಹಾವಿಷ್ಣುವು ಸಂಹಾರಮಾಡಿರುವುದರಿಂದ ಆ ಭಗವಂತನ ಅಂಶದಿಂದ ಹುಟ್ಟಿರುವ ಭರತನ ಸಂಗಡ ಯುದ್ಧ ಮಾಡದೆ ಮನುಷ್ಯಲೋಕ ವಾಸವನ್ನೇ ಬಿಟ್ಟು ಹೊರಟು ಹೋಗುವುದೇ ಉತ್ತಮವೆಂಬ ವಿಚಾರ ಪರಿಪ್ಲುತವಾದ ನೀತಿಗಳು.
ಇನ್ನೂರ ಹದಿಮೂರನೆಯ ಅಧ್ಯಾಯ
- ಹಿಂದೆ ದೇವಾಸುರರಿಗೆ ನಡೆದ ಯುದ್ಧ ಪ್ರಸಕ್ತಿಗಳು, ವಿಂಧ್ಯಪರ್ವತದ ಕಥೆ. ಅಗಸ್ತ್ಯರು ಸಮುದ್ರದ ನೀರನ್ನೆಲ್ಲಾ ಕುಡಿದು ಬಿಡುವ ವೃತ್ತಾಂತ. ಇಲ್ವಲ ಮತಾಪಿಗಳು ಕಥೆ, ಅಗಸ್ತ್ಯರ ಅಸಾಧ್ಯ ಮಹಿಮೆಗಳು. ಅಗಸ್ತ್ಯರಿಂದಾದ ಲೋಕೋಪಕಾರ. ಅವರಿಗೆ ದೊರೆತ ವರಗಳು.
ಇನ್ನೂರ ಹದಿನಾಲ್ಕನೆಯ ಅಧ್ಯಾಯ
- ಮಾಲ್ಯವಂತನ ಮಾತನ್ನು ನಿರಾಕರಿಸಿದ ಮಾಲಿ ಸುಮಾಲಿಗಳು ಲಂಕಾಪಟ್ಟಣವನ್ನಾಕ್ರಮಿಸಿ ದೇವತೆಗಳನ್ನು ಹಿಂಸಿಸುತ್ತಿದ್ದಾಗ ದೇವತೆಗಳು ಕ್ಷೀರಸಾಗರಶಾಯಿಯಾದ ವಿಷ್ಣುವಿನ ಬಳಿಗೆ ಹೋಗಿ ಪ್ರಾರ್ಥಿಸುವುದು.
ಇನ್ನೂರ ಹದಿನೈದನೆಯ ಅಧ್ಯಾಯ
- ಆರೀತಿ ದೇವತೆಗಳು ಕ್ಷೀರಸಮುದ್ರಕ್ಕೆ ಪ್ರಯಾಣಮಾಡಿದ ಸಮಯದಲ್ಲಿ ಸಕಲ ದೇವತೆಗಳೂ, ಋಷಿಗಳೂ ನದೀನದಾದಿಗಳೂ ಸಹ ಅವರ ಸಂಗಡಲೇ ಪ್ರಯಾಣಮಾಡಿ ಹೊರಡುವ ವೃತ್ತಾಂತ.
ಇನ್ನೂರ ಹದಿನಾರನೇ ಅಧ್ಯಾಯ
- ದೇವತೆಗಳು ತಮ್ಮ ಮೇಲೆ ಯುದ್ಧಕ್ಕೆ ಬಂದಿರುವುದನ್ನು ಕೇಳಿ ಮಾಲಿ ಸುಮಾಲಿಗಳಿಬ್ಬರೂ ಅವರಮೇಲೆ ಯುದ್ಧಮಾಡುವ ವೃತ್ತಾಂತ.
ಇನ್ನೂರ ಹದಿನೇಳನೆಯ ಅಧ್ಯಾಯ
- ಈರೀತಿ ನಡೆದ ದೇವಾಸುರ ಯುದ್ಧದಲ್ಲಿ ಮಹಾವಿಷ್ಣುವು ಮಾಲಿಯ ಶಿರಸ್ಸನ್ನು ಕತ್ತರಿಸಿಬಿಡುವನು.
ಇನ್ನೂರ ಹದಿನೆಂಟನೆಯ ಅಧ್ಯಾಯ
- ಮಾಲಿಯು ಸತ್ತಮೇಲೆ ಗರುಡನು ತನ್ನ ರೆಕ್ಕೆಗಳನ್ನೊಂದುಬಾರಿ ಕೊಡವಿಬಿಡಲು ಆಗ ಹುಟ್ಟಿದ ಗಾಳಿಗೆ ತೂರಿಕೊಂಡು ರಾಕ್ಷಸರು ಪಾತಾಳಲೋಕಕ್ಕೆ ಹೊರಟುಹೋಗುವ ಸಂಗತಿ. ಮಹಾವಿಷ್ಣುವು ಲಂಕಾಪಟ್ಟಣವನ್ನು ಕುಬೇರನಿಗೆ ಕೊಡುವನು.
ಇನ್ನೂರ ಹತ್ತೊಂಭತ್ತನೆಯ ಅಧ್ಯಾಯ
- ಭರದ್ವಾಜರ ಮಗಳು ದೇವವರ್ಣಿನಿ. ಆಕೆಯ ಗಂಡ ವಿಶ್ರವಸ್ತು, ಇವನ ಮಗನೇ ವೈಶ್ರವಣ (ಕುಬೇರ) ಈ ಮಹಾನುಭಾವನಿಗೆ ಬ್ರಹ್ಮನು ಯಕ್ಷೇಶ್ವರತ್ವವನ್ನೂ, ಧನಾಧಿಪತ್ಯವನ್ನೂ, ಲೋಕಪಾಲಕತ್ವವನ್ನೂ ಅನುಗ್ರಹಿಸಿದನಲ್ಲದೆ ವಿಶ್ವಕರ್ಮನಿರ್ಮಿತವಾದ ಪುಷ್ಪಕವಿಮಾನವನ್ನೂ ಲಂಕಾರಾಜ್ಯವನ್ನೂ ಅನುಗ್ರಹಿಸಿ ಕೊಟ್ಟನು (ಉಪೋದ್ಘಾತವನ್ನು ಓದಿನೋಡಿರಿ.)
ಇನ್ನೂರ ಇಪ್ಪತ್ತನೆಯ ಅಧ್ಯಾಯ
- ಸುಮಾಲಿಯ ಮಗಳೇ ಕೈಕಸೆ. ಇವಳ ತಂದೆಯ ಅನುಜ್ಞೆಯಿಂದ ವಿಶ್ರವಸ್ಸಿನ ಬಳಿಗೆ ಹೋಗಿ ಪ್ರಾರ್ಥಿಸಿ ಅವನನ್ನು ಲಗ್ನವಾಗಿ ಅವನಿಂದ ರಾವಣ ಕುಂಭಕರ್ಣವಿಬೀಷಣರನ್ನು ಮಕ್ಕಳನ್ನಾಗಿ ಪಡೆಯುವ ವೃತ್ತಾಂತ. ಈ ಮೂವರು ಸಹೋದರರೂ ತಪಸ್ಸು ಮಾಡಿ ವರ ಪಡೆಯುವ ಸಂಗತಿ. ವಿಭೀಷಣನೊಬ್ಬನೇ ಧರ್ಮನಿರತನಾಗಿರುವನು. ಅವನ ಅಣ್ಣಂದಿರಿಬ್ಬರೂ ಬ್ರಹ್ಮವರಬಲದಿಂದ ಬಹು ದುಷ್ಟರಾಗಿ ಪರಿಣಮಿಸಿ ಲಂಕೆಯನ್ನು ಕುಬೇರನಿಂದ ಕಿತ್ತುಕೊಳ್ಳುವರು. ರಾವಣ ಮಂಡೋದರೀ ವಿವಾಹ. ರಾವಣನ ಹೆಂಡತಿ ಮಂಡೋದರಿಯು ಮೇಘನಾದನನ್ನು ಪ್ರಸವಿಸುವಳು.
ಇನ್ನೂರ ಇಪ್ಪತ್ತೊಂದನೆಯ ಅಧ್ಯಾಯ
- ರಾವಣನ ದಿಗ್ವಿಜಯದ ಕಥೆ. ಇದರ ವಿಷಯಾನುಕ್ರಮಣಿಕೆಯನ್ನು ಸಂಸ್ಕೃತ ಗ್ರಂಥದ ಮೂಲ ಪ್ರತಿಯಲ್ಲಿ ಬಹಳ ದೊಡ್ಡದಾಗಿ ಬರೆದಿದ್ದಾರೆ. ಅದನ್ನು ಪೂರ್ತಿಯಾಗಿ ಕನ್ನಡಿಸಿದರೆ ಒಂದೊಂದು ಅಧ್ಯಾಯವೇ ಒಂದೊಂದು ಪುಟಕ್ಕಿಂತ ಹೆಚ್ಚಾಗುತ್ತದೆ. ಈ ರೀತಿ ಮೂಲಗ್ರಂಥದ ವಿಷಯಾನುಕ್ರಮಣಿಕೆಯು ಅನೇಕ ಅಧ್ಯಾಯಗಳಲ್ಲಿ ಬಲು ಉದ್ದ ಆಗಿರುವುದರಿಂದ ಅ ಪೂರ್ಣ ಭಾಗವನ್ನು ಹೆಚ್ಚಾಗಿ ಲಂಬಿಸದೆ ಸಂಗ್ರಹವಾಗಿ ಮಾತ್ರ ಬರೆಯುತ್ತೇನೆ. (ಈ ಕ್ರಮವನ್ನನುಸರಿಸಿಯೇ ಮುಂದೆ ವಿವರಿಸಿರುವ ಅಧ್ಯಾಯಗಳೆಲ್ಲವೂ ಸಂಗ್ರಹರೂಪವಾಗಿ ಬರೆಯಲ್ಪಡುವುವು. ರಾವಣನು ದೇವತಾಸ್ತ್ರೀಯರನ್ನು ಅಪಹರಿಸುವನು. ಮತ್ತು ಅಯೋಧ್ಯೆಯ ಅರಸನಾದ ಅನರಣ್ಯ ರಾಜನನ್ನು ಕೊಳ್ಳುವನು. ಅವನಿಂದ ಶಾಪ ಹೊಂದುವನು. ವೇದವತಿಯನ್ನು ಕೆಣಕಿ ಅವಳಿಂದ ಶಾಪಹೊಂದುವನು. ಈ ವೇದವತಿಯು ಸೀತೆಯಾಗಿ ಹುಟ್ಟುವ ವೃತ್ತಾಂತ)
ಇನ್ನೂರ ಇಪ್ಪತ್ತೆರಡನೆಯ ಅಧ್ಯಾಯ
- ನೀತಿಧರ್ಮವನ್ನು ಅನುಸರಿಸೆಂದು ಕುಬೇರನು ರಾವಣನಿಗೆ ಹೇಳಿ ಕಳುಹಿಸಿರಲು ಆ ವೃತ್ತಾಂತವನ್ನು ಹೇಳಿದ ತನ್ನ ಅಣ್ಣನ ದೂತನನ್ನು ರಾವಣನು ಕೊಂದುಬಿಡುವನು. ಮತ್ತು ಕುಬೇರನ ಪುಷ್ಪಕ ವಿಮಾನವನ್ನು ಕಿತ್ತುಕೊಂಡು ಅದರ ಮೇಲೆ ಕುಳಿತು ಕೈಲಾಸಕ್ಕೆ ಹೋಗಿ ನಂದಿಕೇಶ್ವರನನ್ನು ಅಣಕಿಸಿ ಅವನಿಂದ ಶಾಪವನ್ನು ಹೊಂದಿ ಕೈಲಾಸಪರ್ವತವನ್ನಲ್ಲಾಡಿಸಿ ಕೈಜೆಜ್ಜಿಕೊಂಡು ಕಿರಿಚಿಕೊಂಡಾಗ ಶಿವನಿಂದ ರಾವಣನೆಂಬ ಹೆಸರನ್ನು (ಬಿರುದನ್ನು) ಹೊಂದಿ ಅಷ್ಟಕ್ಕೂ ಬಿಡದೆ ಯಮನನ್ನು ಕೆಣಕಿ ಅಲ್ಲಿ ವಿಪರೀತ ಜಗಳವಾಡಿ ಬ್ರಹ್ಮನಿಂದ ಬುದ್ಧಿ ಹೇಳಿಸಿಕೊಂಡು ಅಷ್ಟಕ್ಕೂ ಬಿಡದೆ ಸೂರ್ಯನ ಸಂಗಡ ಯುದ್ಧಕ್ಕೆ ಹೊರಟು, ಅಲ್ಲೂ ಸಹ ಬ್ರಹ್ಮನು ಸೂರ್ಯನನ್ನು ಸಮಾಧಾನಮಾಡಿ ಯುದ್ಧವನ್ನು ಬಿಡಿಸಿದ ಮೇಲೆ ರಾವಣನು ಅಷ್ಟಕ್ಕೆ ಸುಮ್ಮನಾಗದೆ ಇಂದ್ರಾದಿ ಸಕಲ ದೇವತೆಗಳನ್ನೂ ಜಯಿಸುವನು.
ಇನ್ನೂರ ಇಪ್ಪತ್ತಮೂರನೆಯ ಅಧ್ಯಾಯ
- ರಾವಣನು ಪಾತಾಳಲೋಕಕ್ಕೆ ನುಗ್ಗಿ ಅಲ್ಲಿದ್ದ ಕಾಲಖಂಜಾದಿ ದೈತ್ಯರನ್ನು ಗೆದ್ದು ಬ್ರಹ್ಮನ ಮಾತಿಗೆ ಬೆಲೆಕೊಟ್ಟು ನಿವಾತಕಚಾದಿಗಳೊಡನೆ ಸ್ನೇಹಮಾಡಿಕೊಳ್ಳುವನು. ವರುಣಲೋಕಕ್ಕೆ ಹೋಗಿ ಅಲ್ಲಿಯೂ ಜಯಶಾಲಿಯಾಗಿ ಬರುವನು. ಇಷ್ಟಾದ ಬಳಿಕ ಕಿಷ್ಕಿಂಧಾಪಟ್ಟಣಕ್ಕೆ ಹೋಗಿ ವಾಲಿಯ ಮೇಲೆ ಯುದ್ಧ ಮಾಡಲು ಪ್ರಯತ್ನಪಡುವ ಸಮಯದಲ್ಲಿ ತಾರನೆಂಬುವನು ವಾಲಿಯ ಪರಾಕ್ರಮವನ್ನು ತಿಳಿಸಿ ಅವನ ಸಂಗಡ ಯುದ್ಧ ಮಾಡದಂತೆ ತಡೆದು ರಾವಣನನ್ನು ಹಿಂದಕ್ಕೆ ಕಳಿಸುವ ವೃತ್ತಾಂತ.
ಇನ್ನೂರ ಇಪ್ಪತ್ತೈದನೆಯ ಅಧ್ಯಾಯ
- ಈಶ್ವರನು ಅಂಧಕಾಸುರನ ಮೇಲೆ ಯುದ್ಧಮಾಡುವ ವೃತ್ತಾಂತ. ಅಂಧಕಾಸುರರು ಕೋಟಿಗಟ್ಟಲೆ ಹುಟ್ಟಲಿಕ್ಕಾರಂಭಿಸಲು ಅವರ ರಕ್ತ ಪಾನಮಾಡಲಿಕ್ಕಾಗಿ ಈಶ್ವರನು ಮಾಹೇಶ್ವರ್ಯಾದಿಮಾತೃಗಣಗಳನ್ನು ಸೃಷ್ಟಿಸುವನು. ಈ ಮಾಹೇಶ್ವರ ಗ್ರಹಗಳು ಅಂಧಕರ ರಕ್ತಗಳನ್ನು ಹೀರಿ ಮೂಲಾಂಧಕನನ್ನು ಕೊಂದುಬಿಡುವುವು. ಬಳಿಕ ಅವು ಈಶ್ವರನನ್ನು ಅಲಕ್ಷ್ಯವಾಗಿ ಕಂಡು ಅವನ ಮೇಲೆಯೇ ಬೀಳತೊಡಗಲು ಈಶ್ವರನು ನೃಸಿಂಹ ಸ್ತೋತ್ರ ಮಾಡುವನು. ನೃಸಿಂಹನು ಮಾತೃಗಣಗಳಿಗೆ ಪ್ರತಿಯಾಗಿ ಬೇರೆ ಬೇರೆ ಗ್ರಹಗಳನ್ನು ನಿರ್ಮಾಣಮಾಡಲು ಮೊದಲು ಹುಟ್ಟಿದ ರುದ್ರನ ಕಡೆಯ ಗಣಗಳು ನರಸಿಂಹಸ್ವಾಮಿಗೆ ಅಡ್ಡ ಬೀಳುವುವು. ಭಗರ್ವಾ ಲಕ್ಷ್ಮೀನೃಸಿಂಹಸ್ವಾಮಿಯು ಸಕಲ ಮಾತೃಗಣಗಳಿಗೂ ವರವನ್ನು ಕೊಡುವ ವೃತ್ತಾಂತ ನೃಸಿಂಹಸ್ವಾಮಿಯನ್ನು ಧ್ಯಾನಿಸಿವವರೆಲ್ಲರೂ ಸಕಲೇಷ್ಟಾರ್ಥಗಳನ್ನು ಹೊಂದುತ್ತಾರೆ.
- ಈಶ್ವರನು ಅಂಧಕಾಸುರನ ಮೇಲೆ ಯುದ್ಧಮಾಡುವ ವೃತ್ತಾಂತ. ಅಂಧಕಾಸುರರು ಕೋಟಿಗಟ್ಟಲೆ ಹುಟ್ಟಲಿಕ್ಕಾರಂಭಿಸಲು ಅವರ ರಕ್ತ ಪಾನಮಾಡಲಿಕ್ಕಾಗಿ ಈಶ್ವರನು ಮಾಹೇಶ್ವರ್ಯಾದಿಮಾತೃಗಣಗಳನ್ನು ಸೃಷ್ಟಿಸುವನು. ಈ ಮಾಹೇಶ್ವರ ಗ್ರಹಗಳು ಅಂಧಕರ ರಕ್ತಗಳನ್ನು ಹೀರಿ ಮೂಲಾಂಧಕನನ್ನು ಕೊಂದುಬಿಡುವುವು. ಬಳಿಕ ಅವು ಈಶ್ವರನನ್ನು ಅಲಕ್ಷ್ಯವಾಗಿ ಕಂಡು ಅವನ ಮೇಲೆಯೇ ಬೀಳತೊಡಗಲು ಈಶ್ವರನು ನೃಸಿಂಹ ಸ್ತೋತ್ರ ಮಾಡುವನು. ನೃಸಿಂಹನು ಮಾತೃಗಣಗಳಿಗೆ ಪ್ರತಿಯಾಗಿ ಬೇರೆ ಬೇರೆ ಗ್ರಹಗಳನ್ನು ನಿರ್ಮಾಣಮಾಡಲು ಮೊದಲು ಹುಟ್ಟಿದ ರುದ್ರನ ಕಡೆಯ ಗಣಗಳು ನರಸಿಂಹಸ್ವಾಮಿಗೆ ಅಡ್ಡ ಬೀಳುವುವು. ಭಗವಾನ್ ಲಕ್ಷ್ಮೀನೃಸಿಂಹಸ್ವಾಮಿಯು ಸಕಲ ಮಾತೃಗಣಗಳಿಗೂ ವರವನ್ನು ಕೊಡುವ ವೃತ್ತಾಂತ ನೃಸಿಂಹಸ್ವಾಮಿಯನ್ನು ಧ್ಯಾನಿಸಿವವರೆಲ್ಲರೂ ಸಕಲೇಷ್ಟಾರ್ಥಗಳನ್ನು ಹೊಂದುತ್ತಾರೆ.
ಇನ್ನೂರ ಇಪ್ಪತ್ತಾರನೆಯ ಅಧ್ಯಾಯ
- ಈಶ್ವರನು ಅಂಧಕಾಸುರನ ಮೇಲೆ ಯುದ್ಧಮಾಡುವ ವೃತ್ತಾಂತ. ಅಂಧಕಾಸುರರು ಕೋಟಿಗಟ್ಟಲೆ ಹುಟ್ಟಲಿಕ್ಕಾರಂಭಿಸಲು ಅವರ ರಕ್ತ ಪಾನಮಾಡಲಿಕ್ಕಾಗಿ ಈಶ್ವರನು ಮಾಹೇಶ್ವರ್ಯಾದಿಮಾತೃಗಣಗಳನ್ನು ಸೃಷ್ಟಿಸುವನು. ಈ ಮಾಹೇಶ್ವರ ಗ್ರಹಗಳು ಅಂಧಕರ ರಕ್ತಗಳನ್ನು ಹೀರಿ ಮೂಲಾಂಧಕನನ್ನು ಕೊಂದುಬಿಡುವುವು. ಬಳಿಕ ಅವು ಈಶ್ವರನನ್ನು ಅಲಕ್ಷ್ಯವಾಗಿ ಕಂಡು ಅವನ ಮೇಲೆಯೇ ಬೀಳತೊಡಗಲು ಈಶ್ವರನು ನೃಸಿಂಹ ಸ್ತೋತ್ರ ಮಾಡುವನು. ನೃಸಿಂಹನು ಮಾತೃಗಣಗಳಿಗೆ ಪ್ರತಿಯಾಗಿ ಬೇರೆ ಬೇರೆ ಗ್ರಹಗಳನ್ನು ನಿರ್ಮಾಣಮಾಡಲು ಮೊದಲು ಹುಟ್ಟಿದ ರುದ್ರನ ಕಡೆಯ ಗಣಗಳು ನರಸಿಂಹಸ್ವಾಮಿಗೆ ಅಡ್ಡ ಬೀಳುವುವು. ಭಗವಾನ್ ಲಕ್ಷ್ಮೀನೃಸಿಂಹಸ್ವಾಮಿಯು ಸಕಲ ಮಾತೃಗಣಗಳಿಗೂ ವರವನ್ನು ಕೊಡುವ ವೃತ್ತಾಂತ ನೃಸಿಂಹಸ್ವಾಮಿಯನ್ನು ಧ್ಯಾನಿಸಿವವರೆಲ್ಲರೂ ಸಕಲೇಷ್ಟಾರ್ಥಗಳನ್ನು ಹೊಂದುತ್ತಾರೆ.